Barak Obama

Barak Obama
Barak Obama
	ing. Barack Obama
Amerika Birləşmiş Ştatlarının ; 44-cü prezidenti
	20 yanvar 2009 – 20 yanvar 2017
Vitse-prezident	Co Bayden
Əvvəlki	Corc Volker Buş
Sonrakı	Donald Tramp
13-cü dairədən İllinoys ; Senatının üzvü
	3 yanvar 2005 – 16 noyabr 2008
Qubernator	Dik Durbin
Əvvəlki	Piter Fitzcerald
Sonrakı	Roland Burris
Şəxsi məlumatlar
Doğum adı	Barack Hussein Obama II[1]
Doğum tarixi	4 avqust 1961[1][2][…] (62 yaş)
Doğum yeri	Honolulu, Havay, ABŞ[1];
Partiya	ABŞ Demokrat Partiyası;
Təhsili	Punahou Məktəbi[d] (1971–1979)[3][4],; Kolumbiya Universiteti (1981–1983),; Harvard Hüquq Məktəbi (1988–1991)[3][4],; Harvard Universiteti (1988–1991)[5];
Fəaliyyəti	siyasətçi, vəkil, siyasi publisist[d], dövlət xadimi, hüquqşünas, podkaster, akademik[d], memuarçı
Anası	Stenli Enn Danhem[1]
Həyat yoldaşı	Mişel Obama (1992–)[6][7];
Uşaqları	2
Dini	Protestantlıq
Elmi fəaliyyəti
Elm sahəsi	Konstitusiya hüququ[3][4]
Elmi dərəcəsi	bakalavr[d][3][4];
Təltifləri	; ; ; ; ;
	barackobama.com
	Vikianbarda əlaqəli mediafayllar

Barak Hüseyn Obama (ing. Barack Hussein Obama; 4 avqust 1961[1][2]^[…], Honolulu[1]) — Amerika Birləşmiş Ştatlarının 44-cü Prezidenti (20 yanvar 2009 – 20 yanvar 2017). Prezident seçilənə qədər ABŞ Senatının İllinoys ştatının kiçik senatoru olub. 2009-cu ildə isə Nobel Sülh mükafatına layiq görülmüşdür.

Həyatı

4 avqust 1961-ci ildə Havay adalarında anadan olan Barak Hüseyn Obamanın qaradərili atasının Barak Hüseyn Obama (ata), ağdərili anasının adı isə Stenli Enn Danhemdir. Keniyadan olan atası ilə Kanzasdan olan anası Havay Universitetində tanış olmuşlar. Bəzi məlumatlara görə atası müsəlman idi. Barak Obamanın müəllimləri, yaxınları da bunu təsdiq edirlər.

Barak Obama 1983-cü ildə Kolumbiya Universitetini bitirmiş və 1985-ci ildə Çikaqoya köçərək orada cinayətkarlıq və işsizliyin bürüdüyü məhəllələrdə yaşayış şəraitinin yaxşılaşdırılması uğrunda mübarizə aparan kilsə qrupunda işləməyə başlamışdır. 1991-ci ildə Obama Harvard Hüquq Məktəbini bitirir. O, həm də Harvard Hüquq İcmalı jurnalının redaktoru olmuş ilk qaradərili amerikalıdır.

1992-ci ildə Barak Obama İllinoys VOTE (tərc. "səsvermə") layihəsinin direktoru olur. Növbəti il isə o, "Davis, Miner, Barnhill & Galland" firmasında vəkil olaraq səsvermə hüquqları və məşğulluq işləri üzrə ixtisaslaşır. Hazırda da o, bu firmanın məsləhətçisi olaraq qalmaqdadır. 1993-cü ildə Obama həmçinin Çikaqo Hüquq Universitetinin mühazirəçi olur və indiyə kimi bu vəzifəni paralel olaraq icra etməkdədir. 1995-ci ildə onun "Atamdan xatirələr" adlı xatirə kitabı nəşr olunmuşdur.

1996-cı ildə Obamanın Senat karyerası start götürür. Həmin il Obama 13-cü dairədən İllinoys Ştat Senatına üzv seçilir. Bu dairədə əsasən yoxsul Cənubi Afrika zənciləri məskunlaşmışlar, lakin bir neçə zəngin məhəllə də vardır.

1997–2004-cü illərdə İllinoys Senatında xidmət etməzdən əvvəl mülki hüquqlar müvəkkili kimi təcrübədən keçir. 1992–2004-cü illərdə Çikaqo hüquq Elmləri İnstitutunda konstitusiya hüququ fənnindən dərs demişdir.

Obama 2004-cü ildə özü də daxil olmaqla üç namizədin qoşulduğu seçkiləri 53% səslə udaraq Demokratlar Partiyasından ABŞ Senatına seçilir və 2005-ci il yanvarın 4-dən senator fəaliyyətinə başlayır.

2008-ci il prezident seçkiləri zamanı Birləşmiş Ştatlar Prezidentliyinə namizəd göstərilən ilk afroamerikalı olmuşdur.

2008-ci ilin noyabrın 4-də respublikaçı rəqibi Con Makkeynə qalib gələrək ABŞ-nin 44-cü prezidenti seçilmişdir.

