Abdulla İbrahimov

Abdulla İbrahimov
Abdulla İbrahimov
Azərbaycan SSR Ali Məhkəməsinin sədri
	1962 – 30 yanvar 1980
Əvvəlki	Sənan Musayev
Sonrakı	İbrahim İsmayılov
Azərbaycan SSR daxili işlər nazirinin müavini
	1960 – 1962
Bakı şəhərinin prokuroru
	1958 – 1960
Şəxsi məlumatlar
Doğum tarixi	1921
Doğum yeri	Zöhrabkənd, Quba qəzası, Azərbaycan SSR;
Vəfat tarixi	5 iyul 2003
Vəfat yeri	Bakı, Azərbaycan;
Partiya	Ümumittifaq Kommunist (bolşeviklər) Partiyası (1945–);
Fəaliyyəti	siyasətçi, prokuror

Abdulla Hacıbaba oğlu İbrahimov — Azərbaycan SSR Ali Məhkəməsinin sədri (1962–1980), əməkdar hüquqşünas.

Həyatı

Abdulla İbrahimov 1921-ci ildə Dəvəçi rayonunun Zöhrabkənd kəndində anadan olmuşdur.

Böyük Vətən müharibəsinin iştirakçısı olan A.İbrahimov 1948-ci ildə Ümumittifaq Hüquq İnstitutunu bitirmişdir.

Abdulla İbrahimov 1944–1958-ci illərdə Azərbaycan Dövlət Təhlükəsizlik Komitəsi və Daxili İşlər Nazirliyi sistemində müxtəlif vəzifələrdə çalışmış, o cümlədən Bakı şəhər milis idarəsi rəisinin müavini olmuşdur. 1958–1960-cı illərdə isə o, Bakı şəhərinin prokuroru vəzifəsində işləmişdir.

1960–1962-ci illərdə Azərbaycan respublikası Daxili İşlər nazirinin müavini işləmiş A.İbrahimov 1962-ci ilin martında Azərbaycan SSR Ali Məhkəməsinin sədri seçilmişdir.

A.İbrahimov 1962-ci ildən 1980-ci ilədək fasiləsiz olaraq 18 il Azərbaycan SSR Ali Məhkəməsinin sədri vəzifəsində işləmiş, 1980–1991-ci illərdə Azərbaycan Respublikası Ali Soveti Rəyasət Heyətinin Hüquq Şöbəsinin müdiri olmuşdur. Təqaüdə çıxdıqdan sonra isə ali məktəblərdə pedaqoji fəaliyyətlə məşğul olmuşdur.

Abdulla Hacıbaba oğlu İbrahimov 2003-cü il iyulun 5-də 82 yaşında vəfat etmişdir.

İstinadlar

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.