Adil Sadıqov

Adil Məmmədtağı oğlu Sadıqov (1941, Bakı – 14 yanvar 1990) — Azərbaycan dövlət və partiya xadimi, Azərbaycan Kommunist Partiyası Lenin Rayon Komitəsinin birinci katibi (1981–1987), Azərbaycan SSR Ali Sovetinin 11-ci çağırış deputatı.

Adil Sadıqov
bayraq
Azərbaycan Kommunist Partiyası Lenin Rayon Komitəsinin birinci katibi
bayraq2
1981 – 1987
ƏvvəlkiTofiq Axundov
SonrakıB. Qasımov
Şəxsi məlumatlar
Doğum tarixi 1941
Doğum yeri
Vəfat tarixi 14 yanvar 1990(1990-01-14)
Partiya
Təhsili

Həyatı

Adil Məmmədtağı oğlu Sadıqov 1941-ci ildə Bakıda anadan olmuşdur. 1965-ci ildə Azərbaycan Neft və Kimya İnstitutunu bitirdikdən sonra "Azərneft" Birliyinin "Leninneft" Neft və Qazçıxarma İdarəsində neftçıxarma operatoru vəzifəsində əmək fəaliyyətinə başlamışdır.[1] Burada o, sahə rəisi, böyük mühəndis – mədən müdirinin müavini, mədən müdiri, mərkəzi mühəndis-texnoloji xidmət rəisinin müavini işləmişdir.[2]

Adil Sadıqov 1974-cü ildən Azərbaycan Kommunist Partiyası Mərkəzi Komitəsinin Kimya və neft sənayesi şöbəsinin təlimatçısı, şöbə müdirinin müavini vəzifələrində çalışmış, 1981-ci ildə isə Azərbaycan KP Lenin Rayon Komitəsinin birinci katibi seçilmişdir. 1987-ci ildə Azərbaycan KP MK-nın Kimya və neft sənayesi şöbəsinin müdiri təyin edilmiş, 1989-cu ildən isə Azərbaycan KP MK yanında partiya nəzarəti komissiyasının üzvü olmuşdur.[1]

Adil Sadıqov 1969-cu ildən Sovet İttifaqı Kommunist Partiyasının üzvü olmuş, 11-ci çağırış Azərbaycan SSR Ali Sovetinin deputatı seçilmişdir. Ali Sovetin Sənaye komissiyasının üzvü olmuşdur.[2]

Adil Sadıqov 14 yanvar 1990-cı ildə 49 yaşında vəfat etmişdir.[1]

İstinadlar
  1. Адил Мәммәдтағы оғлу Садыгов // Коммунист. № 13 (21081). 16 јанвар 1990-ҹы ил. С. 4.
  2. Садыгов Адил Мәммәдтағы оғлу // Азәрбајҹан ССР Али Советинин депутатлары. Он биринҹи чағырыш. Бакы: Азәрбајҹан ССР Али Совети Рәјасәт Һеј'әтинин нәшри. 1985. С. 344.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.