Arzu Nağıyev

Arzu Nəsib oğlu Nağıyev (27 iyul 1963, Baş Layısqı, Azərbaycan SSR) — Azərbaycan Respublikasının Milli Məclisinin VI çağırış deputatı, Azərbaycan Yazıçılar Birliyinin üzvü.

Arzu Nağıyev
Vəzifədədir
10 mart 2020-ci ildən
Seçki dairəsi2020 — 104 saylı Gədəbəy-Tovuz
ƏvvəlkiRafiq Məmmədhəsənov
Şəxsi məlumatlar
Doğum tarixi 27 iyul 1963(1963-07-27) (60 yaş)
Doğum yeri
Fəaliyyəti siyasətçi
Təltifləri "Şöhrət" ordeni — 2023"Heydər Əliyevin 100 illiyi (1923–2023)" yubiley medalı"Qüsursuz xidmətə görə" 1-ci dərəcəli medalı "Qüsursuz xidmətə görə" 2-ci dərəcəli medalı"Qüsursuz xidmətə görə" 3-cü dərəcəli medalı "Azərbaycan Respublikası milli təhlükəsizlik orqanlarının 90 illiyi (1919-2009)" yubiley medalı"Azərbaycan Respublikası dövlət təhlükəsizliyi və xarici kəşfiyyat orqanlarının 100 illiyi (1919-2019)" yubiley medalı"Azərbaycan Sərhəd Mühafizəsinin 100 illiyi (1919-2019)" yubiley medalı"Azərbaycan Respublikası Dövlət Gömrük Komitəsinin 30 illiyi (1992–2022)" yubiley medalı"Azərbaycan Respublikası Müdafiə Sənayesi Nazirliyinin 15 illiyi (2005–2020)" yubiley medalı

Həyatı

Arzu Nağıyev 1963-cü il iyulun 27-də Tovuz rayonununda anadan olmuşdur.[1] 1980-ci ildə Tovuz rayonu Yusif Sadıxov adına Bozalqanlı kənd orta məktəbini qızıl medalla bitirmişdir. 1985-ci ildə Serqo Ordjonikidze adına Moskva İdarəetmə İnstitutunun Tikinti və şəhər təsərrüfatının idarə edilməsinin təşkili fakültəsini mühəndis iqtisadçı ixtisası üzrə bitirmişdir. 1991-ci ildə SSRİ Dövlət Təhlükəsizliyi Komitəsinin Ali kurslarını qırmızı diplomla tamamlamışdır.

Təhlükəsizlik orqanlarının ehtiyatda olan zabiti və Qarabağ müharibəsi veteranıdır.

Azərbaycan Yazıçılar Birliyinin üzvüdür. 5 bədii, 2 sənədli kitabın müəllifidir.

Ailəsi

Ailəlidir, 2 övladı var.

Fəaliyyəti

Əmək fəaliyyəti

1985–1987-ci illərdə Azərbaycan Sənaye-Tikinti Nazriliyinin 4 saylı trestində iqtisadçı, baş iqtisadçı işləmiş,[2] 1987–1989-cu illərdə Azərbaycan LKGİ Nərimanov rayon komitəsinin təlimatçısı, şöbə müdiri olmuş, 1991–2011-ci illərdə Azərbaycan Respublikasının Dövlət Təhlükəsizliyi Komitəsində,[3] daha sonra isə Milli Təhlükəsizlik Nazirliyində həqiqi hərbi qulluq keçmiş, əməliyyat müvəkkili–şöbə rəisi vəzifələrində çalışmışdır. 2011-2021-ci illərdə "Trend" Beynəlxalq İnformasiya Agentliyində baş direktorunun müavini kimi çalışıb..[4]

Siyasi fəaliyyəti

Azərbaycan Respublikasının Milli Məclisinə 104 saylı Gədəbəy-Tovuz seçki dairəsindən VI çağırış deputat seçilib. Partiya mənsubiyyəti yoxdur.

