Fernando Muslera

Hal-hazırda Türkiyə Super Liqası klublarlından olan Qalatasarayda oynayır. Kiçik yaşlarda Uruqvayın Montevideo Wanderers komandasında futbola başlayan Muslera, daha sonra eyni komandada peşəkar oldu.

İki il A komandada oynadıqdan sonra ölkəsinin ən iddialı komandası olan Nacionala icarəyə verildi. Burada keçirdiyi qısa müddətdə diqqət çəkərək Arsenal, Yuventus kimi böyük klublar transfer etmək istədilər, lakin Muslera növbəti 4 sezon oynayacağı Latsio klubunu seçdi.

Musleranın karyerasındakı ən əhəmiyyətli dönüş nöqtəsiysə Cənubi Afrika Respublikasında təşkil edilən 2010 Dünya Kuboku oldu. Qrup matçlarında heç qol buraxmayan Uruqvaylı, Cənubi Koreya ilə oynanan ikinci dövr matçının ardından 1/4 finaldakı Qana oyununda bütün dünyanın diqqətini üzərinə çəkdi. 120-ci dəqiqədə turnirin ulduzlarından Asamoa Qyanın qaçırdığı penalti ilə penaltilərə keçilərkən, bu penaltilərdən üçünü qurtaran Muslera Uruqvayın 1/2 finala gəlişində böyük pay sahibi olan gənc qapıçı, ölkəsinin daha sonra oynadığı Hollandiya və Almaniya matçlarında qapısında gördüyü üç qola maneə ola bilmədi. Fernando Muslera bu yaz oynanan Kopa Amerikada göstərdiyi möhtəşəm performans ilə ölkəsi Uruqvayı yarım finala daşıyan aparıcı oyunçulardan biri oldu. Uruqvayın Argentinayla oynadığı 1/4 final matçındakı möhtəşəm performansı və penaltilərdə Tevezin vuruşunu qurtararaq ölkəsini 1/2 finala daşıdı. Uruqvay, 1/2 final matçında isə Liverpul forması geyən Luis Suarezin qeyd etdiyi iki qolla Perunu 2–0-lıq hesabla keçdi və finala yüksələn ilk komanda oldu.

Fernando Muslera, geridə buraxdığımız 2010–2011 mövsümündə isə Seriya A-da 36 matçda Latsionun qapısını qorudu. Bu matçlarda qapısında 39 qol görən bu gənc qapıcı, 13 matçda qapısında qol buraxmamışdı. Karyerasında bir İtaliya Kuboku, bir İtaliya Super Kuboku və bir də Dünya Kuboku dördüncülüyü olan 24 yaşındakı Muslera, artıq Qalatasaray qapısını qollardan qoruyur.