Əsgər Rəhimov

Əsgər Rəhimov — Azərbaycan teatr və kino aktyoru, Azərbaycanın əməkdar artisti (2012).

Əsgər Rəhimov
Əsgər Ağarəhim oğlu Rəhimov
Doğum tarixi
Vəfat tarixi (60 yaşında)
Vəfat yeri Bakı, Azərbaycan
Vətəndaşlığı
Fəaliyyəti Aktyor
Mükafatları "Azərbaycan Respublikasının əməkdar artisti" fəxri adı — 2012

Həyatı

Əsgər Rəhimov 27 noyabr 1956-cı ildə[1] Göyçay şəhərində anadan olub.1979-cu ildə Azərbaycan Dövlət İncəsənət İnstitutunun dram-kino aktyoru fakültəsində ali təhsil almışdır. 1978-1988-ci ilə qədər S.Vurğun adına Rus Dram teatrında, sonradan Bakı Kamera Teatrında aktyor vəzifəsində işləmiş, 2005-ci ildə yenidən S.Vurğun ad. Rus Dram teatrına qayıtmışdır.

Bu illər ərzində teatr səhnəsində bir çox rol oynamışdır. Onun yaratdığı Nikita (A.Arbuzov "Kobud oyunlar"), Oyunçu (R.İbrahimbəyov "Poxoronı v Kalifornii"), Lukin (M.Qorki "Varvarı"), Bayandur (İ.Əfəndiyev "Büllur sarayda"), Ralf (R.Baer "Qarışıq hisslər"), Kazım (N.Rəsulzadə "Nonsens"), Qraf Kent (U.Şekspir "Kral Lir"), Həkim (K.Hiqqins "Qarold və Mod") kimi obrazları aktyorun rəngarəng yaradıcılıq palitrasının nümunələrindəndir.

9 may 2012-ci il tarixdə Əməkdar artist fəxri adına layiq görülmüşdür.

Əsgər Rəhimov 21 mart 2017-ci ildə vəfat etmişdir.[2][3]

Filmoqrafiya
  1. Şahid qız (film, 1990)
  2. Qız qalası (film, 2000)
  3. Sirat körpüsü (film, 2007)
  4. Ci-Mi (film, 2008)
  5. Qala (film, 2008)
  6. Yalançılar (film, 2008)
  7. Cavad xan (film, 2009)
  8. Vəkil hanı? (film, 2011)
  9. Sirr (serial, 2012)
  10. Sübhün səfiri (film, 2012)
  11. Qanlı Yanvar (film, 2015)
  12. Zaman adlı qatar (film)

İstinadlar
  1. Lider TV. "Əməkdar artist son mənzilə yola salındı" (az.). Youtube.com. 22.03.2017. İstifadə tarixi: 2017-03-27.
  2. Trend. "Скончался заслуженный артист Азербайджана" (rus). Haqqin.az. 21.03.2017. 2021-08-03 tarixində arxivləşdirilib. İstifadə tarixi: 2017-03-21.
  3. İstipress. "Əsgər Rəhimovla vida mərasimi" (az.). Youtube.com. 22.03.2017. İstifadə tarixi: 2017-03-27.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.