Elxan Yunis

Elxan Abbasov 1971-ci il 6 dekabrda Gəncə şəhərində anadan olub. 1988–1992-ci illərdə Azərbaycan Dövlət İncəsənət Universitetində Dram və kino aktyorluğu fakültəsində təhsil alıb. Fuad Poladovun kursunun yetirməsidir. 1992-ci ildə Gəncə Dövlət Nizami Poeziya Teatrında aktyor kimi fəaliyyətə başlayıb. Qısa müddət üçün kinostudiyada kaskadyor kimi də çalışıb.

13 fevral 2014-cü ildə Azərbaycanın əməkdar artisti fəxri adına layiq görülüb. Elxan Abbasov həmçinin 2017-ci ildə Türkiyənin Ankara şəhərində baş tutan Hak-iş Beynəlxalq Qısa Film festivalında " Qarabağ " qısa filmində canlandırdığı Elxan obrazı ilə "Ən yaxşı kişi aktyoru" nominasiyası üzrə birinci yerə layiq görülüb.

Ailəlidir. 3 övladı var.

1993-cü ildən bu günə kimi Gəncə Dövlət Dram teatrında fəaliyyətini davam etdirir. İşlədiyi bu illər ərzində müxtəlif rollar oynamışdır.

1. A. Məmmədov. "Dəli Domrul" — Domrul
2. H. Cavid. "Ana" — Səlim
3. T. Əliyev. "Sabir dərdi" — M. Ə. Sabir
4. C. Cabbarlı. "Aslan və Fərhad" — Fərhad
5. C. Cabbarlı. "Oqtay Eloğlu" — Aslan bəy
6. İ. Əfəndiyev. "Mahnı dağlarda qaldı" — Nicat
7. İ. Əfəndiyev. "Unuda bilmirəm — Kamran
8. H. Cavid. "Afət" — Toğrul
9. N. V. Qoqol. "Evlənmə" — Kockaryov
10. J. B. Molyer. "Skapenin kələkləri" — Skapen
11. M. F. Axundov. "Müsyo Jordan və Dərviş Məstəli şah" — Dərviş
12. Elçin. "Cəhənnəmdən cənnətə" — kişi
13. C. Məmmədquluzadə. "Dəli yığıncağı" — Fazil
14. N. Dumbadze. "Ağ bayraqlar" — Limon

15. Nüşabə Əsəd Məmmədli. "Cavad Xan" -Cavad Xan

16. Ejen İoneskon-"Kral Ölür" — Kral 17. A. Saqarelinin "Xanuma"

1. Kənar adamlar (film, 1992) — Ruslan
2. Xoca (film, 2012) — komandir
3. Pərvanələrin rəqsi (teleserial, 2012) — Murad
4. Həkimlər (teleserial, 2013) — Toğrul
5. Səndən sonra (teleserial, 2013) — Tahir (Ağa)
6. Qız yükü (teleserial, 2014) — Habil
7. Vicdan haqqı (teleserial, 2016) — Kamil
8. Qara bağ (film, 2016) — Elxan
9. Əfsanə Qayıdır (komediya filmi, 2018) — Qiyas
10. Baldız (teleserial, 2018)-Mövsüm
11. Yuxu kimi (teleserial, 2019-2023) -Çinar
12. Mən kiməm? (teleserial, 2021)-Altay
13. Xəyanət (teleserial, 2023)-Yaşar

• Elxan Yunis oğlu Abbasov Arxivləşdirilib 2017-04-28 at the Wayback Machine