Nyu-York metropoliteninin texnologiyası

2003-cü ildə MTA 158 IRT stansiyasında növbəti qatarın gəlməsinə qalan dəqiqələri göstərən rəqəmsal real-vaxt bildiriş lövhələrinin (rəsmi olaraq İctimai Ünvan Müştəri Məlumat Ekranları (ing. Public Address Customer Information Screens) və ya PA/CIS[13]) quraşdırılması üçün Siemens Transportation Systems ilə 160 milyon ABŞ dolları məbləğində müqavilə imzalayıb.[14] 2006-cı ilin may ayında bir çox texniki problemlər və gecikmələrdən sonra şirkətə ödənişlər dayandırılıb[15] və MTA alternativ təchizatçılar və texnologiyalar axtarmağa başlayıb.[14] 2007-ci ilin yanvar ayında Siemens məsələlərin həll olunduğunu və ilin sonuna qədər bu ekranların 158 stansiyada mövcud olacağını elan etdi.[16] 2008-ci ildə MTA texniki problemləri əsas gətirərək sistemin tətbiqini 2011-ci ilə qədər təkrar təxirə salmışdı.[17][18]

Müxtəlif növ qatarların gəlmə vaxtını göstərən "sayğaç saatlar"

A Diviziyasının Leksinqton-Avenyu xəttinin 59-cu strit stansiyasında istifadə olunan müfəssəl növbəti qatar lövhə növü.

Kanarsi xəttinin Lorimer-Strit stansiyasında istifadə olunan müfəssəl növbəti qatar lövhə növü.

Brodvey xəttinin Leksinqton-Avenyu–63-cü strit stansiyasında istifadə olunan müfəssəl növbəti qatar lövhə növü.

B Diviziyasının Yeddinci avenyu xəttinin 125-ci strit stansiyasında istifadə olunan sadə növbəti qatar lövhə növü.

2009-cu ilin əvvəlində L qatarı üçün MTA tərəfindən hazırlanan daha sadə bir sistem fəaliyyətə başladı[14][19] və 2009-cu ilin dekabrında Bronksda Pelem xətti (6 <6>  qatarları) stansiyalarında Siemens sisteminin daha böyük ilk üç ekranı fəaliyyətə başladı.[20] Siemens ekranları 2011-ci ilin mart ayına qədər A Diviziyasının 110 stansiyasında[21][22][23][24][25][26] və 2011-ci ilin sonuna qədər isə IRT əsas xəttinin 153 və Kanarsi xəttinin 24 stansiyasında fəaliyyətdə olmuşdur.[13] Yalnız qatarın gəldiyi relsin və qatarın stansiyaya qədər olan dayanma sayının elan edildiyi sadə sayğac saatları 40 stansiyada istifadə olunmuşdur. Bura Kuins-Bulvar xəttində 13,[13] Səkkizinci avenyu xəttində 19 (bu məlumatı göstərən müfəssəl növbəti qatar lövhələrinə də malik 4 stansiya daxil olmaqla),[13][27] Brodvey xəttində 3[13] və Astoria xəttində 5 stansiya daxildir;[28] lakin bu saatlar 2016-cı ildən Brodvey və Astoria xəttində istifadə olunmur.[13] Anonsları radio nəqliyyat müxbiri Berni Veqnblast[29] və Karolin Hopkins səsləndirir.[30]

2012-ci ildə 1-dən 6-ya qətər olan marşurut qataları və 42-ci strit məkiyi üçün real-vaxt stansiya məlumatı MTA-nın Subway Time mobil proqramı və API vasitəsilə üçüncü tərəf tərtibatçılara açıq məlumat olaraq istifadəyə verilmişdir.[31] 2014-cü ilin əvvəllərində L qatarı üçün məlumatlar da tərtibatçılara təqdim edilmişdir.[32]

