Asiyət Yusifova

Asiyət Yusifova
Asiyət Yusifova
Azərbaycan Kommunist Partiyası Balakən Rayon Komitəsinin birinci katibi
	1970 – 1974
Əvvəlki	Təmraz Əbdürrəhmanov
Sonrakı	Bilal Mahmudov
Azərbaycan Kommunist Partiyası Qax Rayon Komitəsinin birinci katibi
	1964 – 1970
Əvvəlki	Vəzifə təsis edildi.[lower-alpha 1]
Sonrakı	Səfiyyə Dibirova
Zaqatala Rayon Zəhmətkeş Deputatları Soveti İcraiyyə Komitəsinin sədri
	1963 – 1964
Azərbaycan Kommunist Partiyası Qax Rayon Komitəsinin birinci katibi
	196? – 1963
Sonrakı	Vəzifə ləğv edildi.[lower-alpha 1]
Azərbaycan Kommunist Partiyası Qax Rayon Komitəsinin ikinci katibi
	1959 – 196?
Şəxsi məlumatlar
Doğum tarixi	5 dekabr 1923
Doğum yeri	İlisu, Zaqatala qəzası[d];
Vəfat tarixi	20 dekabr 2022 (99 yaşında)
Vəfat yeri	İlisu, Qax rayonu, Azərbaycan;
Təhsili	Nizami Gəncəvi adına İlisu kənd tam orta məktəbi[d];
Fəaliyyəti	siyasətçi
Təltifləri	;

Asiyət Nəcməddin qızı Yusifova (5 dekabr 1923, İlisu – 20 dekabr 2022, İlisu, Qax rayonu) — Azərbaycan-sovet dövlət və partiya xadimi, Azərbaycan Kommunist Partiyası Balakən Rayon Komitəsinin birinci katibi, Qax Rayon Komitəsinin birinci katibi və ikinci katibi, Zaqatala Rayon Zəhmətkeş Deputatları Soveti İcraiyyə Komitəsinin sədri.

Həyatı

1923-cü ildə İlisu kəndində kəndli ailəsində doğulmuşdur. İlisu kənd orta məktəbini və 1952-ci ci ildə Şəki ikiillik Müəllimlər İnstitutunu 1954-cü ildə Azərbaycan Dövlət Pedaqoji İnstitutunun qiyabi şöbəsini bitirmişdir.

1942-ci ildə İlisu kəndində müəllim kimi əmək fəaliyyətinə başlamışdır. 1949-cu iləsək müəllim olaraq çalışmışdır. 1954-cü ildə Azərbaycan Kommunist Partiyası Mərkəzi Komitəsi yanında Ali Partiya Məktəbini fərqlənmə diplomu ilə bitirmişdir.

Siyasi fəaliyyəti

Asiyət Yusifova 1950–1952-ci illərdə ildə Qax Rayon Komsomol Komitəsinin ikinci katibi vəzifəsini tutmuşdur. 1952-ci ildən Azərbaycan Kommunist Partiyası Qax Rayon Komitəsində şöbə müdiri, 1954-cü ildən rayon qəzetinin redaktoru, eyni zamanda Qax Rayon Partiya Komitəsində qadınlar arasında iş aparan şöbənin müdiri vəzifəsində çalışmışdır. 1958-ci ildən 1959-cu ilədək Azərbaycan KP MK-da təlimatçı vəzifəsində çalışmışdır.

Asiyət Yusifova 1959-cu ildən Azərbaycan Kommunist Partiyası Qax Rayon Komitəsində əvvəlcə ikinci katib, sonra isə birinci katib vəzifəsinə seçilmişdir.

4 yanvar 1963-cü ildə Qax rayonu və Balakən rayonu ləğv olunaraq Zaqatala rayonuna birləşdirilmişdir. Asiyət Yusifova 1963–1964-cü illərdə birləşmiş Zaqatala Rayon Zəhmətkeş Deputatları Soveti İcraiyyə Komitəsinin sədri vəzifəsində çalışmışdır. 17 iyun 1964-cü ildə yenidən müstəqil Qax rayonu təşkil olunmuşdur. Asiyət Yusifova isə Azərbaycan Kommunist Partiyası Qax Rayon Komitəsinin birinci katibi seçilmişdir.

Asiyət Yusifova 1970-ci ildən Azərbaycan Kommunist Partiyası Balakən Rayon Komitəsinin birinci katibi, 1974-cü ildən isə Azərbaycan SSR Nazirlər Sovetində referent vəzifəsində işləmişdir.

1981-ci ildən ittifaq əhəmiyyətli fərdi təqaüdçü olmuşdur. Azərbaycan KP MK-nin XXV, XXVI, XXVII, XXVIII qurultaylarının nümayəndəsi olmuş və MK-nın tərkibinə seçilmişdir. Sovet İttifaqı Kommunist Partiyası XXIII qurultayının nümayəndəsi, VI, VII, VIII çağırış Azərbaycan SSR Ali Sovetinin deputatı olmuşdur.

Mükafatları

"Lenin", "Oktyabr inqilabı", "Qırmızı əmək bayrağı" ordenləri, "1941–1945-ci illər Böyük Vətən müharibəsində rəşadətli əməyə görə" medalı, Azərbaycan SSR Ali Sovetinin fəxri fərmanları, SSRİ Xalq Təsərrüfatı Nailiyyətləri sərgisinin iki qızıl və bir bürünc medalı ilə təltif olunmuş, respublikanın "Qabaqcıl maarif xadimi" fəxri adına layiq görülmüşdür.

Qeydlər

Qax rayonu 1963–1964-cü illərdə Zaqatala rayonuna birləşdirilmişdi.

Mənbə

İlisu (ensiklopedik məlumat kitabı) Bakı Vətən-2012 s 158
Азәрбајҹан ССР Али Советинин депутатлары. Сәккизинҹи чағырыш. Бакы: Азәрбајҹан Дөвләт Нәшријјаты. 1973. С. 184.

İstinadlar

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[qax-1] Qax rayonu 1963–1964-cü illərdə Zaqatala rayonuna birləşdirilmişdi.