Efemerlər
Efemerlər (yun. ephemeros- birgünlük) — səhra, yarımsəhra, bozqır və Düzənlik sahələrin ekoloji şəraitinə uyğunlaşmış, vegetasiya dövrü qısa olan birillik bitkilər qurupu. Yazda və payızda torpaqda nəmlik çox olduqda efemerlər çiçəkləyir və toxum verir, quraqlıq düşdükdə isə quruyub sakitlik mərhələsinə keçir. Belə həyat tərzi olanların kserofit hala keçməsinin qarşısını alır. Ona görə də efemerlər mezofit və ya ksero-mezofit qrupa daxil olur.[1]
Ön fonda Trillium grandiflorum və arxa fonda kiçik Thalictrum thalictroides. Hər ikisi Şimali Amerika meşələrində bitən yaz efemerləridir.
Efemer qrupları
Efemerlər iki qrupa bölünür:
- Tipik efemerlər. Tipik efemerlərin (tipik mezofitlər) toxumu yazda cücərir və vegetasiyasını 1,5-2,5 ay ərzində başa çatdırır.
- Qış efemerləri. Qış efemerlərinin toxumları payızda cücərdiyi üçün vegetasiya dövrü uzun çəkir (bütün qışı və yazın əvvəli).
Efemerlərin təsərrüfat əhəmiyyəti böyükdür. Efemerlər Azərbaycanda qış otlaqlarında (Qobustan, Ceyrançöl, Acınohur və s.) yem bazasının əsasını təşkil edir.
İstinadlar
- Qərib Məmmədov, Mahmud Xəlilov. Ensiklopedik ekoloji lüğət. Bakı-Elm-2008.
Xarici keçidlər
BİTKİ ÖRTÜYÜ Arxivləşdirilib 2017-05-10 at the Wayback Machine
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.