George Haci

George Haci
George Haci
	rum. Gheorghe Hagi
Ümumi məlumatlar
Doğum tarixi	5 fevral 1965[1][2] (59 yaş)
Vətəndaşlığı	Rumıniya;
Boyu	174 sm
Çəkisi	73 kq
Mövqeyi	yarımmüdafiəçi
Karyerası
Gənclik karyerası
1978–1980	"Farul" (Konstansa)
1980–1981	"Luçaferul" (Buxarest)
1981–1982	"Farul" (Konstansa)
Klub karyerası[* 1]
Cəmi	516 (257)
Milli yığma[* 2]
Məşqçisi olduğu klublar
2001	Rumıniya
2003–2004	"Bursaspor" (Bursa)
2004–2005	"Qalatasaray" (İstanbul)
2005–2006	"Politexnika" (Timişoara)
2007	"Styaua" (Buxarest)
2010–2011	"Qalatasaray" (İstanbul)
2014–dən	"Viitorul"
	Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.; Rəsmi oyunlarda milli yığmanın heyətində keçirdiyi oyunların və vurduğu qolların sayı.;
	Vikianbarda əlaqəli mediafayllar

George Haci (rum. Gheorghe Hagi; 5 fevral 1965[1][2]) — rumın futbol yarımmüdafiəçisi; XX əsrin ən yaxşı rumın futbolçusu. 2001-ci ildən məşqçi kimi fəaliyyət göstərir.

Həyatı

George Haci 5 fevral 1965-ci ildə Rumıniyada Konstansa vilayətinin Seçele kəndində anadan olmuşdur.

Onun özündən böyük Elena və Sultan adında iki bacısı var. 6 yaşında ikən anası Çirata ona həyatını dəyişdirəcək və heç vaxt unutmayacağı bir hədiyyə verir nu futbol topu idi.

Klub karyerası

"Farul"

Hacini ilk kəşf edən "Farul" (Konstansa) klubunun gənclərdən ibarət heyətini çalışdıran İosif Bukossi olmuşdur. Sonradan Hacinin futbolçu olmasında onun böyük əməyi vardır.

Haci ilk rəsmi matçına 11 yaşında çıxmışdır. 1979/1980 mövsümündə lisenziyalı olaraq "Farul" (Konstansa) komandasının oyunçusu olub.

"Sportul"

1983-cü ildə imtahan vermədən universitetə daxil olmaq üçün "Universitatya Krayova" komandasıyla müqavilə bağlayır. Bundan Rumıniya Sosialist Respublikasının prezidenti, diktator Nikolae Çauşeskunun oğlu Niku xəbər tutur və dərhal Hacini Buxarestdə bir universitetə yazdırır və onu fəxri prezidenti olduğu "Sportul Studentes"ə transfer edir. Haci 1983–1987-ci illərdə formasını geyindiyi "Sportul"da 108 matça çıxmış və 58 qola imza atmışdır.

"Styaua"

Hacinin uğurları Çauşeskunun böyük oğlu Valentinin də diqqətini çəkir. Qardaşı ilə arası heç də yaxşı olmayan Valentin Hacini ordu komandası olan "Styaua"ya transfer edir. Həmin vaxt Buxarest klubu Avropa Çempionlar Kubokunun qalibi olmuşdu. Avropa Superkuboku uğrunda keçirilən oyunda isə artıq Haci də heyətdə idi. Həmin matç Hacinin vurduğu yeganə qolla – 1:0 hesabı ilə başa çatır.

Bundan başqa, "Styaua"dakı ilk ilində Rumıniya Kuboku və Rumıniya Liqa Çempionluğunu yaşayan Haci daha sonra bu komanda ilə 1 Rumıniya Kuboku və 2 çempionluq qazanmışdır.

"Styaua"da oynadığı dövrdə "Yuventus", "Liverpul", "Çelsi" və ən çox da "Milan" kimi güclü klublar tərəfindən dəfələrlə transfer edilmək istənilsə də, dövrün kommunist rejimi səbəbiylə bu baş tutmur.

"Real"

1990/1991 mövsümündə ölkədəki kommunist rejiminin dəyişməsindən sonra Haci 25 yaşında ikən İspaniyanın dünyaca məşhur klubu olan Madrid "Real"ına transfer olur. Bu transferi Madrid klubu heç də asan başa gəlmir. İspanlar 4 milyon dollara – o dövrə üçün rekord sayılan ödəniş qarşılığında onu transfer edə bilirlər.

1990–1992-ci illərdə formasını geyindiyi "Real"da Toşak və Antiç kimi mütəxəssislərlə çalışır; 64 oyunda 16 qol vurur.

