Din Kort

Din Kort (ing. Dean Court) — İngiltərənin Dorset qraflığının, Bornmut şəhərində yerləşən futbol stadionu. 11.464 tamaşaçı tutumuna malik stadionda yerli "Bornmut" futbol klubu ev oyunlarını keçirir. Stadion əvvəllər "Faytness Fyost" adı ilə tanınırdı, lakin 2011-ci ilin iyulunda, stadionu adlandırmaq hüququnun "Syuard Mühərrik Qrup"una satılmasından sonra, stadionun adı dəyişdirilərək "Syuard" adlandırılıb.[2] 2012-ci ilin fevralında, stadion iki il müddətinə "Qoldsends" adlandırılıb. Hazırda sponsor müqaviləsinə görə Vitaliti Stadionu (ing. Vitality Stadium) kimi tanınır.[3]

Vitaliti Stadionu
Keçmiş adı Din Kort, Qoldsends,
Syuard, Faytness Fyost,
Yeri Bornmut, Dorset, İngiltərə
Tikilib 1910
Yenidən qurulma tarixi 2001
Sahibi Maksim Dyomin, Eddi Mitçell
Tamaşaçı tutumu 11.464[1]
Ev sahibi komanda Bornmut (1910-cu ildən)
Meydançanın ölçüləri 105 x 78 m
Ot örtüyü ot
Vikianbarın loqosu Vikianbarda əlaqəli mediafayllar

Tarixi

"Din Kort" 1910-cu ildə futbol klubuna stadion tikmək üçün torpaq sahəsi bağışlayan, Din Kort ailəsinin şərəfinə adlandırılıb. Stadionun tribunalarından biri 1924-cü ildə "Uembli" sərgisi üçün istifadə olunub. Stadionda rekord tamaşaçı sayı, 1957-ci ildə, İngiltərə Kuboku çərçivəsində "Mançester Yunayted"ə qarşı oynanılan görüşdə qeydə alınıb, bu oyunu canlı olaraq stadiondan 28.799 tamaşaçı izləyib.[4]

Stadion 2001-ci ildə tamamilə yenidən qurulub və yeni üç tribuna tikilib. Klub, 2005-ci ilin dekabrında qayıdan lizinq üzrə stadionu "Structadene" şirkətinə satıb.[5] 2010-cu ilin aprel ayında stadionun şimal tribunası, "Bornmut" klubunda keçirdiyi oyun sayına görə rekordçu olan Stiv Fletçerin şərəfinə adlandırılıb.[6]

Stadion, tez-tez konsert meydançası kimi istifadə olunur. 2006-cı ildə stadionda Elton Conun konserti təşkil olunmuşdur.[7] 2013-cü ildə İngiltərənin əsas və 16 yaşadək qadınlardan ibarət milli futbol komandaları oyunlarını bu stadionda keçirib.[8][9]

İstinadlar
  1. "2015/16 Premier League Handbook" (PDF). premierleague.com. 6 September 2015 tarixində orijinalından (PDF) arxivləşdirilib. İstifadə tarixi: 4 August 2015.
  2. "Bournemouth sell naming rights deal of Dean Court" (ingilis). BBC News. 2011-05-09. 2020-07-21 tarixində arxivləşdirilib. İstifadə tarixi: 2013-08-05.
  3. "AFC Bournemouth announce naming rights deal for Vitality Stadium". afcb.co.uk. 9 July 2015. 10 July 2015 tarixində arxivləşdirilib. İstifadə tarixi: 9 July 2015.
  4. "AFC Bournemouth Club Information". A.F.C. Bournemouth. 2008. 29 September 2008 tarixində arxivləşdirilib. İstifadə tarixi: 25 September 2008.
  5. "New stadium deal could be required" (ingilis). Bournemouth Daily Echo. 2008. 2023-07-07 tarixində arxivləşdirilib. İstifadə tarixi: 2013-08-05.
  6. Cherries: Fletch so proud of stand honour Arxivləşdirilib 2014-11-09 at the Wayback Machine (ing.)
  7. "Elton to play show at AFC Bournemouth". Dorset Echo. 10 November 2014 tarixində arxivləşdirilib. İstifadə tarixi: 20 July 2013.
  8. "AFC Bournemouth: Dean Court to host England match". Bournemouth Echo. 9 July 2018 tarixində arxivləşdirilib. İstifadə tarixi: 28 April 2015.
  9. afcb.co.uk. "Cherries to host England womens' game". 2019-12-09 tarixində arxivləşdirilib. İstifadə tarixi: 28 April 2015.

Xarici keçidlər
Vikianbarda Din Kort ilə əlaqəli mediafayllar var.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.