Baloğlan Abbasov

Balaoğlan Abbasov (tam adı: Balaoğlan Mirzağa oğlu Abbasov, rus. Балаоглан Мирзага оглы Аббасов; 15 dekabr 1919, Lənkəran, Lənkəran qəzası – 23 noyabr 1942, Volqoqrad vilayəti) — Azərbaycan-sovet snayperi,[1] baş çavuş,[2] İkinci Dünya müharibəsi iştirakçısı.[3]

Baloğlan Abbasov
rus. Балаоглан Мирзага оглы Аббасов
Şəxsi məlumatlar
Doğum tarixi 15 dekabr 1919(1919-12-15)
Doğum yeri
Vəfat tarixi 23 noyabr 1942(1942-11-23) (22 yaşında)
Vəfat yeri
Milliyyəti azərbaycanlı
Atası Mirzağa
Hərbi fəaliyyəti
Mənsubiyyəti Sovet Sosialist Respublikaları İttifaqı
Qoşun növü piyada
Rütbəsi Baş çavuş
Döyüşlər
Təltifləri "Qırmızı bayraq" ordeni "İgidliyə görə" medalı

Həyatı

Baloğlan Mirzağa oğlu Abbasov 1919-cu il dekabrın 15-də Lənkəran rayonunun Sütəmurdov kəndində anadan olub. Kənddə ibtidai təhsil aldıqdan sonra Baloğlan 1939-cu ildə ordu sıralarına çağırılıb. Müharibə başlayanda Ukraynada döyüşlərdə yetkinləşdi, snayperlik sənətini səylə öyrəndi. Az müddətdə atıcı alayında ən yaxşı nişançılardan biri oldu[4].

1942-ci ilin yayında serjant Baloğlan Abbasovu ən mühüm cəbhə olan Stalinqrad şəhərinin müdafiəsinə göndərdilər. Vzvod komandiri təyin olunan Baloğlan Azərbaycan oğulları ilə birgə qəhrəmanlıqla vuruşur, əla snayperçinin atdığı güllələr boşa çıxmırdı. Sərrast atıcı kimi diviziyada ad-san qazanan Baloğlan Abbasov həlledici əks-hücum zamanı 1942-ci il noyabrın 19-da ağır yaralanıb həlak oldu. Stalinqrad cəbhəsi Hərbi Şurasının qərarı ilə müharibə qəhrəmanı kimi Baloğlan Abbasovun adı əbədi olaraq qvardiyaçı diviziyasının şəxsi heyətinin siyahısına daxil edildi.

Onun snayperçilər qrupu 40 gün ərzində 615 alman əsgər və zabitini öldürmüşdür. Şəxsən özü isə 106 nəfəri öldürmüşdür[5].

Fəaliyyəti

1942-ci ildə Stalinqrad (indi Volqoqrad) uğrunda döyüşlərdə azərbaycanlılar şücaətlə vuruşmuşdular. Baloğlan Abbasovun snayperlər qrupu, Həzi Aslanovun tank alayı Stalinqrad döyüşlərində böyük mətanət göstərmişdilər[6].

İstinadlar
  1. "Советские стрелки-снайперы в Великой Отечественной войне". 2014-08-17 tarixində orijinalından arxivləşdirilib. İstifadə tarixi: 2013-08-14.
  2. "AZƏRBAYCAN OĞULLARI STALİNQRAD DÖYÜŞLƏRİNDƏ". 2014-03-11 tarixində arxivləşdirilib. İstifadə tarixi: 2013-08-14.
  3. "ГЕРОИЗМ РАБОЧИХ АЗЕРБАЙДЖАНА В ГОДЫ ВЕЛИКОЙ ОТЕЧЕСТВЕННОЙ ВОЙНЫ" (PDF). 2013-06-19 tarixində orijinalından (PDF) arxivləşdirilib. İstifadə tarixi: 2013-06-19.
  4. ""Ədalət" qəzeti.-2012.-1 may.-Səh.7". 2014-03-11 tarixində arxivləşdirilib. İstifadə tarixi: 2013-08-14.
  5. "Аббасов Балаоглан". 2012-05-10 tarixində arxivləşdirilib. İstifadə tarixi: 2013-08-14.
  6. "İkinci Dünya Müharibəsi → Azərbaycan müharibə illərində". 2021-11-08 tarixində arxivləşdirilib. İstifadə tarixi: 2013-08-14.

Mənbə
  • "Балаоглан Аббасов" М., 1943, стр.18.

Xarici keçidlər

Həmçinin bax
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.