"Breşiya"

Madriddə istədiyi uğuru əldə edə bilməyən futbolçu 2 mövsüm sonra – 1992-ci ildə İtaliyaya yollanaraq, "Breşiya" klubuna transfer olunur. "Breşiya"dakı ilk ilində klub elitanı tərk edən zaman yeni transfer təkliflərinə baxmayaraq, Haci komandadan ayrılmır. Klubdakı ikinci ilində "Breşiya" tarixindəki ən diqqətçəkən uğurlardan birinə imza atır: İngiltərə və İtaliya klublarının iştirak etdiyi "Anqlo-İtaliya Kuboku"nu qazandı.

"Barselona"

"Barselona"nın holland baş məşqçisi Yohan Kroyffun səyləri nəticəsində 1994/1995 mövsümündə Haci yenidən İspaniyaya qayıtdı. Burada iki mövsüm çıxış edir və 36 oyunda 7 qol vurdu.

"Qalatasaray"

Hacinin karyerasında ən uzun müddət və ən çox meydana çıxdığı klub məhz "Qalatasaray" olmuşdur. O, İstanbulda 5 mövsüm çıxış etmişdir.

Hacinin "Qalatasaray"a transferi Türkiyə mətbuatında tənqidlərlə qarşılandı. Onun yaşının əslində 31 yox, 35 olduğu iddia edildi. Qeyd edək ki, bu həm də onun transferində növbəti rekord qiymət idi.

Haci tənqidlərə meydanda qarşılıq verəcəyini deyərək, "Qalatasaray"dakı ilk üç çempionat matçında qələbə gətirən qolları vurur. Növbəti illərdə isə Haci komandanın lideri olur. Komandaya qazandırdığı kuboklarla yanaşı, oynadığı 132 matçda 59 qol vurdu və daha 51 dəfə isə qol vurdurur.

"Qalatasaray"da oynadığı 5 mövsümdə UEFA Kuboku, Avropa Superkuboku, 4 Superliqa çempionluğu, 2 Türkiyə kuboku və 1 Cumhurbaşkanlığı Kubokunu qazanmışdır.

Onun bu klubdakı uğurları fanatlar tərəfindən "I love you Hagi" şüarını yaratmışdı. Türklərin inanılmaz "10 nömrə" adlandırdığı Haci sərt, dəqiq zərbələri və ecazkar cərimə zərbələriylə "Qalatasaray" azarkeşlərinin qəlbində taxt quraraq, unudulmazlar sırasına daxil olmuşdur.

Milli komanda karyerası

George Haci 1983–2000-ci illərdə 125 dəfə Rumıniya millisinin formasını geyinmiş və 35 qol vurmuşdur.

Məşqçilik karyerası

Məşqçilik karyerasına Rumıniya milli komandasında başlayan George Haci, sonradan "Bursaspor", "Qalatasaray", "Politexnika", "Styaua" kimi klubları çalışdırmışdır.

2014-cü ildən isə o, Rumıniya Liqa 1-ində çıxış edən "Viitorul" klubunun baş məşqçisidir.

Ləqəbi

Ona "Karpat Maradonası" ləqəbi verilib. Lakin bu ləqəbi özü heç vaxt bəyənməyib. Ölkəsində dostları onu "Qiça" ləqəbiylə çağırıb.

Klub statistikası

Mənbələr:[3][4][5][6][7]

Klub performansı			Çempionat		Kubok		Digər		Qitə[nb 1]		Total
Mövsüm	Klub	Çempionat	Oyun	Qol	Oyun	Qol	Oyun	Qol	Oyun	Qol	Oyun	Qol
Rumıniya			Çempionat		Rumıniya Kuboku		Rumıniya Liqası		Avropa		Cəmi
1982–83	"Farul" (Konstansa)	Divizia A	18	7			–		–		18	7
1983–84	"Sportul" (Buxarest)	Divizia A	31	2			–		2	0	33	2
1984–85			30	20			–		2	0	32	20
1985–86			31	31			–		2	3	33	34
1986–87			16	5			–		4	1	20	6
1986–87	"Styaua" (Buxarest)	Divizia A	14	10			–		1	1	15	11
1987–88			31	25			–		8	4	39	29
1988–89			30	31			–		9	6	39	37
1989–90			22	10			–		3	1	25	11
İspaniya			Çempionat		Kopa del Rey		Superkubok		Avropa		Cəmi
1990–91	"Real" (Madrid)	La Liqa	29	4	0	0	1	0	4	0	34	4
1991–92	"Real" (Madrid)	La Liqa	35	12	5	1	–		10	3	50	16
İtaliya			Çempionat		Kubok		Superkubok		Avropa		Cəmi
1992–93	"Breşiya"	İtaliya A Seriyası	31	5			–		–		31	5
1993–94	"Breşiya"	İtaliya B Seriyası	30	9			–		–		30	9
İspaniya			Çempionat		Kopa del Rey		Superkubok		Avropa		Cəmi
1994–95	"Barselona"	La Liqa	17	4	2	1	2	0	2	0	23	5
1995–96	"Barselona"	La Liqa	19	3	4	0	–		5	3	28	6
Türkiyə			Çempionat		Kubok		Superkubok		Avropa		Cəmi
1996–97	"Qalatasaray" (İstanbul)	Türkiyə Super Liqası	30	14	1	2	2	0	3	1	36	17
1997–98			30	8	6	0	0	0	6	0	42	8
1998–99			28	14	4	1	–		8	3	40	18
1999–00			19	12	3	1	–		15	4	37	17
2000–01			25	11	1	0	–		11	2	37	13
Ölkə	Rumıniya		223	141	17	6	—		31	16	271	163
	İspaniya		100	23	11	2	3	0	21	6	135	31
	İtaliya		61	14	4	2	—		—		65	16
	Türkiyə		132	59	15	4	2	0	43	10	192	73
Yekun			516	237	47	14	5	0	95	32	663	283

