Asiya İnfrastruktur İnvestisiya Bankı

Asiya İnfrastruktur İnvestisiya Bankı (ing. Asian Infrastructure Investment Bank) — Çin hökumətinin təşəbbüsü ilə yaradılmış beynəlxalq maliyyə institutu. Mənzil-qərargahı Çin Xalq Respublikasının Pekin şəhərində yerləşir.

Bankın loqosu

Tarixi

Bankın yaradılması ilə bağlı ilk sənəd 24 oktyabr 2014-cü ildə imzalanmışdır. Həmin gün Asiya qitəsinin 21 ölkəsi bu nəhəng investisiya bankının yaradılması məqsədilə memorandum imzalayıblar.[1]

"Maddələr Sazişi"

Bankın əsas təsis sənədi olan "Maddələr Sazişi"dir.[2]

2015-ci ilin 27-28 aprel tarixlərində Pekin şəhərində və 20-22 may tarixlərində Sinqapurda gələcək təsisçi üzvlərinin nümayəndələrinin müvafiq olaraq keçirilmiş 4-cü və 5-ci iclaslarında yekdilliklə razılaşdırılmış "Maddələr Sazişi"i 29 iyun 2015-ci il tarixində Pekində təsisçi üzv statusuna malik olan 57 ölkədən 50-si tərəfindən imzalanmışdır.[2]

Nizamnamə kapitalı

Əsasən Asiya regionunda infrastrukturun inkişaf etdirilməsini dəstəkləyəcək bankın nizamnamə kapitalı 100 milyard ABŞ dolları məbləğində müəyyən edilmişdir.[2] Bunun da təxminən 75 faizini Asiya ölkələri təmin edəcəkdir.[2] Ölkələrin payı onların iqtisadiyyatının həcminə uyğun müəyyən edilir.[2] Bankın səhmdarları bunlardır:

Fəaliyyət planı

Fəaliyyəti Asiya ölkələrinin infrastruktur baxımdan inkişafına yönəlmişdir.[1]

Bank ilk mərhələdə fəaliyyətini Avropaya yeni ticarət marşrutu olacaq Yeni İpək Yolunun yaradılmasına cəmləyəcək.[4] Bankın maliyyələşdirməyi planlaşdırdığı layihələr sırasında Bağdad və Çin arasında birbaşa dəmir yol əlaqəsinin qurulması da yer alır.[4]

İstinadlar
  1. Bu gün Asiyada nəhəng bank yaradıldı Arxivləşdirilib 2016-03-11 at the Wayback Machine. interaztv.com, 24.10.2014  (az.)
  2. Asiya İnfrastruktur İnvestisiya Bankının əsas təsis sənədi imzalanmışdır Arxivləşdirilib 2015-07-01 at the Wayback Machine. maliyye.gov.az, 29.06.2015  (az.)
  3. Asiya İnfrastruktur İnvestisiya Bankı rəsmən təsis olundu Arxivləşdirilib 2016-03-05 at the Wayback Machine. report.az, 29.06.2015  (az.)
  4. Avstraliya Asiya İnfrastruktur İnvestisiya Bankına qoşulur Arxivləşdirilib 2015-04-01 at the Wayback Machine. xezerxeber.com  (az.)

Xarici keçidlər
Vikianbarda Asiya İnfrastruktur İnvestisiya Bankı ilə əlaqəli mediafayllar var.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.