Elbay Qasımzadə

Elbay Qasımzadə
Elbay Qasımzadə
Azərbaycan Memarlar İttifaqının sədri
	Vəzifədədir
	6 noyabr 2012-ci ildən
Əvvəlki	Abbas Ələsgərov
Şəxsi məlumatlar
Doğum tarixi	26 dekabr 1948 (75 yaş)
Doğum yeri	Bakı, Azərbaycan SSR, SSRİ;
Təhsili	Azərbaycan Memarlıq və İnşaat Universiteti;
Fəaliyyəti	memar
Atası	Ənvər Qasımzadə
	Vikianbarda əlaqəli mediafayllar

Elbay Ənvər oğlu Qasımzadə (26 dekabr 1948, Bakı) — Azərbaycan memarı, Bakı şəhərinin baş memarı (1989–2001), Azərbaycan Memarlar İttifaqının sədri (6 noyabr 2012-ci ildən), Azərbaycan SSR əməkdar arxitektoru (1990), "Şöhrət" (2000) və "Şərəf" (2018) "Əmək" (2023) ordenləri laureatı.

Həyatı

Elbay Qasımzadə 26 dekabr 1948-ci ildə Bakı şəhərində anadan olmuşdur. Ənvər Qasımzadənin oğludur. 1971-ci ildə Azərbaycan Politexnik İnstitutunun memarlıq fakültəsini bitirib.[1]

1971–1975-ci illərdə landşaft memarlığı problemləri üzərində çalışmış, təbii landşaft, Bakı şəhərinin müxtəlif rayonlarında ucaldılan tikililərin harmonizasiyası və s. bu kimi məsələlərlə dərindən məşğul olmuşdur. 1976-cı ildə Azərbaycan Elmlər Akademiyasının Memarlıq və İncəsənət İnstitutunun aspiranturasında şəhərsalma problemləri ilə məşğul olmuşdur.[2]

1975–1989-cu illərdə Respublika Kənd ərazilərində İnşaatın layihələndirilməsi İnstitutunda işləmiş, bir sıra kiçik yaşayış məntəqələrinin baş planlarının müəllifi olmuşdur. Həmin dövrdə "Saman memarlığı" adlı Beynəlxalq proqramın problemləri ilə də sıx məşğul olmuşdur, bu sahədə həyata keçirilən müxtəlif layihələrin müəllifidir.[2]

1989–2001-ci illərdə Bakı şəhərinin baş memarı, Bakı Şəhər İcra Hakimiyyətinin Memarlıq və Şəhərsalma üzrə Baş İdarəsinin rəisi vəzifələrində çalışıb.[1]

Elbay Qasımzadə Azərbaycan Memarlıq və İnşaat Universitetinin memarlıq fakültəsinin[1] professorudur.[2] Azadlıq prospekti metrostansiyasının memarıdır.[1]

1998-ci ildə "El&En" memarlıq şirkətini təsis etmiş və hal-hazırda da ona başçılıq edir.[2]

150-dən artıq layihənin,[1] 80-dən artıq məqalənin və 8 kitabın müəllifidir.[2]

Elbay Qasımzadə Şərq ölkələri Beynəlxalq Memarlıq Akademiyasının həqiqi üzvü və vitse-prezidenti, Beynəlxalq Memarlıq Akademiyasının (UNESKO) və Beynəlxalq Memarlar İttifaqının (UİA) professorudur. MDB ölkələrinin Memarlar İttifaqları Assosiasiyası tərəfindən keçirilən "İlin ən yaxşı layihəsi (tikilisi)" beynəlxalq baxış-müsabiqələrdə dəfələrlə iştirak etmiş və 34 diplomla təltif edilmişdir. MDB ölkələrinin paytaxtlarının baş memarları Şurasının ilkin sədri seçilmişdir. Çikaqo, Barselona, Lozanna, Pekin, Turin və Tokio şəhərlərində keçirilən Ümumdünya konqreslərin iştirakçısıdır.[2]