Milli komanda statistikası

Mənbə:[8][9]

Rumıniya milli futbol komandası
İl	Oyun	Qol
1983	5	0
1984	9	1
1985	10	4
1986	8	3
1987	8	2
1988	4	2
1989	8	0
1990	11	2
1991	6	2
1992	5	4
1993	5	1
1994	11	5
1995	3	1
1996	8	1
1997	6	4
1998	7	1
1999	4	2
2000	6	0
Yekun	124	35

Qeydlər

Buraya UEFA Çempionlar Liqası, UEFA Kuboku, UEFA Kuboklar Kuboku və UEFA Superkuboku (1986, 2000) daxildir

Mənbə

Diktatorun oğlunun qəlbini ovlayan kəndçi balası Haci — VİDEO. publika.az, 19.02.2015 (az.)

İstinadlar

Gheorghe Hagi // Transfermarkt (çd.). 2000.
Gheorghe Hagi // Enciclopèdia de l'esport català (kat.). Grup Enciclopèdia, 2012.
"Gheorghe Hagi career stats". Football Database.eu. 23 May 2018 tarixində arxivləşdirilib. İstifadə tarixi: 17 July 2012.
"George Haci". National Football Teams. İstifadə tarixi: 15 February 2013.
"Spanish La Liga & Segunda stats". LFP. 25 April 2013 tarixində orijinalından arxivləşdirilib. İstifadə tarixi: 15 February 2013.
"Gheorghe Hagi Turkey stats". TFF. İstifadə tarixi: 17 July 2012.
"Gheorghe Hagi – Matches in European Cups". RSSSF. 28 February 2022 tarixində arxivləşdirilib. İstifadə tarixi: 17 July 2012.
"Gheorghe Hagi – Century of International Appearances" Arxivləşdirilib 2020-10-31 at the Wayback Machine. RSSSF. Retrieved 17 July 2012.
Gheorghe HAGI Arxivləşdirilib 2012-05-20 at the Wayback Machine. FRF. Retrieved 17 July 2012.

Xarici keçidlər

hagi.ro — George Hacinin rəsmi saytı
FIFA saytında statistika (ing.)
UEFA.com saytında statistika (ing.)
George Haci — IMDb səhifəsi

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[club-3] Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.

[national-4] Rəsmi oyunlarda milli yığmanın heyətində keçirdiyi oyunların və vurduğu qolların sayı.

[10] Buraya UEFA Çempionlar Liqası, UEFA Kuboku, UEFA Kuboklar Kuboku və UEFA Superkuboku (1986, 2000) daxildir

[_b927a5e5bd555af9-1] Gheorghe Hagi // Transfermarkt (çd.). 2000.

[_d2b5974a27ed8c6c-2] Gheorghe Hagi // Enciclopèdia de l'esport català (kat.). Grup Enciclopèdia, 2012.

[5] "Gheorghe Hagi career stats". Football Database.eu. 23 May 2018 tarixində arxivləşdirilib. İstifadə tarixi: 17 July 2012.

[6] "George Haci". National Football Teams. İstifadə tarixi: 15 February 2013.

[7] "Spanish La Liga & Segunda stats". LFP. 25 April 2013 tarixində orijinalından arxivləşdirilib. İstifadə tarixi: 15 February 2013.

[8] "Gheorghe Hagi Turkey stats". TFF. İstifadə tarixi: 17 July 2012.

[9] "Gheorghe Hagi – Matches in European Cups". RSSSF. 28 February 2022 tarixində arxivləşdirilib. İstifadə tarixi: 17 July 2012.

[11] "Gheorghe Hagi – Century of International Appearances" Arxivləşdirilib 2020-10-31 at the Wayback Machine. RSSSF. Retrieved 17 July 2012.

[12] Gheorghe HAGI Arxivləşdirilib 2012-05-20 at the Wayback Machine. FRF. Retrieved 17 July 2012.