Azərbaycan Avroviziya Uşaq Mahnı Müsabiqəsində

Azərbaycan Uşaq Avroviziya Mahnı Müsabiqəsində — Azərbaycan bu müsabiqədə ilk dəfə 2012-ci ildə iştirak etmişdir.

Azərbaycanın ilk Uşaq Avroviziyasındakı ilk təmsilçiləri İctimai Televiziya tərəfindən seçilən Ömər Sultanov və Suada Ələkbərova olmuşdur. Niderlandın paytaxtı Amsterdamda keçirilən 2012 Avroviziya Uşaq Mahnı Müsabiqəsinin yeganə dueti, Azərbaycan təmsilçiləri Ömər və Suada HMH arenasında 3-cü səhnə almışdır. "Girls and Boys (Dünya Sənindir)" adlı mahnı ilə çıxış edən duet nəticədə 49 xalla 11-ci yerdə qərarlaşmışdır[1].

2013 Avroviziya Uşaq Mahnı Müsabiqəsində Rüstəm Kərimov

Kiyevdə keçirilən 2013 Avroviziya Uşaq Mahnı Müsabiqəsində Azərbaycan Rüstəm Kərimovun ifa etdiyi "Me and My Guitar" mahnısı ilə təmsil olunmuşdur. İştirak edən 12 ölkə arasında Azərbaycan 66 xalla 7-ci yeri tutmuşdur. Bu ölkənin indiyədək müsabiqədəki ən yüksək nəticəsi olmuşdur. Növbəti illərdə müsabiqədə iştirak etməyən Azərbaycan 2018-ci ildə Uşaq Avroviziyasına geri dönmüşdür. Minskdə keçirilən müsabiqədə ölkəni "I Wanna Be Like You" mahnısı ilə Fidan Hüseynova təmsil etmişdir. 20 ölkənin iştirakı ilə keçirilən yarışmada Azərbaycan təmsilçisi 47 xalla 16-cı yerdə qərarlaşmışdır.

Təmsilçilər
İl Dil İfaçı Mahnı Tərcümə Yer Xal
2012 Azərbaycanca, İngiliscə Suada Ələkbərova & Ömər Sultanov "Girls and Boys (Dünya Sənindir)" Qızlar və oğlanlar 11 49
2013 Azərbaycanca, İngiliscə Rüstəm Kərimov "Me and My Guitar" Mən və gitaram 7 66
2018 Azərbaycanca, İngiliscə Fidan Hüseynova "I Wanna Be Like You" Sənin kimi olmaq istəyirəm 16 47

İstinadlar
  1. «Uşaq Eurovision-2012» Mahnı Müsabiqəsi yekunlaşıb
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.