Bankomat

ATM və ya Bankomat (ing. Automated Teller Machine) — ən asan anlamda müştərilərin bankın xidmətlərindən istifadə zamanı insansız çalışan elektromexanik vasitədir. Bankomat bank kartlarından istifadə edərək kart hesabından nağd pul vəsaitləri çıxarmağa, hesab barədə məlumat almağa, kommunal və digər xidmətlərin haqqını ödəmək üçün nağdsız hesablaşmalar aparmağa imkan verən aparatdır.[1] Maşınlar, əsasən plastik kartlar və istifadəçi kodları (PİN) vasitəsilə işlədilir. Ekrana istifadəçini yönləndirməyə yarayan bir menyu gəlir. İstifadəçilər ATM xidmətlərindən özlərinə lazım olan mesaj və variantlar vasitəsilə faydalanırlar.

Bankomat

Seriyanın bir hissəsi:
Avtomatlaşdırma
Ümumilikdə avtomatlaşdırma
Bankçılıq Bina Ev Yol Laboratoriya Kitabxana Yayım Miks Hovuz təmizləyicisi Pop musiqi Əsaslandırma Yarı avtomatlaşdırma Telefon Zəng Kommumator Bankomat Avtomobil Satış maşını
Robototexnika və robotlar
Ev Tozsoran Roomba Otbiçən maşın İdarə olunan avtomobil Sənaye Rəsm ODD
Avtomatlaşdırmanın təsiri
Manumation OOL Qərəz Sürücüsüz avtomobillər Texnoloji işsizlik İşsizliyin artması İşdən sonrakı cəmiyyət Təhlükə
Sərgilər və mükafatlar
ASP-DAC DAC DATE IEEE Robototexnika və Avtomatlaşdırma Mükafatı ICCAD

İlk maşınlar sadəcə müəyyən miqdarda pul götürmək üçün istifadə olunurdusa indi daha da inkişaf edən texnologiya dövründə maşınların təqdim etdiyi xidmətlər daha da artmışdır. Son illərdə hesaba pul köçürmə, hesab durumları haqqında məlumat alma, maaş alma, daimi ödemələri aparma, hesabdan hesaba pul köçürmə, və s. əməliyyatlar aparılır.

Çox şöbəli böyük banklar şöbələr üçün lazımlı bina və heyət xərclərini azaltmaq məqsədilə ATM-lərə maraq göstərirsə, daha kiçik bankların əksəriyyəti isə bazar paylarını, dolayısıyla gəlirlərini artırmaq üçün eyni xidməti göstərmək yolunu seçmişlər. Sonda hər iki qrup öz bank fəaliyyətlərində xərclərini azaltmaq və bazar paylarını artırmaq üçün ATM-lərə yönəltmişdir.