Gülağa Zeynalov

Gülağa Tapdıq oğlu Zeynalov (28 aprel 1956, Şuşa, DQMV – 2 yanvar 2015, Bakı) — milli musiqi sənətinin tanınmış nümayəndələrindən biri, ustad tarzən, dosent.

Gülağa Zeynalov
Ümumi məlumatlar
Doğum tarixi 28 aprel 1956(1956-04-28)
Doğum yeri
Vəfat tarixi 2 yanvar 2015(2015-01-02) (58 yaşında)
Vəfat yeri
Vətəndaşlığı
Musiqiçi məlumatları
Fəaliyyəti musiqiçi
Musiqi aləti Tar
Mükafatları Ü.Hacıbəyov adına xalq çalğı alətləri I respublikalararası müsabiqənin laureatı

Həyat və fəaliyyəti

Gülağa Zeynalov 1956-cı il aprel ayının 28-də Şuşa şəhərində anadan olmuşdur. O, 1970-ci ildə Şuşa Musiqi Məktəbini, 1974-cü ildə Xankəndi Orta İxtisas Musiqi Məktəbini və 1980-ci ildə Ü. Hacıbəyov adına Azərbaycan Dövlət Konservatoriyasını bitirmişdir. Tarzən 1980–1982-ci illərdə M. M. Nəvvab adına Şuşa Orta İxtisas Musiqi Məktəbində müəllim, 1984–1986-cı illərdə Şuşa rayon Mədəniyyət Şöbəsinin müdiri vəzifəsində çalışmış, 1993–1995-ci illərdə Şuşa Dövlət Musiqili Dram Teatrının drijoru olmuşdur. Hər il Gürcüstan Respublikasının Dmanisi rayonunda (Başkeçid) keçirilən Borçalı Türklərinin Elat Mədəniyyəti Günlərində Qarabağ Üçlük Muğam Qrupunun rəhbəri kimi Qarabağın tanınmış ziyalıları ilə birgə Qarabağ həqiqətlərinin təbliğində böyük rolu olmuşdur. Gülağa Zeynalov Rusiyanın, Ukraynanın, Qazağıstanın, Türkiyənin, Almaniyanın iri konsert salonlarında çıxış etmişdir. Gənc yaşlarından Odessa, Berlin, İstanbul, Hollandiya, Qazaxıstan, Özbəkistan, Kiyev və başqa şəhərlərdə keçirilən festival və müsabiqələrdə iştirak etmişdir.[1]

Dirijorluq etdiyi komediyalar
  • "Arşın mal alan" Ü. Hacıbəyov;
  • "Durna" S. Rüstəmov;
  • "Özümüz bilərik" S. Ələsgərov;
  • "Nənəmin şahlıq quşu" V. Adıgözəlov.

Mükafatları

Gülağa Zeynalov respublika və Ümumittifaq festifallarının, o cümlədən 1986-cı ildə keçirilən Ü. Hacıbəyov adına xalq çalğı alətləri I respublikalararası müsabiqənin laureatı olmuşdur.

Vəfatı

Gülağa Zeynalov 2015-ci ilin 2 yanvar tarixində vəfat etmişdir.[2]

Xatirəsi

2016-cı ildə tarzən Gülağa Zeynalovun həyat və yaradıcılığına həsr olunmuş rejissoru Əlinasir İmanlı olmuş "Sarı simin sızıltısı" adlı film çəkilmişdir.

Həmçinin bax
  • Tarzən
  • Sarı simin sızıltısı (film, 2016)

Xarici keçidlər

İstinadlar
  1. Əziz dostumuzu itirdik-VIDEO-YENİLƏNDİ
  2. "Tarzən Gülağa Zeynalov dünyasını dəyişib". 2015-01-12 tarixində arxivləşdirilib. İstifadə tarixi: 2019-01-07.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.