ATV International

Azad Azerbaijan International — 2009-cu ildə fəaliyyətə başlayıb, 2013-cü ildə adı dəyişdirilərək CBC olan, Azərbaycanın ilk və yeganə beynəlxalq telekanalı.

ATV International
Loqonun şəkli
Ölkə Azərbaycan Azərbaycan
Yayım ərazisi Yer bayrağı (müxtəlif bölgələrdə)
Dil Azərbaycan dili
Rus dili
İngilis dili
Fars dili
Erməni dili
Baş qərargah Abbas Mirzə Şərifzadə küçəsi 10, Bakı, Azərbaycan
Yaranma tarixi 5 oktyabr 2009 (test yayımı)
29 dekabr 2009 (əsas yayım)
Bağlanma tarixi 10 aprel 2013
Sahibi Azad Azərbaycan Teleradio Yayım Şirkəti
Rəhbərlik Vüqar Qaradağlı
Şüar Azərbaycandan dünyaya
from Azerbaijan to the World
Qardaş kanallar Azad Azərbaycan
106 FM
106.3 FM
Sayt atv.az

Tarixçə

ATV International 2009-cu ilin oktyabr ayının 5-də "Hotbird 13" peykində test yayımına başladı. Həmin vaxt kanalın işçi heyətini formalaşdırmaq çətin olduğundan Azad Azərbaycan TV-də tez-tez bu kanalla əlaqədar iş elanı verilirdi. Test yayımı müddətində əsasən filmlər yayımlayırdı. 29 dekabr 2009-cu il tarixində əsas yayıma keçmişdir. Telekanalda xəbərlər 4 dildə - ingilis, rus, fars və erməni dillərində yayımlanırdı. Filmlər isə original dillərində nümayiş etdirilirdi. Sənədli filmlər əsasən, Ermənistanla informasiya müharibəsi ilə əlaqədar yayımlanırdı. Lakin kanalın gəlirlərinin olmaması, üstəlik populyarlığının az olması Azad Azərbaycan Teleradio Yayım Şirkətinin qənaət məqsədi ilə kanalı əlindən çıxarması fikrinə gətirib çıxartdı və bu məqsədlə 10 aprel 2013-cü il tarixində kanal SOCAR şirkətinin tabeliyinə verilmiş və kanalın adı dəyişdirilərək "CBC" (Caspian International Broadcasting Company) olmuşdur.[1][2][3]

ATV International "Televiziya Filmləri Studiyası"

"ATV International Televiziya Filmləri Studiyası" Azərbaycanda sənədli film istehsalçılarından biridir. Studiya Azad Azərbaycan Televiziyasının strukturuna daxil idi. Bədii və sənədli filmlərin istehsalı ilə məşğul olan "ATV International Televiziya Filmləri Studiyası" yarandığı gündən maraqlı filmlərin istehsalı ilə məşğul olub. Teleşirkətin ilk peşəkar telefilm studiyası 2011-ci ilin avqust ayında yaradılıb. Studiya Azad Azərbaycan TRYŞ-nın tarixində ilk sənədli televiziya filmlərinin çəkilişlərini həyata keçirmiş və bir il ərzində müxtəlif növdə 26 televiziya filmi istehsal etmişdir.

İstinadlar
  1. https://www.youtube.com/watch?v=3Wg5i_1Htv4
  2. "Arxivlənmiş surət". 2016-03-06 tarixində orijinalından arxivləşdirilib. İstifadə tarixi: 2015-09-20.
  3. "Arxivlənmiş surət". 2016-03-06 tarixində orijinalından arxivləşdirilib. İstifadə tarixi: 2015-09-20.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.