Canəli Əkbərov

Canəli Əkbərov
Canəli Əkbərov
Ümumi məlumatlar
Doğum tarixi	10 mart 1940
Doğum yeri	Tükəvilə, Lənkəran rayonu, Azərbaycan SSR, SSRİ;
Vəfat tarixi	22 oktyabr 2021 (81 yaşında)
Vəfat yeri	Bakı, Azərbaycan;
Dəfn yeri	II Fəxri Xiyaban;
Vətəndaşlığı	SSRİ→; Azərbaycan
Musiqiçi məlumatları
Fəaliyyəti	xanəndə
Fəaliyyət illəri	1965-ci ildən
Janr	muğam
Mükafatları	;
	Vikianbarda əlaqəli mediafayllar

Canəli Xanəli oğlu Əkbərov (10 mart 1940, Tükəvilə, Lənkəran rayonu – 22 oktyabr 2021, Bakı) — Azərbaycan xanəndəsi, professor (2008), Azərbaycan Respublikasının xalq artisti (1992).

Həyatı

Əkbərov Canəli Xanəli oğlu 10 mart 1940-cı ildə Lənkəran rayonunun Tükəvilə kəndində anadan olmuşdur. Muğam sənətini atasından öyrənmiş, Azərbaycan Dövlət Filarmoniyası yanında muğam məktəbində təhsil almışdır. O, 1963–1964-cü illərdə Seyid Şuşinskinin, 1969–1972-ci illərdə isə Xan Şuşinskinin tələbəsi olmuşdur. 1982-ci ildə Azərbaycan Dövlət Musiqi Məktəbini bitirmişdir.[1]

Canəli Əkbərov 1965-ci ildən Azərbaycan Dövlət Filarmoniyasının, 1976-cı ildən isə Azərbaycan Dövlət Opera və Balet Teatrının solisti olmuşdur.[1]

Xanəndə bu teatr səhnəsində muğam operalarında bir sıra yadda qalan obrazlar: Məcnun və İbn-Səlam (Ü.Hacıbəyov – "Leyli və Məcnun"), Şah İsmayıl (M.Maqomayev – "Şah İsmayıl"), Aşıq qərib (Z.Hacıbəyov – "Aşıq Qərib") obrazlarını yaratmışdır. Canəli Əkbərov xarici ölkələrdə — Almaniyada, Malidə, Avstriyada və s. ölkələrdə dəfələrlə qastrol səfərlərində olmuşdur.

Səmərqənddə keçirilən Şərq musiqi simpoziumunda və Kuybışevdə Şərq xalqlarının musiq festivalında böyük nailiyyət əldə etmişdir. Canəli Əkbərov ifa etdiyi bütün muğamlar dəsgahlar vallara və disklərə yazılmışdır. Canəli Əkbərov muğam müəllimi kimi gənc xanəndələr nəslini yetişdirmiş, Azərbaycan Dövlət Mədəniyyət və İncəsənət Universitetində "Muğam sənəti" kafedrasının müdiri vəzifəsində çalışmışdır.

Canəli Əkbərov 22 oktyabr 2021-ci ildə vəfat etmişdir.[2] Ustad sənətkar İkinci Fəxri Xiyaban'da dəfn edilib.

Təltif və mükafatları

"Azərbaycan Respublikasının xalq artisti" fəxri adı — 18 noyabr 1992
"Azərbaycan SSR əməkdar artisti" fəxri adı — 17 may 1989
"Şərəf" ordeni — 4 mart 2010[3]
"Şöhrət" ordeni — 9 mart 2000[4]
Azərbaycan Respublikası Prezidentinin fərdi təqaüdü — 11 iyun 2002[5]
1-ci dərəcəli "Əmək" ordeni — 9 mart 2020[6]
"Sənətkar" medalı (Azərbaycan Teatr Xadimləri İttifaqı) — 10 mart 2015

Filmoqrafiya

Havalansın Xanın səsi (film, 2001)
Mənsuriyyə sorağında (film, 2002)
Zəlimxan dastanı (film, 2007)
Biz qayıdacağıq (film, 2007)
Muğamat var olan yerdə… (film, 2009)
Sevda yolu. Canəli Əkbərov (film, 2010)
İki xan arasında bir can (sənədli film)

