Əhsən Dadaşov

Əhsən Dadaşov
Əhsən Dadaşov
Ümumi məlumatlar
Doğum tarixi	16 avqust 1924
Doğum yeri	Bakı, Bakı qəzası, Azərbaycan SSR
Vəfat tarixi	30 may 1976 (51 yaşında)
Vəfat yeri	Bakı, Azərbaycan SSR
Atası	Əliabbas Dadaşov; (ö. 1937)
Musiqiçi məlumatları
Fəaliyyəti	tarzən
Musiqi alətləri	tar, ud
Mükafatları

Əhsən Əliabbas oğlu Dadaşov (16 avqust 1924, Bakı – 30 may 1976, Bakı) — Azərbaycan tarzəni, Azərbaycan SSR əməkdar artisti (1959).

Həyatı

Əhsən Dadaşov 1924-cü il avqustun 16-da Bakı şəhərində dünyaya göz açmışdır. Bakıdakı 22 saylı orta məktəbdə təhsil alıb.

1938-ci ildə 1 saylı Azərbaycan Dövlət musiqi texnikumunun (indiki Bakı Musiqi Kolleci) tar sinfinə qəbul olub. Burada Səid Rüstəmov, Mənsur Mənsurov, Ənvər Mənsurovdan dərs alıb. Atası Əliabbas Dadaşov 1937-ci ildə repressiya edilib.

1940-cı ildə S.Rüstəmovun rəhbərlik etdiyi xalq çalğı alətləri orkestrinə qəbul edilib.

Əhsən Dadaşov tar ifaçılığı sənətində muğam üzrə müəllimləri olmuş Mirzə Mənsur Mənsurov, Ənvər Mənsurovdan klassik muğam ifaçılıqlarının xüsusiyyətlərini dərindən mənimsəyərək onu inkişaf etdirmişdir.

Məlumdur ki, Zərif Qayibovdan sonra "Şur" muğamının ən gözəl ifaçılarından biri onun sevimli tələbəsi, mərhum Əhsən Dadaşov olmuşdur

Onun lentə yazdırdığı "Rast", "Orta Mahur", "Şur", "Zabul-Segah", "Hümayun", "Vilayəti-Dilkeş", "Çahargah", "Bayatı-Şiraz" və s. muğamları Azərbaycan radio verilişləri şirkətinin qızıl fondunu təşkil edir.[1][2]

AzTRV QSC nəznində 1960 cı ildə xalq çalğı alətləri ansamblı yaratmış və ömrünün sonuna kimi bu ansamblın bədii rəhbəri olmuşdur. Hazırda "Xatirə" xalq çalğı alətləri ansamblı (bədii rəhbəri Adil Bağırov) Əhsən Dadaşovun adını daşıyır. Əhsən Dadaşov bir çox tarzənlərin sənət müəllimi olmuşdur[3].

Azərbaycan respublikasının əməkdar və xalq artisti, aparıcı Murad Dadaşov və "KOKON" yaradıcılıq birliyinin rəhbəri Fərid Dadaşovun atasının əmisidir.

Filmoqrafiya

Əhsən Dadaşov (film, 2005)

İstinadlar

"Muğam Radio — Əhsən Dadaşov". 2011-10-02 tarixində orijinalından arxivləşdirilib. İstifadə tarixi: 2011-12-29.
"Afət Novruzov. İfaçılarımızın portretləri… Əhsən Dadaşov. "Musiqi dünyası" jurnalı". 2020-09-21 tarixində arxivləşdirilib. İstifadə tarixi: 2011-11-09.
"Muğam Ensiklopediyası — Əhsən Dadaşov adına "Xatirə" xalq çalğı alətləri ansamblı". 2020-09-20 tarixində arxivləşdirilib. İstifadə tarixi: 2013-05-09.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] "Muğam Radio — Əhsən Dadaşov". 2011-10-02 tarixində orijinalından arxivləşdirilib. İstifadə tarixi: 2011-12-29.

[2] "Afət Novruzov. İfaçılarımızın portretləri… Əhsən Dadaşov. "Musiqi dünyası" jurnalı". 2020-09-21 tarixində arxivləşdirilib. İstifadə tarixi: 2011-11-09.

[3] "Muğam Ensiklopediyası — Əhsən Dadaşov adına "Xatirə" xalq çalğı alətləri ansamblı". 2020-09-20 tarixində arxivləşdirilib. İstifadə tarixi: 2013-05-09.