Bir addım (film, 2009)

Bir addım qısametrajlı bədii filmi rejissorlar Fariz Əhmədov və Nərgiz Bağırzadə tərəfindən 2009-cu ildə ekranlaşdırılmışdır.[1] "İmper Qrup" Prodüser Mərkəzində istehsal edilmişdir. Mədəniyyət və Turizm Nazirliyinin keçirdiyi "Bu meydan, bu ekran — 2008" müsabiqəsinin qalib kinolayihəsidir. Qarabağ müharibəsində gözlərini itirmiş Yusif adlı gəncin həyat hekayəsindən bəhs edir. Əsas rolları Gülzar Qurbanova, Pərviz Məmmədrzayev və Nərminə Kərimova ifa edirlər. 2010-cu ildə Ukraynanın İrpen şəhərində keçirilən VIII Beynəlxalq "İrpen" kinofestivalının "Peşəkar" bölməsində ikinci yerə layiq görülüb.

Bir addım
Bir addım
Janr qısametrajlı
dram
fantaziya
Rejissorlar Fariz Əhmədov
Nərgiz Bağırzadə
Prodüserlər Rəşad Qasımov
Fariz Əhmədov
Ssenari müəllifləri Alina Abdullayeva
Nərgiz Bağırzadə
Baş rollarda Gülzar Qurbanova
Pərviz Məmmədrzayev
Nərminə Kərimova
Operator Tarıverdi Tarıverdiyev
Bəstəkarlar Rauf Əliyev
Cəfər Əliyev
Rəssam Şahin Həsənli
İstehsalçı "İmper Qrup" Prodüser Mərkəzi
İlk baxış tarixi 2009
Filmin növü qısametrajlı bədii film
Müddət 23 dəq.
Ölkələr Azərbaycan Azərbaycan
Dil azərbaycanca
İl 2009
Rəng ağ-qara

Məzmun

Film Qarabağ müharibəsində gözlərini itirmiş Yusif adlı gəncin həyat hekayəsindən bəhs edir. Yusifin həyat yoldaşı Nisə ömür-gün yoldaşının göz əməliyyatına pul toplamaq üçün gecə-gündüz işləyir. Belə həyat tərzindən bezən Yusif intihar etmək qərarına gəlir. Lakin qəfil peyda olan qadın obrazında mələk onu ölümdən qurtarır və həyatda gözləri görmədən də yaşamağı ona öyrədir. Sonda Yusifin gözləri əməliyyat edilir və o yenidən işıqlı dünyasına qayıdır.

Film haqqında

Mədəniyyət və Turizm Nazirliyinin keçirdiyi "Bu meydan, bu ekran — 2008" müsabiqəsinin qalib kinolayihəsidir.

Festivallar və mükafatlar
  • Film 2010-cu il avqustun 28-29-da Ukraynanın İrpen şəhərində keçirilən VIII Beynəlxalq "İrpen" kinofestivalının "Peşəkar" bölməsində ikinci yerə layiq görülüb.[2]
  • Film 2011-ci ildə Başqırdıstanın Ufa şəhərində keçirilən “Torpaq və insan” Beynəlxalq kinofestivalında mükafat qazanıb.[3][4]

Rollarda

İstinadlar
  1. “Bir addım” filmi Özbəkistandakı festivalda Azərbaycanı təmsil edir: [rejissorlar – Fariz Əhmədov və Nərgiz Bağırzadənin eyni adlı filmi] //525-ci qəzet.- 2011.- 21 oktyabr.- S. 7.
  2. “Azərbaycan rejissorunun "Bir addım" filmi beynəlxalq mükafat qazanıb” //Yeni Azərbaycan.- 2011.- 10 iyun.
  3. Azərbaycanlı rejissorun “Bir addım”ı beynəlxalq mükafat qazanıb: [Başqırdıstanın Ufa şəhərində keçirilən kinofestivalda rejissor Fariz Əhmədovun eyni adlı filmi] //525-ci qəzet.- 2011.- 10 iyun.- S.7.
  4. Qasımov, R. Azərbaycanda festival üçün film çəkən rejissorlar çoxdur: Rəşad Qasımov: "Münsiflər heyəti kinodakı yeniliyimizi qiymətləndirdi": [Başqırdıstanın Ufa şəhərində keçirilən “Torpaq və insan” Beynəlxalq kinofestivalında rejissor Fariz Əhmədovun "Bir addım" bədii filminin diploma layiq görülməsi ilə əlaqədar prodüser Rəşad Qasımovla müsahibə] //Kaspi.- 2011.- 11-13 iyun. — S.12.

Mənbə

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.