Bordo

Bordo - Fransanın cənub-şərqində, Akvitaniyada şəhər, Jironda departamentinin inzibati mərkəzi. Əhalisi 250,8 min (2008). Biskay körfəzindən 97 km aralıdır. Haronna çayı mənsəbində mühüm dəniz portu. İri nəqliyyat qovşağı. Beynəlxalq aeroport. Parislə dəmiryol əlaqəsi var. Dünyanın şərabçılıq paytaxtlarından biri hesab olunur.

Bordo
Bordeaux
Bordèu
Bayraq[d] Gerb
Bayraq[d] Gerb
44°50′16″ şm. e. 0°34′46″ q. u.
Ölkə
Tarixi və coğrafiyası
Əsası qoyulub V əsr
Sahəsi
Mərkəzin hündürlüyü 6 m
Saat qurşağı
Əhalisi
Əhalisi
  • 261.804 nəf. (1 yanvar 2021)[3]
Rəqəmsal identifikatorlar
Poçt indeksi 33000[4], 33100[4], 33200[4], 33300[4], 33800[4]
Digər
bordeaux.fr
Bordo xəritədə
Bordo
Bordo
Vikianbarın loqosu Vikianbarda əlaqəli mediafayllar

Tarixi

E.ə. III əsrdən Burdiqala adı ilə kelt tayfalarından biri olan bituriqlərin əsas şəhəri kimi məlumdur. E.ə. 56-cı ildə romalılar tərəfindən tutulmuş, Roma əyaləti Transalp Qalliyasının tərkibinə qatılmış, e.ə. 28-ci ildən Roma əyaləti Akvitaniyanın (eramızın 297-ci ilindən 2-ci Akvitaniya əyaləti) paytaxtı olmuşdur. Təqrubən 250-300-cü illərdə yenidən qurulmuş və möhkəmləndirilmişdir. 408-ci ildə vandallar və svevlər Bordonu qarət etmiş, 413-cü və 418-ci illərdə şəhər vestqotlar tərəfindən tutulmuşdur. 507-ci ildə Bordo Frank dövlətinə birləşdirilmişdir. Bordo 628-ci ildə basklar tərəfindən işğal olunmuş və Qaskon hersoqluğuna qatılmışdır. 778-ci ildən Karolinqlərdən asılı olan Akvitaniya krallığının paytaxtı idi. 857-ci ildə Bordo normanların hakimiyyətinə keçmişdir. Şəhər 911-ci ildə yenidən Qaskon hersoqluğuna qatılaraq onun paytaxtı olmuşdur. 1058-ci ildə Qaskon ilə birlikdə Akvitaniya hersoqluğuna birləşdirilmişdir. Bordo 1137-1152-ci illərdə Fransa krallığına, 1154-cü ildə İngiltərəyə tabe idi. 1235-ci ildə Bordo şəhər statusu almışdır. XIV əsrin əvvəllərində Bordo iri ticarət (şərab ixracı, əsasən İngiltərəyə) və sənətkarlıq mərkəzinə, həmçinin yarmarkaların keçirildiyi yerə çevrilmişdi. 1453-cü ildə Fransa krallığının mülkiyyətinə keçdikdən sonra şəhər mühüm iqtisadi mərkəz kimi qalmışdı. XVI-XVIII əsrlərdə Bordo Fransanın xarici ticarətində və müstəmləkəçilik siyasətində mühüm rol oynamışdır.

Qardaş şəhərlər

Xarici keçidlər
Vikianbarda Bordo ilə əlaqəli mediafayllar var.

İstinadlar
  1. archINFORM (alm.). 1994.
  2. répertoire géographique des communes. Institut national de l'information géographique et forestière.
  3. Populations légales 2021. Fransa Statistika və İqtisadi Araşdırmalar üzrə Milli İnstitutu, 2023.
  4. Base officielle des codes postaux. La Poste, 2018.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.