Bulon-sür-Mer

Bulon-sür-Mer
Bulon-sür-Mer
	Boulogne-sur-Mer
Bayraq[d]	Gerb
	50°43′32″ şm. e. 1°36′50″ ş. u.
Ölkə	Fransa;
Tarixi və coğrafiyası
Sahəsi	8,42 km²[1];
Mərkəzin hündürlüyü	110 m
Saat qurşağı	UTC+01:00; UTC+02:00;
Əhalisi
Əhalisi	40.910 nəf. (1 yanvar 2021)[2];
Rəqəmsal identifikatorlar
Poçt indeksi	62200[3]
Digər
	ville-boulogne-sur-mer.fr
	Bulon-sür-Mer
	Vikianbarda əlaqəli mediafayllar

Bulon-sür-Mer (fr. Boulogne-sur-Mer) — Fransanın şimalında şəhər.[4]

Əhalisi

Əhalisi 43,3 min (2010) nəfərdir.

Coğrafiyası

Pa-de-Kale boğazı sahilində, Lyan çayının mənsəbindədir. Sürətli dəmiryolları vasitəsilə Parislə əlaqəsi var. Fransanın ikinci (Kaledən sonra) sərnişin dəniz portu (ildə təqribən 3 mln. nəfər; Böyük Britaniyanın Duvr və Folkston portlarına müntəzəm reyslər işləyir).[4]

Tarixi

Bononiya (Bononia) və Gezoriak (Gesoriacum) kelt məskənlərinin yerində, təqribən e.ə. 1-ci əsrdə meydana gəlmişdir; Qalliyanın şimalında və Britaniyada Roma ağalığının qorunub saxlanılmasında mühüm rolu olmuşdur. Eramızın 5-ci əsrində sakslar tərəfindən işğal edilmişdir. Yeni yüksəliş dövrü 10-cu əsrin əvvəllərindən başlamışdır; Bulon (Bulonne) qraflığının mərkəzi olmuşdur. 1419-cu ildən Burqundiya hersoqlarının mülklərinin tərkibində, 1477-ci ildən isə Fransa kralının hakimiyyəti altında idi.[4]

Memarlığı

Memarlıq abidələri: qəsr (13-cü əsr; içərisində 1825-ci ildən rəssamlıq muzeyi fəaliyyət göstərir), meriya binasının yanında gözətçi qülləsi (13-cü əsr; Qədim Roma qalasının yerində tikilmişdir), Müqəddəs Nikolay kilsəsi (1208, fasad və nef 18-ci əsrin 2-ci yarısına aiddir, memar J. Sanye) və Notr-Dam baş kilsəsi (1827–66, bünövrəsi 7-ci əsrdə qoyulmuşdur, orta əsrlərə aid kripta var), Müqəddəs Qan kapellası (1859–60), Ədliyyə sarayı (1852), yaşayış binaları (hotellər: Kruassan, 16-cı əsr; Desandruen, 1777).[4]

Sənayesi

Ölkənin əsas balıqçılıq portlarından (ildə 800 min t-dan çox balıq) biridir. Balıq və dəniz məhsullarının emalı; balıq və balıq məhsulları ticarəti. Gəmiqayırma; ferromanqan ərintiləri; telefon və ofis avadanlığı; sement istehsalı inkişaf etmişdir.[4]

Qalereya

Şəhər mərkəzində Pedestrian küçəsi
Sahil boyu gəzinti
Bulon-Tintelleris
Böyük Ordu Sütunu
YUNESKO Ümumdünya İrsi hesab olunan Belfray
Şəhər üzərindən görünən Basilika qalaları
Bulon qala muzeyi

İstinadlar

répertoire géographique des communes. Institut national de l'information géographique et forestière.
Populations légales 2021. Fransa Statistika və İqtisadi Araşdırmalar üzrə Milli İnstitutu, 2023.
Base officielle des codes postaux. La Poste, 2018.
Bulon-sür-Mer// Büssel – Çimli-podzol torpaqlar / baş red. M.K. Kərimov. — Azərbaycan Milli Ensiklopediyası. — Bakı: “Azərbaycan Milli Ensiklopediyası” Elmi Mərkəzi, 2014. — 25 cilddə. — V cild. — Səhifələrin sayı: 592. — Səh.: 72. — 25 000 nüsx. — ISBN 978-9952-441-10-9.

Xarici keçidlər

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[_81f97fe9477301e4-1] répertoire géographique des communes. Institut national de l'information géographique et forestière.

[_679f8b9553b078a8-2] Populations légales 2021. Fransa Statistika və İqtisadi Araşdırmalar üzrə Milli İnstitutu, 2023.

[_88aba45c39e997bd-3] Base officielle des codes postaux. La Poste, 2018.

[:0-4] Bulon-sür-Mer// Büssel – Çimli-podzol torpaqlar / baş red. M.K. Kərimov. — Azərbaycan Milli Ensiklopediyası. — Bakı: “Azərbaycan Milli Ensiklopediyası” Elmi Mərkəzi, 2014. — 25 cilddə. — V cild. — Səhifələrin sayı: 592. — Səh.: 72. — 25 000 nüsx. — ISBN 978-9952-441-10-9.