Cine5

Cine5 — 1993-cü ildə Erol Aksoy tərəfindən qurulan Türkiyənin ilk şifrəli kanalıdır.

Cine5
Loqonun şəkli
Ölkə Türkiyə Türkiyə
Azərbaycan Azərbaycan (rəqəmsal yayım)
Şimali Kipr Türk Respublikası ŞKTR
Yayım ərazisi Türksat 4A peykinin əhatə dairəsi
Dil türk dili
Yaranma tarixi 20 sentyabr 1993 (test yayımı)
11 noyabr 1993 (normal yayım)
Bağlanma tarixi 30 dekabr 2015 (16:00)
Sahibi Erol Aksoy (1993-2004)
TMSF (2004-2006)
Erol Aksoy (2006-2008)
TMSF (2008-2011)
Əl-Cəzirə (2011-indi)
Şüar Cine5 Dünyanızı Değiştirir! (1993-2006)
24 Saat Sizinle (2006-2009)
Yeni Beş Yine Cine5 (2009-2013) Hep Cine5, Cine5. (2013)
Sayt web.archive.org/web/2015…
Vikianbarın loqosu Vikianbarda əlaqəli mediafayllar

Tarixçə

"Cine5" 20 sentyabr 1993-cü ildə test yayımına başlamış, 11 noyabr 1993-cü ildə isə normal yayıma keçmişdir. 1993-1999-cu illər aralığında "Show TV" ilə qardaş kanal olmuşdu. Futbol yayımı hüquqlarını alaraq abunəçi sayını 700.000-ə çatdırmışdı. Bundan əlavə hər ay abunəçilərinə "Cine5 Jurnalı"nı göndərərək bir ilki imzalamışdı. "Cine5" 2000-ci ildə Qalatasarayın UEFA Kubokunu götürdüyü mövsümün bütün qarşılaşmalarını (TRT-nin yayımladığı final xaric) yayımlamışdı. O vaxt xalqın istəyinə əsasən işləyən "Cine5" xalqın sevgisini qazanmışdı. 1997-ci ildə "Maxi TV" və "Supersport" adlı qardaş kanalları qurulmuşdu.

2000-ci ilin sentyabr ayında "Cine+Digital" qurulmuş və həmin vaxt yenə futbol yayımı hüquqlarını almışdı. Həmçinin abunəçilərinə dünyanın ən çox izlənilən 2 sənədli kanalı - Travel Channel və AdventureOne kanallarını təqdim etmişdi.

2004-cü ildə Erol Aksoyun borclarına görə TMSF kanalı müsadirə etmiş, 2006-cı ildə isə şifrəsiz yayıma keçmişdir.

9 may 2006-cı il tarixində Erol Aksoy TMSF-yə borclarını ödəyəcəyi ilə bağlı söz verərək "Cine5"i və qardaş kanallarını geri almışdır. 2007-ci ildə yenilənərək gündüz saatlarında cizgi filmlər, türk filmləri, axşam saatlarında isə xarici seriallar yayımlamışdı.

20 sentyabr 2008-ci il tarixində TMSF Erol Aksoyun borclarını ödəmədiyini bildirərək kanalı yenə müsadirə etmişdi.

"Cine5"in loqosu 1 iyun 2009-cu ildə yenilənərək daha kiçik və tünd rəng almışdır. Həmçinin illərdir eyni qalan introlarında kiçik dəyişiklik etmişdir.

4 fevral 2011-ci il tarixində keçirilən satışda "Əl-Cəzirə" kanalı TMSF-yə 40.5 milyon ABŞ dolları təklif etdi. 30 iyul 2011-ci il tarixində isə rəsmən "Əl-Cəzirə" kanalına keçdi.[1]

İstinadlar
  1. "Arxivlənmiş surət". 2014-02-21 tarixində arxivləşdirilib. İstifadə tarixi: 2014-07-14.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.