Azərbaycan Dövlət Tərcümə Mərkəzi
Azərbaycan Dövlət Tərcümə Mərkəzi – 23 may 2012-ci ildə Azərbaycan Respublikasının Prezidentinin İlham Əliyevin sərəncamı ilə yaradılmış, Azərbaycan dövlət dilindən düzgün istifadə, ölkədə dil və tərcümə sahəsinin mərkəzləşdirilmiş qaydada təşkili və tənzimlənməsi işini həyata keçirən dövlət qurumu.[1][2]
| Azərbaycan Dövlət Tərcümə Mərkəzi | |
|---|---|
| (ADTM) | |
 | |
| | |
| Ümumi məlumatlar | |
| Ölkə | |
| Yaradılma tarixi | 23 may 2012-ci il |
| Tabelik | Azərbaycan Respublikasının Prezidenti |
| Baş qərargah | |
| Ünvan | Bakı şəhəri, Nərimanov rayonu, Şahin Mustafayev küç. 27/121A |
| Rəhbərlik | |
| İdarə heyətinin sədri | Afaq Məsud |
|
|
|
| Rəsmi saytı | aztc.gov.az |
Tarixi
Azərbaycan Respublikasının Prezidentinin 23 may 2012-ci il tarixli Sərəncamı ilə yaradılmışdır[3].
Haqqında
Mərkəzin fəaliyyətinin məqsədi dövlət dilindən düzgün istifadə və tərcümə işinin mərkəzləşdirilmiş qaydada təşkili və tənzimlənməsindən, Azərbaycan ədəbiyyatının beynəlxalq aləmdə, xarici ədəbiyyatın Azərbaycanda tanıdılmasından və təbliğindən ibarətdir.
Mərkəzin fəaliyyət istiqamətləri aşağıdakılardır:[1][4]
- dövlət dilindən düzgün istifadə və tərcümə işinin təkmilləşdirilməsi ilə bağlı müvafiq tədbirlərin həyata keçirilməsi;
- ictimai-siyasi, elmi-texniki, ədəbi-mədəni mübadilələrin və beynəlxalq əlaqələrin dil və tərcümə baxımından tənzimlənməsi və təkmilləşdirilməsi üzrə müvafiq tədbirlərin həyata keçirilməsi;
- tərcümə işinin mərkəzləşdirilmiş qaydada aparılmasının təmin edilməsi, yüksək ixtisaslı tərcüməçi kadrların hazırlanmasının təşkili;
- Azərbaycan ədəbiyyatının beynəlxalq aləmdə, xarici ədəbiyyatın Azərbaycanda tanıdılması və təbliğinin təmin edilməsi, Azərbaycan və xarici ədəbiyyatın aparıcı nümunələrinin müvafiq olaraq xarici dillərə və dövlət dilinə tərcümə edilməsi və nəşri;
- tərcümə olunan materiallarda dövlət dilinin düzgün işlənməsi, elmi, texniki, tibbi, hüquqi və digər sahələrdə tərcümə prosesinin təşkili və təkmilləşdirilməsi üzrə tədbirlərin yerinə yetirilməsinə nəzarətin həyata keçirilməsi.
İstinadlar
- "Деятельность". aztc.gov.az. 26 sentyabr 2020 tarixində arxivləşdirilib. İstifadə tarixi: 13 oktyabr 2020.
- "Приступило к деятельности Агентство переводов Азербайджанского государственного центра перевода". azertag.az. 14 may 2020. 28 iyun 2020 tarixində arxivləşdirilib. İstifadə tarixi: 13 oktyabr 2020.
- "Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı haqqında Azərbaycan Respublikası Prezidentinin Sərəncamı". president.az. 23 may 2012. 26 sentyabr 2020 tarixində arxivləşdirilib. İstifadə tarixi: 13 oktyabr 2020.
- "Azərbaycan Dövlət Tərcümə Mərkəzinin Nizamnaməsinin təsdiq edilməsi haqqında". e-qanun.az. 26 sentyabr 2020 tarixində arxivləşdirilib. İstifadə tarixi: 13 oktyabr 2020.
Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.