Feyzulla Qasımzadə

Feyzulla Qasımzadə (22 fevral 1898, Mərdəkan, Bakı qəzası – 29 mart 1976, Bakı) — ədəbiyyatşünas, pedaqoq, Azərbaycan EA-nın həqiqi üzvü (akademik), filologiya elmləri doktoru (1955), professor (1957), Azərbaycanın Əməkdar elm xadimi (1958) və Əməkdar müəllimi (1943).[1][2]

Feyzulla Qasımzadə
Feyzulla Qasımzadə
Doğum tarixi
Doğum yeri
Vəfat tarixi (78 yaşında)
Vəfat yeri
Dəfn yeri
Həyat yoldaşı Tubu Qasımzadə
Uşağı
Atası Səməd Qasımzadə
Anası Püstəxanım Qasımzadə
Elmi dərəcələri filologiya elmləri doktoru,
Elmi adı professor
Üzvlüyü
Mükafatları "Qırmızı əmək bayrağı" ordeni "Qırmızı əmək bayrağı" ordeni "Qafqazın müdafiəsinə görə" medalı

Həyatı

Feyzulla Qasımzadə 22 fevral 1898-ci ildə Bakının Mərdəkan kəndində anadan olmuşdur.[3] Ali təhsilini əvvəlcə 1923-1925-ci illərdə Azərbaycan Pedaqoji Unistitutunda, daha sonra 1926-1929-cu illərdə Bakı Dövlət Universitetinin Şərqşünaslıq fakültəsində almışdır. 1929-1931-ci illərdə Azərbaycan Dövlət Elmi Tədqiqat İnstitutunun aspirantı olmuşdur.[1]

Əmək fəaliyyəti

Feyzulla Qasımzadə əmək fəaliyyətinə 1916-cı ildən Abşeron kəndlərində və Bakı şəhərinin məktəblərində müəllimliklə başlamışdır. O, 1928-1929-cu illərdə Bakı Pedaqoji Texnikumunda 1929-1931-ci illərdə APİ-də müəllim kimi fəaliyyət göstərmişdir. 1931-1938-ci illərdə Xalq Maarif Komissarlığında metodist-təlimatçı vəzifəsində çalışmışdır.[1]

Feyzulla Qasımzadə SSRİ EA Azər­bay­can Filialı­nın Dil və Ədə­biy­yat İns­titutunda baş elmi işçi, Azərbaycan Pe­daqoji İnstitu­tunda do­sent, kafedra müdiri, Bakı Dövlət Universitetində kafedra mü­di­ri, 1959-cu ildə Azərbaycan Pedaqoji İnstitu­tun­da Ədəbiyyat ka­fed­ra­­sının müdiri kimi fəaliyyət göstərmişdir.[1]

Elmi fəaliyyəti

Azərbaycan ziyalılarının böyük bir ordusunun müəllimi olmuş, bir neçə nəsil onun dərslikləri ilə təhsil almışdır. Feyzulla Qasımzadə ədə­biy­­yat tarixçisi kimi tanı­nan ilk alim­lə­rdən biri olmuşdur. XIX əsr Azərbaycan ədəbiyyatı tarixinin ilk və əsaslı tədqiqi bilavasitə alimin adı və fəaliyyəti ilə bağlıdır.[1]

Feyzulla Qasımzadə "XIX əsr Azərbaycan ədəbiyyatı tarixi" adlı fun­damental təd­qiqatın (1956, 1962, 1974), həm də M.F.Axun­d­­­­za­də (1938), A.Bakı­xa­nov (1956) və N.Vəzirov (1954) haq­qın­dakı mo­no­qra­­fiyaların müəllifidir.[1]

Feyzulla Qasımzadə 1939-cu ildə "M.F. Axundovun həyat və yaradıcılığı" mövzusunda namizədlik, 1955-ci ildə isə "XIX əsr Azərbaycan ədəbiyyatında realist-demokratik cərəyanın inkişafı tarixi" mövzusunda doktorluq dissertasiyasını müdafiə etmişdir.[1]

Alim 30 elmlər doktoru və 120 elmlər nazmizədi yetişdirmişdir. O, 600-dək çap edilmiş elmi məqalənin, 400-dən artıq qəzet və jurnal məqaləsinin, 34 kitabın (monoqrafiya, dərslik, dərs vəsaiti, müntəxabat və s.) müəllifidir.[2]

Kitabları
  • "Xalq aşıq poe­zi­­yası" (1950)
  • "Tən­qidi realizm" (1952)
  • "Va­qifin ədəbi məktəbi" (1954)
  • "M.F.Axundovun həyat və yaradıcılığı" (1962)
  • "Ədəbiyyatdan terminlər lüğəti" (1940)
  • "N.B.Vəzirov" (1954)
  • "XIX əsr Azərbaycan ədəbiyyatında realist-demokratik cərəyanlar" (1955)
  • "A.A.Bakıxanov Qüdsi" (1956)
  • "XIX əsr Azərbavcan ədəbiyyatı tarixinə dair tədqiqlər" (1960)
  • "XIX əsr Azərbaycan ədəbiyyatı tarixi" (1947, 1956, 1966, 1974, 2017)[1][2]

Təltifləri
  • "Qırmızı Əmək Bayrağı" ordeni (1953, 1967);
  • "Qafqazın müdafiəsinə görə" medalı (1944);
  • "Böyük Vətən müharibəsində əmək igidliyinə görə" medalı;
  • Qabaqcıl maarif xadimi fəxri adı;
  • Əməkdar elm xadimi fəxri adı (1958);
  • Əməkdar müəllim fəxri adı (1943);[1][2]

Vəfatı

Feyzulla Qasımzadə 1976-cı ilin 29 martında Bakıda vəfat etmiş və Mərdəkan kəndində dəfn edilmişdir.[1][2][3]

İstinadlar
  1. "Qasımzadə Feyzulla Səməd oğlu" (Azərbaycan). science.gov.az. 17-09-2021 tarixində arxivləşdirilib.
  2. Himalay QASIMOV. "Akademik Feyzulla Qasımzadə və müasirləri" (Azərbaycan). 525.az. 2023-07-13 tarixində arxivləşdirilib.
  3. "Feyzulla Qasımzadə" (Azərbaycan). medeniyyet.az. 2023-07-13 tarixində arxivləşdirilib.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.