Fatma Girik

Fatma Girik (12 dekabr 1942[1], İstanbul, Türkiyə – 24 yanvar 2022, İstanbul, Türkiyə[2]) — türk aktrisası, siyasətçi, rejissor, ssenarist. Yeşilçamın önəmli simalarından biri. Əsasən filimlərdə yaratdığı güclü qadın obrazları ilə tanınıb. O, 1989–1994-cü illərdə Sosial Demokrat Xalq Partiyasından Şişli Bələdiyyə Başçısı olub.[3]

Fatma Girik
türk. Fatma Girik
Doğum tarixi
Doğum yeri İstanbul, Türkiyə
Vəfat tarixi (79 yaşında)
Vəfat yeri İstanbul, Türkiyə
Vəfat səbəbi COVID-19 səbəbiylə ağır orqan çatışmazlığı
Milliyyəti türk
Vətəndaşlığı  Türkiyə
Həyat yoldaşı Memdüh Ün
Fəaliyyəti aktrisa, siyasətçi, rejissor, ssenarist
Fəaliyyət illəri 1957–2012
Təhsili
  • İstanbul qız liseyi[d]
Tanınma səbəbi kino akrtisası, siyasətçi
Mükafatları Antalya Qızıl Portağal kinofestivalı
Ən yaxşı qadın roluna görə
Keşanlı Əli dastanı (1965)
Qız (1967)
IMDb ID0320883

Həyatı

Fatma Girik 1942-ci ildə İstanbulda balıqçı Hayri Girik və fabrik işçisi Münnəvər Girikin ailəsində dünyaya gəlib anadan olmuşdur.[3] Fatmaya uşaq ikən cəsur xasiyyətinə görə "Oğlan Fatma" (erkek Fatma) deyirdilər. 1955-ci ildə, 13 yaşında, "Günahkar Baba" filmində kiçik bir rol oynayaraq, ilk filminə çəkilib.[4]

1957-ci ildə "Ləkə" filmində baş rolu oynamışdır. Bundan sonra o, müntəzəm olaraq filmlərə çəkilməyə başladı. 1960-cı ildə Memdüh Ünanın "Ölüm arxamızda" filmində oynadığı bu rol Giriki məşhurlaşdırdı. O, "Ezo Gelin", "Boş Beşik" kimi filmlərdə də rol alıb. Fatma Girikin şöhrətinin zirvəsi 1960–70-ci illərə təsadüf edir. Əvvəlcə zəif qızları canlandırsa da, getdikcə ona şöhrət gətirən güclü, məqsədyönlü qadın rollarını oynamağa başladı. Girik filmlərlə yanaşı, seriallarda da rol alıb.[4] Fatma Girik 180-dən artıq bədii filmə çəkilmişdir. 90-cı illərdə o, bir müddət televiziya aparıcılığı da etmişdir.

1965-ci ildə Fatma Girik "Keşanlı Əli dastanı" filmindəki roluna görə Antalya Qızıl Portağal kinofestivalında ilk mükafatını alıb. Girik aktyorluq karyerası ilə yanaşı siyasətlə də məşğul olub. 1989-cu ildə Sosial Demokrat Xalq Partiyasından Şişli Bələdiyyə Başçısı seçilib.[4]

Girik Memdüh Ünün rejissorluğu ilə bir çox filmlərdə rol almışdır. Onunla təkcə peşəkar deyil, həm də sevgi münasibətləri var idi, lakin onlar bir-birləri ilə heç vaxt rəsmi nikahda olmayıblar.[4]

Girik 24 yanvar 2022-ci ildə müalicə aldığı özəl xəstəxanada COVID-19 səbəbiylə ağır orqan çatışmazlığından 79 yaşında vəfat etmişdir.[5]

İstinadlar
  1. Tekrar dünyaya gelsem yine sanatçı olurum yine Memduh'a aşık olurum. 2013.
  2. "Умерла популярная турецкая актриса Фатма Гирик". 2022-01-24 tarixində arxivləşdirilib. İstifadə tarixi: 2022-01-24.
  3. "Arxivlənmiş surət". 2013-04-08 tarixində orijinalından arxivləşdirilib. İstifadə tarixi: 2022-01-24.
  4. "Fatma Girik: A strong heroine of Turkish cinema". 2019-07-26 tarixində arxivləşdirilib. İstifadə tarixi: 2022-01-24.
  5. "Arxivlənmiş surət". 2022-01-24 tarixində arxivləşdirilib. İstifadə tarixi: 2022-01-24.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.