Fəxrəddin Ağayev
Fəxrəddin Güləli oğlu Ağayev (16 aprel 1956, Xaçmaz rayonu) — Azərbaycan Milli Aerokosmik Agentliyi, Təbii Ehtiyatların Kosmik Tədqiqi İnstitutunun direktoru, texnika elmləri doktoru, professor.
| Fəxrəddin Ağayev | |
|---|---|
| Fəxrəddin Güləli oğlu Ağayev | |
 | |
| Doğum tarixi | 16 aprel 1956 (67 yaş) |
| Doğum yeri | |
| Elm sahəsi | kosmik texnologiyalar |
| Elmi dərəcəsi | |
| Elmi adı | |
| İş yerləri | Azərbaycan Milli Aerokosmik Agentliyi, Təbii Ehtiyatların Kosmik Tədqiqi İnstitutunun direktoru |
| Təhsili | |
| Mükafatları |
_BAR.svg.png.webp){kind=small} |
Həyatı
Fəxrəddin Ağayev 16 aprel 1956-cı ildə Azərbaycan Respublikasının Xaçmaz rayonunda anadan olmuşdur. 1978–1982-ci illərdə indiki Azərbaycan Dövlət Pedaqoji Universitetinin riyaziyyat fakultəsində təhsil almışdır. 1982–1985-ci illərdə Azərbaycan Milli Elmlər Akademiyasının Fizika İnstitutunda elmi işçi vəzifəsində çalışmışdır. 1985 – 1993-cü illərdə Kosmik Tədqiqatlar Elmi İstehsalat Birliyində elmi işçi, bölmə rəisi, baş direktorun müavini, müəssisə direktoru vəzifələrində çalışmışdır. 1993–1995-ci illərdə Azərbaycan Milli Aerokosmik Agentliyinin baş direktorunun müavini, 1995 – 2005-ci illərdə Kosmik Cihazqayırma Xüsusi Konstruktor Bürosunun direktoru, 2005 – 2007-ci illərdə elmi Tədqiqat Aerokosmik İnformatika İnstitutunda direktor, 2007-ci ildən hal–hazıradək Təbii Ehtiyatların Kosmik Tədqiqi İnstitutunun direktorudur.
Ailəlidir, 4 övladı var.
Təhsili
1978 – 1982-ci illər — Azərbaycan Dövlət Pedaqoji Universiteti (təhsil aldığı illərdə V. İ. Lenin adına təqaüd almış və ali məktəbi fərqlənmə ilə bitirmişdir)
Elmi dərəcəsi
- 2003-cü il – texnika elmləri doktoru
- 2010-cu il – professor elmi adı
Pedaqoji fəaliyyəti
- 2003 – 2013-cü illərdə — Azərbaycan Dövlət Pedaqoji Universiteti
- 2013 – 2015-ci illərdə — Milli Aviasiya Akademiyası
- 2015-ci ildən hal – hazıradək – Azərbaycan Neft və Sənaye Universiteti
İctimai fəaliyyəti
- YAP Binəqədi Rayon Təşkilatının üzvü
- Azərbaycan Dövlət Ali Attestasiya Kommissiyasının eksperti
- "AMAKA Xəbərlər" jurnalının redaksiya heyətinin üzvü
- "Xüsusi texnika və texnologiya" jurnalının redaksiya heyətinin üzvüdür
Təltifləri
- 2013-cü ildə Tərəqqi medalı ilə təltif olunub
- 2014-cü ildə Leybnis medalı ilə təltif olunub
- 2021-ci ildə dünya miqyasında elm və təhsildə xidmətlərinə görə Avropa Şərəf ordeni ilə təltif olunub
- 2022-ci ildə Müdafiə Sənayesi Nazirliyinin yubiley medalı ilə təltif olunub
Mükafatları
7 beynəlxalq sertifikata laiq görülmüşdür
Elmi maraq dairələri
- Məsafədən müşahidənin kosmik sistemləri
- Kosmik məlumatların emalı metodları
- Aerokosmik ekoloji monitorinq
Əsərləri
Kosmik texnologiyaların müxtəlif problemlərinə həsr olunmuş 8 monaqrafiya və 140 – dan çox elmi məqalənin, o cümlədən 2 patentin müəllifidir
Hazırladığı kadrlar
9 nəfər texnika üzrə fəlsəfə doktoru
Beynəlxalq tədbirlərdə iştirakı
21 – dən artıq beynəlxalq elmi konfranslarda iştirak etmişdir