Mükafatları

"Azərbaycan SSR əməkdar arxitektoru" fəxri adı — 22 avqust 1990[2]
"Şöhrət" ordeni — 19 aprel 2000[3]
"Şərəf" ordeni — 25 dekabr 2018[4]
"Azərbaycan Xalq Cümhuriyyətinin 100 illiyi (1918–2018)" yubiley medalı — 27 may 2019
"Azərbaycan Respublikası diplomatik xidmət orqanlarının 100 illiyi (1919–2019)" yubiley medalı — 9 iyul 2019
"Humay" milli mükafatı — 3 dəfə[2]
"Uğur" milli mükafatı — 2 dəfə[2]
2-ci dərəcəli "Əmək" ordeni — 25 dekabr 2023[5]

Həmçinin bax

Azərbaycan memarlığı

İstinadlar

""AZADLIQ PROSPEKTİ" – PLATFORMASI SÜTUNSUZ OLAN İLK METRO STANSİYASIDIR. STANSİYANIN MEMARI ELBƏY QASIMZADƏDİR". "Media forum" (az.). mediaforum.az. 2009-09-17 – 14:35:00. İstifadə tarixi: 2014-10-04.
"Azərbaycan Memarlar İttifaqı: Haqqımızda: Struktur: Elbay Ənvər oğlu Qasımzadə". Azərbaycan Memarlar İttifaqının saytı (az.). uaa.az. 2014. 2016-03-04 tarixində orijinalından arxivləşdirilib. İstifadə tarixi: 2014-10-04.
"Azərbaycan memarlarının "Şöhrət" ordeni ilə təltif edilməsi haqqında Azərbaycan Respublikası Prezidentinin Fərmanı" (az.). e-qanun.az. 2021-04-17 tarixində arxivləşdirilib. İstifadə tarixi: 17 noyabr 2018.
"E.Ə.Qasımzadənin "Şərəf" ordeni ilə təltif edilməsi haqqında Azərbaycan Respublikası Prezidentinin Sərəncamı" (az.). president.az. 2021-04-16 tarixində arxivləşdirilib. İstifadə tarixi: 25 dekabr 2018.
"E.Ə.Qasımzadənin 2-ci dərəcəli "Əmək" ordeni ilə təltif edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). İstifadə tarixi: 2023-12-25.

Xarici keçidlər

70-летие председателя Союза архитекторов Азербайджана Эльбая Гасымзаде (rus.)

170-dən çox layihənin müəllifidir.

Akademik Zərifə Əliyevanın Fəxri Xiyabandakı məzarı üstü abidəsi (heykəltaraş Ö.Eldarov)
Şəhidlər Xiyabanındakı "Əbədi Məşəl" türbəsi (A.Abdullayev, N.Vəliyevlə həmmüəllif)
"Azadlıq prospekti" Metro stansiyası
Bakıdə maestro Niyazinin heykəli

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[Media_forum-1] ""AZADLIQ PROSPEKTİ" – PLATFORMASI SÜTUNSUZ OLAN İLK METRO STANSİYASIDIR. STANSİYANIN MEMARI ELBƏY QASIMZADƏDİR". "Media forum" (az.). mediaforum.az. 2009-09-17 – 14:35:00. İstifadə tarixi: 2014-10-04.

[uaa.az-2] "Azərbaycan Memarlar İttifaqı: Haqqımızda: Struktur: Elbay Ənvər oğlu Qasımzadə". Azərbaycan Memarlar İttifaqının saytı (az.). uaa.az. 2014. 2016-03-04 tarixində orijinalından arxivləşdirilib. İstifadə tarixi: 2014-10-04.

[3] "Azərbaycan memarlarının "Şöhrət" ordeni ilə təltif edilməsi haqqında Azərbaycan Respublikası Prezidentinin Fərmanı" (az.). e-qanun.az. 2021-04-17 tarixində arxivləşdirilib. İstifadə tarixi: 17 noyabr 2018.

[4] "E.Ə.Qasımzadənin "Şərəf" ordeni ilə təltif edilməsi haqqında Azərbaycan Respublikası Prezidentinin Sərəncamı" (az.). president.az. 2021-04-16 tarixində arxivləşdirilib. İstifadə tarixi: 25 dekabr 2018.

[5] "E.Ə.Qasımzadənin 2-ci dərəcəli "Əmək" ordeni ilə təltif edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). İstifadə tarixi: 2023-12-25.