2020/2021 UEFA Millətlər Liqası

24 sentyabr 2019-cu il tarixində UEFA yarışın ikinci mövsümündə yeni işlənmiş bir formatdan istifadə olunacağını bildirdi. 55 milli komanda dörd diviziona bölündü. Hər biri 16 komandadan ibarət A, B və C dibizionları dörd millidən ibarət dörd qrupa bölündü. D divizionunda isə biri dörd , digəri üç komandadan ibarət olmaqla iki qrupa bölünən 7 komanda mübarizə aparacaq.

B,C və D liqalarında qrup qalibləri daha üst liqaya yüksəlmə hüququ qazanacaqlar. A divizionunun dörd qrup qalibi UEFA Millətlər Liqasının çempionu olmaq uğrunda mübarizə aparacaqlar. Yarımfinal cütlükləri açıq püşkatma yolu ilə müəyyənləşəcəkdir. A,B və C liqalarında qrup sonuncuları saha aşağı liqaya düşəcəklər. D divizionunda 2 qrup olduğundan C divizionunun 4 ən uğursuz komandası arasında keçiriləcək qarşılaşmalarla düşəcək 2 milli müəyyən ediləcəkdir.

Qrup oyunları bitdikdən sonra əgĕr iki və ya daha çox komanda eyni xala malikdirsə tutudqları yerləri müəyyənləşdirmək üçün əlavə kriteriyalardan istifadə olunur. Bunlardan ən əsasları aşağıdakılardır:

1. Baxılan komandalar arasında keçirilmiş oyunların nəticəsi;
2. Baxılan komandalarda vurulan və buraxılan qolların fərqi.
3. Baxılan komandalar arasında keçirilmiş oyunlarda vurulan qollar arasındakı fərq.
4. Baxılan komandalar arasında oynanan matçlarda səfərdə vurulan qol sayı;

Əgər yuxarıdakı kriteriyaların tətbiqindən sonra da bərabərlik pozulmursa digər göstəricilərin müqayisəsi aparılır.

2022-ci il Dünya çempionatının seçmə mərhələsində 10 qrup qalibi mundiala birbaşa çıxacaq. Qrup ikinciləri olan 10 milli və UEFA Millətlər liqasının qrup qaliblərindən ən yaxşı iki komanda DÇ 2022-ə vəsiqə qazanmaq uğrunda pley/off matçlarında iştirak edib Qətərə yollanacaq daha 3 komandanın adına aydınlıq gətirəcəklər.

Aşağıda 2020/21 UEFA Millətlər Liqasının təqvimi verilmişdir[1].