İstinadlar

Акперов Джанали Ханали оглу // Енциклопедия азербайджанского мугама (rus). Баку: Шарг-Гарб. 2012. С. 42.
"Xalq artisti Canəli Əkbərov vəfat edib". azertag.az. Azərbaycan Dövlət İnformasiya Agentliyi. 22 oktyabr 2021. 2021-10-27 tarixində arxivləşdirilib. İstifadə tarixi: 23 oktyabr 2021.
"C. X. Əkbərovun "Şərəf" ordeni ilə təltif edilməsi haqqında Azərbaycan Respublikası Prezidentinin Sərəncamı". e-qanun.az. 4 mart 2010. 2021-10-23 tarixində arxivləşdirilib. İstifadə tarixi: 23 oktyabr 2021.
"C. X. Əkbərovun "Şöhrət" ordeni ilə təltif edilməsi haqqında Azərbaycan Respublikası Prezidentinin Fərmanı". e-qanun.az. 9 mart 2000. 2021-10-23 tarixində arxivləşdirilib. İstifadə tarixi: 23 oktyabr 2021.
"Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (az.). e-qanun.az. 7 September 2022 tarixində arxivləşdirilib. İstifadə tarixi: 2 may 2019.
"C. X. Əkbərovun 1-ci dərəcəli "Əmək" ordeni ilə təltif edilməsi haqqında Azərbaycan Respublikası Prezidentinin Sərəncamı". e-qanun.az. 9 mart 2020. 2021-10-26 tarixində arxivləşdirilib. İstifadə tarixi: 23 oktyabr 2021.

Ədəbiyyat

Abdullayeva, S. Xalq artisti Canəli Əkbərovun 75 yaşı qeyd olunub: [Müslüm Maqomayev adına Dövlət Flarmoniyasında] //525-ci qəzet.- 2015.- 10 aprel. — S.7.
Aydınoğlu, T. Yarım əsr milli musiqimizin xidmətində //Xalq qəzeti.- 2015.- 11 aprel.- S.7.
Hüseynov, F. Sənətin 75-ci zirvəsində: Xalq artisti Canəli Əkbərovun yubileyi qeyd olundu: [Azərbaycan Dövlət Filarmoniyasında] //Mədəniyyət.- 2015.- 10 aprel. — S.5.
Musaqızı, L. Uşaqlığı nağılvari keçən xanəndə //Kaspi.- 2015.- 17 aprel.- S.21.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[eam-1] Акперов Джанали Ханали оглу // Енциклопедия азербайджанского мугама (rus). Баку: Шарг-Гарб. 2012. С. 42.

[2] "Xalq artisti Canəli Əkbərov vəfat edib". azertag.az. Azərbaycan Dövlət İnformasiya Agentliyi. 22 oktyabr 2021. 2021-10-27 tarixində arxivləşdirilib. İstifadə tarixi: 23 oktyabr 2021.

[3] "C. X. Əkbərovun "Şərəf" ordeni ilə təltif edilməsi haqqında Azərbaycan Respublikası Prezidentinin Sərəncamı". e-qanun.az. 4 mart 2010. 2021-10-23 tarixində arxivləşdirilib. İstifadə tarixi: 23 oktyabr 2021.

[4] "C. X. Əkbərovun "Şöhrət" ordeni ilə təltif edilməsi haqqında Azərbaycan Respublikası Prezidentinin Fərmanı". e-qanun.az. 9 mart 2000. 2021-10-23 tarixində arxivləşdirilib. İstifadə tarixi: 23 oktyabr 2021.

[5] "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (az.). e-qanun.az. 7 September 2022 tarixində arxivləşdirilib. İstifadə tarixi: 2 may 2019.

[6] "C. X. Əkbərovun 1-ci dərəcəli "Əmək" ordeni ilə təltif edilməsi haqqında Azərbaycan Respublikası Prezidentinin Sərəncamı". e-qanun.az. 9 mart 2020. 2021-10-26 tarixində arxivləşdirilib. İstifadə tarixi: 23 oktyabr 2021.