Elnur Cəfərov (kapitan)

Cəfərov Elnur Cəfər oğlu (1978, İliç rayonu – 23 yanvar 2014, Tərtər rayonu) — kapitan, şəhid, "Hərbi xidmətdə fərqlənməyə görə" medalı (3-cü dərəcə) laureatı.

Elnur Cəfərov
Cəfərov Elnur Cəfər oğlu
Şəxsi məlumatlar
Doğum tarixi
Doğum yeri Şərur rayonu
Vəfat tarixi
Vəfat yeri Tərtər rayonu
Vəfat səbəbi şəhid olub
Dəfn yeri Şərur
Milliyyəti Azərbaycanlı
Hərbi fəaliyyəti
Təltifləri "Hərbi xidmətdə fərqlənməyə görə" 3-cü dərəcəli medalı

Həyatı

Elnur Cəfərov 1978-ci ildə doğulub. Səfərbərlik və Hərbi Xidmətə Çağırış üzrə Dövlət Xidmətinin Şərur rayon şöbəsi tərəfindən 1996-cı il tarixində hərbi xidmətə çağırılıb[1].

2014-cü il yanvarın 23-də saat 13.45-də erməni silahlı bölmələri atəşkəs rejimini pozaraq, Tərtər rayonunun Çiləbürt kəndi yaxınlığındakı mövqelərindən üzbəüz mövqeləri atəşə tutublar[2].

Kapitan Elnur Cəfərov döyüş tapşırığını yerinə yetirərkən düşmən tərəfindən açılan snayper atəşindən 2014-cü il yanvarın 23-də şəhid olub[3].

2014-cü il yanvarın 23-də şəhid olan Azərbaycan Silahlı Qüvvələrinin kapitanı Elnur Cəfərovun cənazəsi doğulduğu Naxçıvan Muxtar Respublikasına aparılıb. Mərhumun nəşi Naxçıvan hava limanında izdihamla qarşılanıb. Elnur Cəfərovun nəşi Naxçıvanda dövlət səviyyəsində qarşılanıb. Onu doğulduğu kənddə deyil, Şərur rayonunun mərkəzində olan Şəhidlər Xiyabanında dəfn ediblər.

Mükafatları

Elnur Cəfərov Müdafiə naziri, general-polkovnik Zakir Həsənovun əmri ilə döyüş postunda şəxsi şücaət göstərdiyinə görə kapitan ölümündən sonra "Hərbi xidmətdə fərqlənməyə görə" 3-cü dərəcəli medalı ilə təltif edilib[2]

İstinadlar
  1. Şəhid Elnur Cəfərov torpağa tapşırıldı - FOTO - VİDEO — teleqraf.com saytı
  2. Nazir şəhid olan zabiti medalla təltif etdi. Arxivləşdirilib 2014-01-24 at the Wayback Machine qafqazinfo.az  (az.)
  3. Şəhid kapitanımızın cənazəsi dəfn olunması üçün Naxçıvana yola salınıb Arxivləşdirilib 2014-03-30 at the Wayback Machine — mediainfo.az saytı
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.