Flaşinq xəttində 22, Dayr-Avenyu xəttinin 5 stansiyasındakı ekranların Flaşinq xətti stansiyaları üçün CBTC siqnalizasiya sisteminin modernizasiya yeniləməsinin və Dayr-Avenyu xətti stansiyalarının siqnalizasiya sisteminin modernizasiyasının gecikməsi səbəbi ilə 2010-cu illərinin sonuna qədər fəaliyyət göstərəcəyi gözlənilmir.[33] B Diviziyasının 267 stansiyasında ekranlar 2015-2019-cu illər kapital proqramı çərçivəsində quraşdırılacaq.[34] 2015-ci ilin oktyabrında 2015-2019-cu illər kapital proqramının büdcəsi təsdiqləndikdən sonra sayğaç saatlarının tam quraşdırılması 472 stansiyadan 323-ünün[qeyd 4] bu saatlara sahib olacağı 2020-ci ilədək təxirə salınıb.[35] Bu, metro stansiyalarında Wi-Fi və 3G sistemlərinin qurulma ölçüsünə bağlı olub, digər məsələlərlə yanaşı, sayğac saatları səmərəli edir.[36] 2016-cı ildə B, D və N sayğaç saatları ilə təmin olunacağı gözlənilirdi; D boyunca Uest-End xətti ilə yanaşı B və D boyunca onların ümumi Konkors xətti və N boyunca Si-Biç xətti stansiyaları real-vaxt bildiriş lövhələri ilə təmin olunacaqdı.[36][37] Bununla yanaşı, Flaşinq xətti (7 <7> ) 2018-ci ildə saatlarla təmin edilməli idi, 2016-cı ildə gecikmə əvvəlcədən elan edildi.[36]

2016-cı il avqust ayında N Q R W marşrutlarında Brodvey xəttinin 8 stansiyasında yenilənmiş sayğaç saatları üçün 90-günlük sınaq dövrü başladı. Saatlar köhnə LED ekranların əksinə yeni LCD ekranlarla təchiz edilmişdi. Yeni sayğaç saatları yalnız tarixi və vaxtı və növbəti qatarla gəlişini göstərə bilən köhnə sayğaç saatlarından fərqli olaraq tarix və saatı, mövcud hava şəraitini reklamları, digər media və xidmət dəyişikliklərini göstərir. LCD saatlar həmçinin ilə hər qatarın ilk və son vaqonuna quraşdırılmış Bluetooth qəbulediciləri ilə qoşulmuş stansiyalardakı platformanın hər iki ucunda quraşdırılmış Bluetooth qəbuledicilərindən gələn məlumatı istifadə edir. Sınaq müvəffəqiyyətli olsaydı, B Diviziyasının qalan 269 stansiyası da yeni LCD sayğaç saatları ilə təmin ediləcəkdi.[38] MTA Bluetooth və stansiyalarda mövcud simsiz rabitəni istifadə edərək sınağı sürətləndirə bildi. Nömrələnmiş xətlərdəki sayğaç saatlarının fərqli olaraq sistem qatarların stansiyalara giriş və çıxış vaxtlarına əsaslanaraq qatarların növbəti stansiyaya daxil olacağı vaxtı hesablayır.[39]

2016-cı ilin noyabr ayında MTA Brodvey xətti sayğaç saatı sınağının uğurlu olduğunu elan etdi. Bütün B Diviziyası stansiyaları 2018-ci ilin mart ayına (planlaşdırılandan bir neçə il əvvəl) qədər Brodvey xəttindəki saatlarda olan eyni Bluetooth texnologiyasından istifadə edən sayğaç saatları ilə təmin ediləcək. Sayğaç saatlarında A Diviziyasında və B Diviziyasında səpələnmiş halda olan mövcud və yeni Siemens üçrəngli LED ekranlardan və ya Brodvey xəttində olan yeni çoxrəngli LCD ekranlardan istifadə olunacaq.[40] R 2017-ci ilin iyul ayında B Diviziyasının əsas xəttinin bütün uzunluğu boyunca sayğaç saatları ilə təmin edilən ilk marşrutu oldu. 2017-ci ilin iyul ayında yayım MTA tərəfindən yayımlanan silsilə plana əsasən 2018-ci ilin dekabr ayına qədər mərhələli şəkildə digər marşrutlarda sayğaç saatları ilə təmin ediləcək.[41] MTA-nın Subway Time proqramında test məqsədi ilə proqramda əvvəlcədən mövcud olan A Diviziyası və L marşrutu üçün olan məlumatlara əlavə olaraq həmçinin B Diviziyasının bütün marşrutları üçün olan məlumatlar da istifadəsi mümkün oldu.[40]