Elektrik induksiyası

Elektrik induksiyası — elektrik sahәsini xarakterizә edәn vektor kәmiyyәt; müxtәlif tәbiәtli iki vektorun cәminә bәrabәrdir: elektrik sahәsinin intensivliyi (${\displaystyle E}$) vә mühitin polyarlaşması (${\displaystyle P}$). Qauss vahidlәr sistemindә     

${\displaystyle \mathbf {D} =\mathbf {E} +4\pi \mathbf {P} }$

BS-dә

${\displaystyle \mathbf {D} =\varepsilon _{0}\mathbf {E} +\mathbf {P} }$                    

burada ${\displaystyle \varepsilon _{0}}$ – elektrik sabiti vә ya vakuumun dielektrik nüfuzluğu adlanan ölçülü konstantdır.

Seqnetoelektrik xassәlәrә malik olmayan izotrop mühitdә zәif sahәlәrdә polyarlaşma vektoru sahәnin intensivliyi ilә düz mütәnasibdir. Qauss sistemindә

${\displaystyle P=\chi _{e}E}$

burada ${\displaystyle \chi _{e}}$ – dielektrik qavrayıcılığı adlanan ölçüsüz sabit kәmiyyәtdir. Seqnetoelektriklәr üçün dielektrik qavrayıcılığı ${\displaystyle E}$-dәn asılı olduğuna görә ${\displaystyle P}$ vә ${\displaystyle E}$ arasındakı әlaqә qeyri-xәttidir.

${\displaystyle D=(1+4\pi \chi _{e})E=\varepsilon E}$                

${\displaystyle \varepsilon =1+4\pi \chi _{e}}$                           

kәmiyyәti maddәnin dielektrik nüfuzluğu adlanır.

BS-də

${\displaystyle P=\chi _{e}\varepsilon _{0}E}$

${\displaystyle D=\varepsilon _{0}\varepsilon E}$

${\displaystyle \varepsilon =1+\chi _{e}}$

Elektrik induksiya vektorunun daxil edilmәsinin mәnası ondan ibarәtdir ki, istәnilәn qapalı sәthdәn keçәn ${\displaystyle D}$ vektoru seli (axını) ${\displaystyle E}$ vektoru seli kimi verilәn sәthlә mәhdudlanan hәcm daxilindәki bütün yüklәrlә deyil, yalnız sәrbәst yüklәrlә tәyin edilir. Bu, bağlı (polyarlaşmış) yüklәri nәzәrә almamağa imkan verir vә bir çox mәsәlәlәrin hәllini sadәlәşdirir.