Elçin Mirzəyev

Elçin Mirzəyev (tam adı: Elçin Hüseynqulu oğlu Mirzəyev; 1961, Bakı – 20 yanvar 1990, Bakı) — Qanlı Yanvar şəhidi.[1]

Elçin Mirzəyev
Elçin Hüseynqulu oğlu Mirzəyev
Doğum tarixi
Doğum yeri Bakı, Azərbaycan SSR, SSRİ
Vəfat tarixi
Vəfat yeri Bakı, Azərbaycan SSR, SSRİ
Vəfat səbəbi "20 Yanvar Şəhidi"
Dəfn yeri Köhnə qəbiristanlıq
Vətəndaşlığı SSRİ SSRİ
Atası Yunis
Anası Firəngiz
Milliyyəti azərbaycanlı
Fəaliyyəti Səhiyyə inspektoru

Həyatı

Elçin Mirzəyev 1961-ci ildə Bakı şəhərində anadan olub.[2] Azərbaycan Dövlət Tibb Universitetini bitirmişdir. Bakı Şəhər Səhiyyə İdarəsində inspektor işləyirdi.

Ailəli olmuş, Nərminə adlı qızı yadigar qalmışdır.

Qanlı Yanvar faciəsi

Həyat yoldaşı Kərimə Mirzəyevanın dediklərindən:[3]

"

— Yanvarın 19-u gecə saat 23 radələrində Elçin qonşumuz Meeroviç Yanla evə gəldi və pasportunu istədi. Çıxanda dedi ki, yarım saatdan sonra gələcək. O gedəndən təxminən 2 saat sonra güllə səsləri eşidilməyə başladı. Mən narahat oldum. Bütün gecəni beləcə gözlədim. İlan vuran yatdı, mən yatmadım.

Səhər tezdən qapını üç nəfər tanımadığım adam döydü və mənə dedilər ki, Elçin güllə ilə öldürülüb. Sabunçu xəstəxanasındadır. Sonra mənə məlum oldu ki, onlar Qreytman Raximya Davıdovnanı aeroporta apararkən Sabunçu qəsəbəsi yaxınlığında, Bakı-Binə yolunda şəhərə girən əsgərlər tərəfindən gülləbaran edilmiş, maşındakıların ikisi, — Elçin və Yan oradaca həlak olmuş, Qreytman ayağından bir güllə yarası almışdır..

 "

Elçinin bədənində 19 güllə yarası olmuşdur.

Köhnə qəbiristanlıqda, atasının yanında dəfn edilmişdir.

Ünvan

Bakı, Kirov prospekti, ev 29, mənzil 68.

Qeyd
  1. ^ Qreytmanın əri erməni olduğu üçün Bakıdan getmiş, arvadı da onun yanına getmək istəmişdir. Hadisədən sonra Caparidze adına xəstəxanaya aparılmışdır.

Həmçinin bax

İstinadlar
  1. ""20 Yanvar Şəhidi" fəxri adının verilməsi haqqında Azərbaycan Respublikasının Prezidentinin 17 yanvar 2000-ci il tarixli 259 saylı Fərmanı". 2022-08-18 tarixində arxivləşdirilib. İstifadə tarixi: 2015-07-17.
  2. "Şəhidlər" (PDF). 2022-10-05 tarixində arxivləşdirilib (PDF). İstifadə tarixi: 2022-10-05.
  3. "Qara Yanvar şəhidləri" (PDF). 2015-07-17 tarixində arxivləşdirilib (PDF). İstifadə tarixi: 2015-07-17.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.