Əjdahanın qayıdışı (film, 1972)

Tanq Lunq İtaliyanın paytaxtı Romada restoranda işləyən ailə dostlarının banda qrupu tərəfindəntəzyiq edildiyi xəbərini alır və onlara kömək etmək üçün bura yollanır. Romada onu Çen Çinq Hua qarşılayır. Tanq Lunq restoranın işçilərinin karate döyüş sənəti ilə məşğul olduqlarına fikir verir. Ardınca restorana banda qrupu gələrək, əyləşənləri buradan uzaqlaşdırır. Bossun köməkçisi olan Ho restoranın sahibi olan Vanq dayıdan restoranını tələb edirlər və gecəyə kimi bu barədə onlara cavab verməsini tələb edir. Gecə vaxtı banda qrupu onlara təzyiq edir. Bu zaman Tanq Lunq döyüşərək, onları məğlub edir.

Tanq Lunq onlara Çin döyüş sənətlərini göstərməyə başlayır. Bir müddət sonra Tanq Lunq və Çen Çinq Hua naməlum şəxsin onlara silah tuşladığını görür. Həmin şəxs onları Bossuna aparmalıdır. Lakin bu zaman Tanq Lunq onu məğlubiyyətə düçar edir və Bossuna göndərir. Bundan qəzəblənən Boss adamlarını restorana getməsini və onlara təzyiq etməsini tələb edir. Tanq Lunq banda qrupunu yenidən məğlub edir. Bir müddət sonra həmin naməlum şəxs Tanq Lunq və Çen Çinq Huaya müqavimət göstərir. Lakin yenidən məğlubiyyətə düçar olaraq, buranı tərk edir. Tanq Lunq Çen Çinq Huanın qaçırıldığını başa düşür.

Tanq Lunq və dostları Bossun evinə yollanırlar. Onlar Bossun adamlarını məğlub edərək, Çen Çinq Huanı geri götürürlər. Banda qrupu Tanq Lunqun qarşısında əlacsız vəziyyətdə qalır. Bu səbəbdən Boss Tanq Lunqu öldürmək üçün peşəkar idmançı olan Amerikalı Koltu bura dəvət edir. Bu müddətdə Tanq Lunqun Honkonqa geri dönməsi üçün ona məktub gəlir. Lakin Tanq Lunq işini başa çatdırmaq niyyətindədir. Bu zaman Bossun köməkçisi Ho onlarla sülh müqaviləsi bağlamaq üçün Bossundan məktub gətirir. Tanq Lunq, Vanq dayı, Toni, Cimmi və Tommi, Ho ilə birlikdə Bossun evinə yollanırlar. Lakin onlar Roma kolizeyinin ətrafına çatırlar. Bu zaman onlar Boss tərəfindən göndərilmiş iki nəfəri müşahidə edirlər və onlarla mübarizə aparmağa başlayırlar. Tanq Lunq onları məğlubiyyətə düçar edir və Ho-nu təqib etməyə başlayır. Lakin Vanq dayı Bossa işlədiyindən, dostlarını öldürür. Vanq dayı restoranı Bossa sataraq Honkonqa geri dönmək niyyətindədir.

Tanq Lunq Roma kolizeyinə çatır və Kolt adlı döyüşçünü müşahidə edir. Onlar mübarizə etməyə başlayırlar. Mübarizənin sonunda Tanq Lunq çətinliklə də olsa, qələbə qazanır. Lakin Kolt onunla sona qədər döyüşmək qərarına gəlir və Tanq Lunq onu öldürmək məcburiyyətində qalır. Tanq Lunq onun bədəni üzərinə hörmət əlaməti olaraq, onun köynəyi ilə örtür. Bir müddət sonra dostlarının qaldığı yerə gəlir və onların öldüyünü görür. Bu zaman Boss avtomobili ilə bura gələrək, Ho və Vanq dayını öldürür. Tanq Lunq ona qarşı müqavimət göstərən zaman Çen Çinq Hua və dostu Kuen polislərlə birlikdə bura çatırlar. Tanq Lunq, Çen Çinq Hua və Kuen öldürülmüş dostlarını müşahidə edirlər. Bir müddət sonra Tanq Lunq, Çen Çinq Hua və Kuen ilə vidalaşaraq, Honkonqa geri dönür.

• Əjdahanın qayıdışı — Internet Movie Database saytında.

• Complete filmography of Bruce Lee's career