2009-cu il üçün Nobel Sülh Mükafatı ona verilib. Obama "beynəlxalq diplomatiyanın və xalqlar arasında əməkdaşlığın gücləndirilməsinə sərf etdiyi böyük əməyə görə" bu mükafata layiq görülmüşdür.

20 yanvar 2017-ci il tarixində ABŞ prezidenti postunu Donald Trampa təhvil vermişdir.

Mişel Obama ilə evlidir, iki qızı vardır.

Xronologiya

4 avqust 1961 tarixində ABŞ-nin Havay əyalətinin Honolulu şəhərində dünyaya gəlib.
1967–1971 illərində İndoneziyanın Cakarta şəhərində yaşayıb.
1971–1979 illərində Honoluluda yaşayıb.
1983-də Nyu-Yorkdakı Kolumbiya Universitetinin Siyasi elmlər fakültəsindən məzun olub.
1983–1987 illəri arasında Nyu-Yorkda yaşayıb.
1991-ci ildə Harvard Universitetinin hüquq diplomunu alıb
1996 da İllinoys senatosuna seçildi.
2 noyabr 2004-cü ildə ABŞ senatosuna seçildi.
10 fevral 2007 də İllinoys ştatının Sprinqfild bölgəsində ABŞ prezidentliyinə namizədliyini qoydu.
3 iyun 2008 də Demokratlar partiyasının ön seçimlərini qazandığı dəqiqləşdi.
25 iyul 2008 də Almaniyaya getdi. Təqribən 200.000 nəfərə xitab etdiyi nitqdən bir hissə:"İrqlər və cəmiyyətlər;yerlilər və miqrantlar;Xristiyanlar, Müsəlmanlar və Yəhudilər arasındakı divarlar tikilməyə davam etməməlidir. Bu divarlar indi dağılmalıdır."
30 iyul 2008 də CNN kanalında yayımlanan 28 iyul da baş vermiş seçimlərin nəticələrinə görə, Obama %45 Makkein %40 səs toplamışdır.
20 yanvar 2009-cu ildə and içərək rəsmi ABŞ prezidenti oldu.
20 yanvar 2017 də postunu Donald Trumpa təslim etdi.

Biblioqrafiya

Dreams from My Father: A Story of Race and Inheritance (ISBN 0-307-38341-5)
The Audacity of Hope: Thoughts on Reclaiming the American Dream (ISBN 0-307-23769-9)
Barack Obama in His Own Words (ISBN 0-7867-2057-3)
National Urban League. The State of Black America 2007: Portrait of the Black Male (ISBN 0-931761-85-9)
Renewing American Leadership
Barack Obama: What He Believes In — From His Own Works (ISBN 1-60450-117-0)
Barack Obama, John Mccain. Barack Obama vs. John McCain — Side by Side Senate Voting Record for Easy Comparison (ISBN 1-60450-249-5)
Change We Can Believe In: Barack Obama’s Plan to Renew America’s Promise (ISBN 0-307-46045-2
Editinq Enn Dunham
Maya Soetoro-Ng

Xarici keçidlər

Rəsmi saytı
Barak Obamanın bioqrafiyası Arxivləşdirilib 2006-10-04 at the Wayback Machine

İstinadlar

Barack Obama birth certificate (ing.). 2011.
Barack Obama.
https://www.gala.fr/stars_et_gotha/barack_obama.
https://www.voici.fr/bios-people/barack-obama.
Hoffman R. Linkedin (ing.). 2003.
Kantor J. The Obamas’ Marriage (ing.). The New York Times, 2009.
Barack Obama's Marriage License : President Barack Obama - Fact And Fiction.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[_3378db062d934111-1] Barack Obama birth certificate (ing.). 2011.

[_3c1859af2a5f82cb-2] Barack Obama.

[_0ac19a7805e2cfa7-3] ttps://www.gala.fr/stars_et_gotha/barack_obama.

[_756f8be38368101b-4] ttps://www.voici.fr/bios-people/barack-obama.

[_84d184a70b93034d-5] Hoffman R. Linkedin (ing.). 2003.

[_502527e4dde12b5e-6] Kantor J. The Obamas’ Marriage (ing.). The New York Times, 2009.

[_151a3e4392fb0f9b-7] Barack Obama's Marriage License : President Barack Obama - Fact And Fiction.

Nobel Sülh Mükafatı laureatları (2001-2025)
2001-2025	2001: BMT, Kofi Annan • 2002: Cimmi Karter • 2003: Şirin Ebadi • 2004: Vanqari Maatai • 2005: Beynəlxalq Nüvə Enerjisi Agentliyi, Məhəmməd Əl-Baradei • 2006: Məhəmməd Yunus, Qremin Bank • 2007: İqlim Dəyişikliyi üzrə Beynəlxalq Mütəxəssislər Komissiyası, Albert Qor • 2008: Marti Axtisaari • 2009: Barak Obama • 2010: Lyu Syaobo • 2011: Elen Conson-Serlif, Leyma Qbove, Təvəkkül Karman • 2012: Avropa İttifaqı • 2013: Kimyəvi silahların qadağan edilməsi təşkilatı • 2014: Kaylaş Satyarti, Məlalə Yusəfzay
Digər	Laureatlar (1901-1925) • Laureatlar (1926-1950) • Laureatlar (1951-1975) • Laureatlar (1976-2000) • Tam Siyahı