Əbdüssəməd Mirzə Salur
Əbdüssəməd mirzə Məhəmməd şah oğlu Salur (1843, Tehran – 1929, Tehran) — Qacar şahzadəsi, əyalət valisi.
| Əbdüssəməd mirzə Salur | |
|---|---|
| Əbdüssəməd mirzə Məhəmməd şah oğlu Qovanlı-Qacar | |
 | |
| Doğum tarixi | |
| Doğum yeri | Tehran, İran |
| Vəfat tarixi | |
| Vəfat yeri | Tehran, İran |
| Atası | Məhəmməd şah Qacar |
| Milliyyəti | türk |
 Vikianbarda əlaqəli mediafayllar | |
Həyatı
Məhəmməd şahın onbirinci oğlu Əbdüssəməd mirzə 1843-cü ildə Tehran şəhərində anadan olmuşdu. Anası Oğulbikə xanımdır. Mükəmməl saray təhsili almışdı. İngilis və fransız dillərini bilirdi. Əzddövlə ləqəbi daşıyırdı.
Əbdüssəməd mirzə 1874-cü ildən 1876-cı ilə qədər Həmədanın valisi olmuşdu. Dəfələrlə İranın ədliyyə və ticarət vəziri vəzifəsini həyata keçirmişdi. 1881-ci ildə Rusiyanın çarı III Aleksandrın tacgüzarlığında iştirak etmək üçün gedən heyətə başçılıq etmişdi. 1901-ci ildə Zəncan əyalətinin valisi olmuşdu.
Əbdüsəməd mirzə 1929-cu ildə vəfat edib.
Ailəsi
Əbdüssəməd mirzənin törəmələri Salur soyadını daşıyırdılar. Əbdüssəməd mirzə Əliqulu mirzə Etizadəssəltənənin qızı Tacmah xanımla ailə qurmuşdu. Hüseynqulu mirzə, Qəhrəman mirzə, Firudin mirzə adlı oğulları vardı.
Mənbə
- Ənvər Çingizoğlu. Qacarlar və Qacar kəndi. Bakı: Şuşa, 2008, 334 səh.
Xarici keçidlər
- Genealogy of Saloor family
- Maryam Saloor, Iranian Potter, Ceramist and Sculptor, descendant of Ezz ed-Dowleh
- Nader Ardalan, Iranian architect, descendant of Ezz ed-Dowleh