Birinci sülalə (Misir)

Ümumi məlumat

Yuxarı Misir nomu Narmer (Manefonun fikrincə onun adı Mina idi) Aşağı Misiri məğlub edərək Misiri vahid halda birləşdirir və adını tarixə birinci firon kimi yazdırmışdır[1]. Bu dövrdə padşahlığın mərkəzi Tinis şəhəri idi. I sülalənin dəqiq olaraq hansı dövrdə hakimiyyətdə olmasını dəqiq olaraq demək mümkün deyil. Güman edilir ki, bu sülalə XXXIV və XXX əsrlərdə hökmdarlıq edib. Radiokarbon üsulu ilə aparılan analizə əsasən I xanədanlığın hakimiyyət illəri təxminən e.ə. 3218–3035 illər kimi göstərirlir.

Təəssüf ki, bu dövrə aid yazılı abidələrin azlığından baş verən hadisələr yaxşı öyrənilməmişdir. Əsas məlumat mənbəyi "Narmer paleti" adlandırılan daş löhvədir. Ümumiyyətlə ilk sülalələrlə bağlı məlumatlar dəqiq deyildir və müəyyən mənada əfsanəvi xarakter daşıyır.

I sülalə üçün xarakterik olan hallardan biri fironun dəfnində qurban vermə adətinin geniş yayılması idi. Qurban həm insan, həm də heyvan ola bilərdi. Məsələn, firon Cerin məqbərəsində daha 338 insan qəbri aşkarlanmışdı. Bu hadisə Qədim Misir əhalisinin axirət haqqında fikirlərini öyrənməyə imkan verir.

Fironlar
Ad Şəkil Hakimiyyət illəri (təx.)
Narmer
e.ə. 3100
Hor-Aha
e.ə. 3050
Neythotep(regent)
-
Cer
e.ə. 3000 (54 il)[2]
Cet
e.ə. 2980 (10 il)[3]
Merneyt
e.ə. 2950
Den
e.ə 2970 (42 il)
Anedyib
e.ə. 2930 (10 il)
Semerxet
e.ə. 2920 (8½ il)
Kaa
e.ə. 2910 (34 il)
Sneferka
e.ə. 2900
Hor Ba
e.ə. 2900

İstinadlar
  1. Heagy, Thomas C. "Who was Menes?". Archeo-Nil. 24. 2014: 59–92. Available online "[1]". 2017-09-01 tarixində arxivləşdirilib. İstifadə tarixi: 2020-12-22.
  2. Wolfgang Helck: Untersuchungen zur Thinitenzeit (= Ägyptologische Abhandlungen (ÄA), Vol. 45). Harrassowitz, Wiesbaden 1987, ISBN 3-447-02677-4, p. 124.
  3. Wolfgang Helck: Untersuchungen zur Thinitenzeit (Agyptologische Abhandlungen), ISBN 3-447-02677-4, O. Harrassowitz (1987), p. 124
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.