Amazon Web Services

Amazon Web Services (AWS) — fiziki şəxslərə, şirkətlərə və hökumətlərə tələb üzrə bulud texnologiyaları və API təmin edən Amazonun törəmə şirkəti. Müştərilər tez-tez bunu avtomatik miqyaslama ilə birlikdə istifadə edir (bu müştəriyə yüksək istifadə zamanı daha çox hesablamadan istifadə etməyə imkan verir və trafik azaldıqda xərcləri də azaltmaq üçün miqyası azaldır). Bu veb xidmətlər AWS server fermaları vasitəsilə şəbəkə, hesablama, saxlama, aralıq proqram, IoT və digər emal qabiliyyəti ilə bağlı müxtəlif xidmətlər, həmçinin proqram təminatı alətləri təqdim edir. Bu müştəriləri cihaz və əməliyyat sistemlərini idarə etməkdən, miqyaslaşdırmaqdan və "yamaq"dan azad edir. Əsas xidmətlərdən biri istifadəçilərə REST API, CLI və ya AWS konsolu vasitəsilə internet üzərindən qarşılıqlı əlaqədə ola bilən və son dərəcə yüksək əlçatanlığa malik virtual kompüter klasterinə sahib olmağa imkan verən Amazon Elastic Compute Cloud (EC2)-dir. AWS-nin virtual kompüterləri real kompüter hissələrinin əksəriyyətini, o cümlədən emal üçün CPU və GPU, RAM; sabit disk/SSD, əməliyyat sistemlərinin seçilməsi, şəbəkələşmə və veb-serverlər, verilənlər bazaları və CRM kimi əvvəlcədən yüklənmiş proqram təminatlarını təqlid edir.

Amazon Web Services
Loqonun şəkli
Ümumi məlumatlar
Sənaye bulud hesablama
Təsis tarixi mart 2006
Baş qərargahın yeri
Struktur
Ana şirkət Amazon.com
aws.amazon.com
Vikianbarın loqosu Vikianbarda əlaqəli mediafayllar

AWS xidmətləri müştərilərə bütün dünyada yerləşən AWS server fermaları şəbəkəsi vasitəsilə çatdırılır. Ödənişlər abunəçinin tələb etdiyi əlçatanlıq, artıqlıq, təhlükəsizlik və cihaz, əməliyyat sistemi, proqram təminatı və ya şəbəkə xüsusiyyətlərinin birləşməsinə ("İstifadə etdiyin qədər ödə" modeli kimi tanınır) əsaslanır. Abunəçilər bir virtual AWS kompüteri, xüsusi fiziki kompüter və ya hər ikisinin klasterləri üçün ödəniş edə bilərlər.[1] Amazon abunəçilər üçün seçilmiş təhlükəsizlik hissələri təmin edir (məsələn, məlumat mərkəzlərinin fiziki təhlükəsizliyi). Digər aspektlər isə abunəçinin məsuliyyətindədir (məsələn, hesabın idarə edilməsi, zəifliyin skan edilməsi, "yamaq"). AWS Şimali Amerikada yeddi yerdə, o cümlədən bir çox qlobal coğrafi regionlarda fəaliyyət göstərir.[2]

Amazon AWS-ni faktiki fiziki server ferması qurmaq yerinə daha tez və ucuz qiymətə böyük miqyaslı hesablama qabiliyyəti əldə etmək metodu olaraq satır.[3] Bütün xidmətlər istifadə əsasında hesablanır, lakin hər bir xidmət istifadəni müxtəlif yollarla ölçür. Synergy Group-a görə, 2021-ci ilin 4-cü rübündə AWS-nin bulud infrastrukturunda bazar payının 33%-dir, növbəti iki rəqib Microsoft Azure və Google Cloud isə müvafiq olaraq 21% və 10% paya sahibdir.[4][5]

Həmçinin bax
  • Tim Brey
  • Ceyms Qoslinq
  • Bulud texnologiyalarının müqayisəsi
  • Fayl hostinq xidmətlərinin müqayisəsi

İstinadlar
  1. "AWS Customer Agreement". Amazon Web Services, Inc. March 30, 2007 tarixində arxivləşdirilib. İstifadə tarixi: April 6, 2016.
  2. "AWS Global Infrastructure". December 22, 2016. December 28, 2013 tarixində arxivləşdirilib. İstifadə tarixi: December 22, 2016.
  3. "What is Cloud Computing by Amazon Web Services | AWS". December 25, 2018 tarixində arxivləşdirilib. İstifadə tarixi: July 17, 2013.
  4. Panettieri, Joe. "Cloud Market Share 2020: Amazon AWS, Microsoft Azure, Google, IBM". ChannelE2E (ingilis). August 3, 2020. January 10, 2021 tarixində arxivləşdirilib. İstifadə tarixi: October 12, 2020.
  5. "Infographic: Amazon Leads $100 Billion Cloud Market". Statista Infographics (ingilis). January 4, 2021 tarixində arxivləşdirilib. İstifadə tarixi: October 12, 2020.

Xarici keçidlər
Vikianbarda Amazon Web Services ilə əlaqəli mediafayllar var.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.