Milli Məclisin Müdafiə, təhlükəsizlik və korrupsiya ilə mübarizə komitəsinin, Əmək və sosial siyasət komitəsinin üzvüdür. Azərbaycan-Gürcüstan parlamentlərarası əlaqələr üzrə işçi qrupunun rəhbəri, Belarus, İsrail, Slovakiya, Türkiyə parlamentləri ilə əlaqələr üzrə işçi qruplarının üzvüdür. Milli məclis tərəfindən Azərbaycan Respublikası Korrupsiyaya qarşı mübarizə komitəsinə seçilmişdir.

MDB-nin Parlamentlərarası Assambleyasında Azərbaycan nümayəndə heyətinin, Azərbaycan Respublikası Milli Məclisinin və Rusiya Federasiyası Federal Məclisinin ikitərəfli əməkdaşlığı üzrə parlamentlərarası komissiyasının üzvüdür.

Təltifləri
  • "Heydər Əliyevin 100 illiyi (1923–2023)" yubiley medalı — "Heydər Əliyevin 100 illiyi (1923–2023)" yubiley medalı
  • "Qüsursuz xidmətə görə" 1-ci dərəcəli medalı — "Qüsursuz xidmətə görə" I dərəcəli medalı
  • "Qüsursuz xidmətə görə" 2-ci dərəcəli medalı — "Qüsursuz xidmətə görə" II dərəcəli medalı
  • "Qüsursuz xidmətə görə" 3-cü dərəcəli medalı — "Qüsursuz xidmətə görə" III dərəcəli medalı
  • "Azərbaycan Respublikası milli təhlükəsizlik orqanlarının 90 illiyi (1919-2009)" yubiley medalı — "Azərbaycan Respublikası milli təhlükəsizlik orqanlarının 90 illiyi (1919–2009)" yubiley medalı
  • "Azərbaycan Respublikası dövlət təhlükəsizliyi və xarici kəşfiyyat orqanlarının 100 illiyi (1919-2019)" yubiley medalı — "Azərbaycan Respublikası dövlət təhlükəsizliyi və xarici kəşfiyyat orqanlarının 100 illiyi (1919–2019)" yubiley medalı
  • "Azərbaycan Sərhəd Mühafizəsinin 100 illiyi (1919-2019)" yubiley medalı — "Azərbaycan Sərhəd Mühafizəsinin 100 illiyi (1919–2019)" yubiley medalı
  • "Azərbaycan Respublikası Dövlət Gömrük Komitəsinin 30 illiyi (1992–2022)" yubiley medalı — "Azərbaycan Respublikası Dövlət Gömrük Komitəsinin 30 illiyi (1992–2022)" yubiley medalı
  • "Azərbaycan Respublikası Müdafiə Sənayesi Nazirliyinin 15 illiyi (2005–2020)" yubiley medalı — "Azərbaycan Respublikası Müdafiə Sənayesi Nazirliyinin 15 illiyi (2005–2020)" yubiley medalı
  • "1941–1945-ci illər Böyük Vətən müharibəsində qələbənin 75 illiyi" yubiley medalı
  • Rusiya Federasiyası Federal Məclisi Federasiya Şurasının Rusiya-Azərbaycan parlamentlərarası əlaqələrinin inkişafında göstərdiyi xidmətlərə görə "Parlament əməkdaşlığının gücləndirilməsinə görə" medalı ilə təltif olunub.

İstinadlar
  1. NAĞIYEV Arzu Nəsib oğlu
  2. "Arzu Nağıyev kimdir? –"KQB" POLKOVNİKİ, media KAPİTANI" (az.). yenixeber.org. 2021-05-09 tarixində arxivləşdirilib. İstifadə tarixi: 2020-08-30.
  3. "Arzu Nağıyev: Dövlət Təhlükəsizliyi və Xarici Kəşfiyyat xidmətlərinin yaradılması vaxtında verilmiş qərardır" (az.). trend.az. 2020-06-20 tarixində arxivləşdirilib. İstifadə tarixi: 2020-08-30.
  4. Arzu Nağıyev kimdir? – “KQB” POLKOVNİKİ, media KAPİTANI. (az.). sia.az https://sia.az/az/news/election2020/784428.html (#bare_url_missing_title). 2021-05-13 tarixində arxivləşdirilib. İstifadə tarixi: 2020-08-30.
  5. Prezident İlham Əliyev deputatı “Şöhrət” ordeni ilə təltif edib
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.