Başqırd balı

Başqırd balı (başq. Башҡорт балы) — Rusiya Federasiyasının Başqırdıstan Respublikasında istehsal olunan bal.

Ticarət nişanı

"Başqırd balı" adı qorunan ticarət nişanıdır. Arıçılıq və Apiterapiya üzrə Başqırd Elmi-Tədqiqat Mərkəzi 2005-ci ildən bəri Rusiya Federasiyasının ərazisindəki yeganə müəssisədir ki, bal məhsullarını etiketləmək üçün "Başqırd balı" ifadəsini istifadə etmək hüququna malikdir[1].

Xüsusiyyəti

Başqırd balının dadı uzun müddətdir ki, məşhurdur və başqırdlar üçün qürur qaynağı olmuşdur. Əsl Başqırd balı olmadan, bir başqırd çayı düşünülə bilməz; üzərinə təzə kənd qaymağı və bal sürtülmüş çörək insan istehsalı olan digər bütün şirniyyatlara meydan oxuya bilər.

İstehsalı

Başqırdıstanda istehsal olunan illik bal miqdarı orta hesabla 5–6 min ton təşkil edir[2].

İxracı

Rusiya ərazisindən başqa Başqırd balı və ona aid olan məhsullar bir çox Avropa ölkələrinə, ABŞ, Yaponiya, Yaxın Şərq və MDB ölkələrinə ixrac olunur[3][4].

2014-cü ildə Başqırd balının Çinə ixracı ilə bağlı 6 min ton həcmində olan bal üçün 3 milyard rubl məbləğində müqavilə imzalanmışdır[5]. 2014-cü ilin avqustunda Çinin Szyutszyan şəhərində Başqırd balının satışı üçün ilk mağaza açılmışdır.

Mükafatları və nailiyyətləri

Başqırd balı müxtəlif qida sərgilərinin və yarmarkalarının iştirakçı və qalibidir.

  • 1961 — Erfurtda (Almaniya) qızıl medal.
  • 1965 — Buxarestdə (Rumıniya) keçirilmiş XX Beynəlxalq Apimondi Konqresində gümüş medal.
  • 1971 — Moskvada (SSRİ) keçirilmiş XXIII Beynəlxalq Apimondi Konqresində qızıl medal.
  • 2001 — Sankt-Peterburqda "Rusiya fermer" — "Agrorus" sərgi-yarmarkasında ən yüksək mükafat.
  • 2002 — Berlindəki (Almaniya) "Yaşıl Həftə" Beynəlxalq Sərgisində ən ali mükafat.
  • 2002 — Sankt-Peterburqda "Rusiya fermer" — "Agrorus" sərgi-yarmarkasında ən yüksək mükafat.
  • 2003 — Sankt-Peterburqda "Rusiya fermer" — "Agrorus" sərgi-yarmarkasında ən yüksək mükafat.
  • 2004 — Sankt-Peterburqda "Rusiya fermer" — "Agrorus" sərgi-yarmarkasında ən yüksək mükafat[6].

Qalareya

Ədəbiyyat

İstinadlar
  1. "«Башкирский мёд» защитил свои права". 2020-02-13 tarixində orijinalından arxivləşdirilib. İstifadə tarixi: 2017-09-01.
  2. "Башкирский мёд отправился за океан". 2013-09-27 tarixində orijinalından arxivləşdirilib. İstifadə tarixi: 2017-09-01.
  3. Пчеловоды республики намерены доказать, что башкирский мёд самый лучший в мире Arxivləşdirilib 2016-03-04 at the Wayback Machine. // 01.09.2015
  4. "Башкирский мед будет экспортироваться в Кувейт". 2009-09-28 tarixində orijinalından arxivləşdirilib. İstifadə tarixi: 2017-09-01.
  5. "Башкирия будет поставлять в Китай башкирский мед на сумму 3 млрд рублей". 2016-11-10 tarixində arxivləşdirilib. İstifadə tarixi: 2017-09-01.
  6. "Ценность башкирского мёда". 2012-03-14 tarixində orijinalından arxivləşdirilib. İstifadə tarixi: 2017-09-01.

Xarici keçidlər
Vikianbarda Başqırd balı ilə əlaqəli mediafayllar var.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.