Cəfər Çağatay

Əli Cəfər Çağatay (1 yanvar 1899, Konstantinopol – 24 aprel 1991, İstanbul) — türk futbolçudur. 1924 Yay Olimpiya Oyunlarına qatılan heyətdə iştirak etdi. Futboldan çıxdıqdan sonra əczaçı kimi həyatına davam etdi. O, həmçinin Fənərbaxçanın idarə heyətində müxtəlif vəzifələrdə işlədi. Türk ud ifaçısı, violonçel ifaçısı, kemençe ifaçısı və bəstəkar və İstiqlal Marşının ilk bəstəkarı Əli Rıfat Çağatayın oğlu.

Cəfər Çağatay
Ümumi məlumatlar
Doğum tarixi 1 yanvar 1899(1899-01-01)
Doğum yeri
Vəfat tarixi 24 aprel 1991(1991-04-24) (92 yaşında)
Vəfat yeri
Dəfn yeri
Vətəndaşlığı
Təhsili
Mövqeyi müdafiəçi

Klub karyerası
1922–23 mövsümündə oynanan Hilal matçından əvvəl Fənərbaxça heyəti. Ayaqda duran futbolçulardan soldan üçüncü sırada Cəfər Çağatay dayanmışdır.

Futbola Saint-Joseph Liseyində tələbə olduğu illərdə Fənərbaxçanın infrastruktur komandalarında (2. və 3. komandalar) başladı, burada məşq etdi və A komandasına yüksəldi. Altınordu İdmanyurdu Klubu qurulduqda bu komandaya qoşuldu və çempion heyətində iştirak etdi. 1922-ci ildə yenidən Fənərbaxçaya qayıtdı, barışıq və işğal illərində işğalçı orduların futbol komandalarını bir-birinin ardınca pərişan edən və 1922–1923 mövsümündə 58 qol atıb, heç qol buraxmadan çempion olmaq kimi dünya çempionatı matçları tarixində bu günə qədər bənzəri görülməmiş misilsiz bir uğurun sahibi olan heyətin bütün matçlarında iştirak etmişdir. Hər iki ayağından da istifadə edərək dövrünün ən yaxşı müdafiəçilərindən olmaqla A Milli Komandasına yüksəlmiş və Milli Komandanın ilk müdafiəçilərindən biri olmuşdur . Cəfər Çağatay Fənərbaxçaya qayıtdığı 1922-ci ildən 5 il daha futbol oynadı və 1927-ci ildə futbolla vidalaşdı. 7 dəfə Milli komandada oynamış Cəfər bəy 106 dəfə də Fənərbaxça formasını geyinib.[1]

Fənərbaxçada 106 matçda iştirak edib və 10 qol vurub. İstanbul Universiteti Əczaçılıq Fakültəsini də bitirib və futbolu buraxdıqdan sonra uzun müddət əczaçılıqla məşğul olub.

Milli komanda karyerası

Türkiyənin ilk milli matçında Rumıniyaya qarşı (2–2) milli formanı geyən futbolçular arasında idi.[2] Ümumilikdə 7 dəfə Milli Komandada oynadı. 1924 Paris Yay Olimpiya Oyunlarına qatılan A Milli Komandasında iştirak etdi. Sərt oyun tərzi səbəbiylə adından Fransız mətbuatında çox bəhs edildi.[3] Şimali Avropa ölkələrində Milli Komandanın oynadığı bütün matçlarda böyük uğurlar qazandı.

İstinadlar
  1. Saint-Joseph Bülten. Nisan 1991, Sayı 1. Röportaj: Nihal Ün
  2. "26 Ekim 1923 Türkiye-Romanya maç raporu — TFF". 2017-10-22 tarixində arxivləşdirilib. İstifadə tarixi: 2021-07-13.
  3. "Arxivlənmiş surət". 2021-01-27 tarixində arxivləşdirilib. İstifadə tarixi: 2021-07-13.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.