Aleksandr İaşvili

Aleksandr İaşvili (gürc. ალექსანდრე მამულის ძე იაშვილი; doğum 23 oktyabr 1977, Tbilisi, Gürcüstan SSR, SSRİ) — Gürcüstanın "Dinamo Tbilisi" komandasının futbolçusu. Hücumçu mövqeyində çıxış edir.

Aleksandr İaşvili
gürc. ალექსანდრე მამულის ძე იაშვილი
Ümumi məlumatlar
Doğum tarixi
Doğum yeri Tbilisi, Gürcüstan SSR, SSRİ
Vətəndaşlığı Gürcüstan Gürcüstan
Boyu 1.75 m
Çəkisi 72 kq
Mövqeyi Hücumçu
Klub haqqında məlumat
Klub Dinamo Tbilisi
Nömrəsi 9
Karyerası
Klub karyerası[* 1]
1993—1997 Gürcüstan Dinamo Tbilisi 89 (84)
1997 →  Almaniya Lyübek 15 (3)
1997—2007 Almaniya Frayburq 255 (51)
2007—2012 Almaniya Karlsrue 141 (24)
2012—2013 Almaniya Bohum 28 (0)
2013—2014 Azərbaycan İnter Bakı 33 (5)
2014—2015 Gürcüstan Samtredia 10 (2)
2015— Gürcüstan Dinamo Tbilisi 11 (2)
Milli yığma[* 2]
1998—2011 Gürcüstan Gürcüstan 67 (15)
  1. Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarın loqosu Vikianbarda əlaqəli mediafayllar

Klub karyerası
İaşvili Frayburqun heyətində çıxış edərkən.

Karyerasına "Dinamo Tbilisi" klubunda başlayıb, klubun heyətində məhsuldar oyunu ilə yadda qalıb. Onun 1994-1995-ci illər mövsümündə 24 oyuna 24 qol, 1995-1996-cı illər mövsümündə isə 26 oyuna 25 qol vurması bir çox xarici klubların diqqətini cəlb edib. 1997-ci ilin yanvarında Almaniyanın ikinci bundesliqasında çıxış edən, "Lyübek" klubuna yarım illik icarəyə verilib.

İaşvili yarımillik müqaviləsi bitdikdən sonra Almaniyada qalıb. O, 1997-98-ci illər mövsümündə Bundesliqada oynamaq hüququ əldə edən "Frayburq" Komandasına qoşulub.

2005-2006-ci illər mövsümündə "Frayburq" komandasının kapitanı olub. Komandanın heyətində on il çıxış etdikdən sonra, 2007-ci ildə klubu tərk edərək digər alman komandası "Karlsrue"yə keçmişdir.[1] 2012-ci ildə "Karlsrue" ikinci bundesliqanı tərk etdikdən sonra, ikinci bundesliqada iştirak edən "Bohum" klubu ilə anlaşıb.[2]

2013-cü ildə Azərbaycanın "İnter Bakı" klubuna transfer olunub.[3] Burada cəmi bir mövsüm çıxış edib və çempionat oyunlarında 33 oyunda 5 dəfə fərqlənə bilib.

2014-cü ildə yenidən Gürcüstana qayıdıb və "Samtredia" klubu ilə anlaşıb. 2015-ci ildən özünün doğma klubu olan "Dinamo Tbilisi" komandasının şərəfini qoruyur.

Milli komanda karyerası

1996-cı ildən milli komandaya dəvət olunur. İlk oyununu 5 dekabr 1996-cı ildə yoldaşlıq görüşü çərçivəsində Livan yığmasına qarşı keçirmişdir. Yığmada ilk qolunu da məhz həmin oyunda vurmuşdur.

Gürcüstan milli futbol komandasında indiyə qədər ən çox qol vuran üçüncü futbolçudur. 1996–2011-ci illər ərzində Gürcüstan yığmasının heyətində 67 oyun keçirib və 15 qol vurub.[4]

Uğurları

Klub
Gürcüstan Dinamo Tbilisi
  • Gürcüstan çempionatı (5): 1993-94, 1994-95, 1995-96, 1996-97, 1997-98
  • Gürcüstan Kuboku (4): 1993-94, 1994-95, 1995-96, 1996-97

Şəxsi
  • Gürcüstanda ilin futbolçusu (2): 2004, 2008

İstinadlar
  1. Iaschwili verlängert beim KSC bis 2013 Arxivləşdirilib 2019-04-13 at the Wayback Machine Focus, 13. Juni 2009, gesichtet 10. August 2009
  2. Bochum holt Alexander Iashvili Arxivləşdirilib 2016-02-15 at the Wayback Machine Reviersport, 3. Juni 2012
  3. "Александр Иашвили: "Меня приглашали клубы Германии и США, но я выбрал бакинский "Интер"" (rus). 2016-03-04 tarixində arxivləşdirilib.
  4. "NATIONAL TEAMS → appearances of Aleksandr Iashvili" (ingilis). 2021-11-20 tarixində arxivləşdirilib.

Xarici keçidlər
Vikianbarda Aleksandr İaşvili ilə əlaqəli mediafayllar var.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.