Şoker (film, 1989)

Şoker (ing. Shocker) — 1989-cu ildə çəkilən ABŞ filmlərindən biridir. Filmin B filmləri (az büdcəli) siyahısına daxil olmasına baxmayaraq böyük gəlir əldə etmişdir. Filmin rejissoru və ssenaristi məşhur ABŞ rejissoru Ues Kreyvendir.[2][3] Filmin digər adı "Ues Kreyvenin Şokeri" kimi səslənir. Filmin distribütori Universal Pictures kinokompaniyasıdır.

Şoker
ing. Rush Hour
"Şoker" filminin afişası
"Şoker" filminin afişası
Janr Elmi fantastika
Əsas mövzu seriyalı qatil, fövqəltəbiilik, ölüm cəzası
Rejissor Ues Kreyven
Prodüserlər Uorren Çedvik
Ues Kreyven
Bob Encelmen
Piter Foster
Şep Qordon
Barin Kumar
Marian Maddalena
Ssenari müəllifi Ues Kreyven
Baş rollarda Piter Berq
Miç Pileci
Maykl Mörfi
Sem Skarber
Riçard Bruks
Kamill Kuper
Ted Reymi
Con Teş
Cessika Kreyven
Emili Samuel
Keyt Antoni-Lubou-Bellami
İstehsalçılar Alive Films
Carolco International
Distribütor Universal Pictures, Netflix
İlk baxış tarixi 27 oktyabr 1989
Filmin növü Qara komediya
Müddət 109 dəqiqə
Büdcə $5 milyon
Gəlir $16 554 699[1]
Ölkələr ABŞ ABŞ
Dil İngilis dili
İl 1989
Rəng rəngli
Çəkiliş yeri Los-Anceles
IMDb ID0098320

Məzmun

ABŞ, Los-Anceles. Cavan futbolçu Conatan Parker Amerikan futbolunda aldığı beyin zədəsindən sonra gecələr qəribə yuxular görməyə başlayır. Conatan yuxuda Horas Pinker adlı manyakın özgə bir ailəni necə öldürdüyünü görür. O, polislərin diqqətini cəlb edir və polislər ilə manyakın axtarışına başlayır. Lakin bir müddət keçdikdən sonra manyakın hədəfi Conatanın ailəsi olur. İlk hədəfi isə Conatanın nişanlısı olur. Horas Conatanın nişanlısını ad günündə öldürür. Nişanlısı dəfn edildikdən sonra Conatan yuxularında nişanlısının ruhunu görür. Conatan Horasdan intiqam almaq niyyətindədir. Bu hadisədən sonra Conatan və atası Don Parker manyakın izinə düşürlər. Lakin nə Conatan, nə də atası Don başa düşürlər ki, manyak Horası tutmaq elə də asan olmayacaq. Nəhayət, Horas elektrik stuluna məhkum etdildikdən sonra ölür. Lakin elektrik stuluna məhkum edilməmişdən əvvəl elə edir ki, öldükdən sonra onun ruhu daima yaşasın.

Öldükdən sonra Horasın ruhu yanında dayanan qızın içinə girir. Bundan heç kəs xəbər tutmur. Onu maşında apararkən, qəflətən detektivlərə hücum edir. Bu zaman qəza baş verir. Qəzada detektivlərin hər ikisi ölür. Lakin Horas ruh olduğuna görə ona heç nə olmur. Horas bunun ardınca maşındakı detektivlərdən birinin içinə girərək, Conatanın evinə gəlir. Detektivin içindəki Horas Conatanı səsləməyə başlayır. Conatan isə televizorda onu səsləyən detektivin ölüm xəbərini eşidir. Conatan qaçmağa başlayır. Bu zaman onu Horas təqib etməyə başlayır. Horas Conatanın yaxın qaradərili dostunu öldürür. Hətta onun atasının belə bədəninə daxil olur. Lakin Conatan atasını onun ruhundan xilas etməyi bacarır. Bu hadisədə baş verdikdən sonra Conatan yoldaşları ilə Horası təqib etməyə başlayır. Sonda Conatan onunla üz-üzə gəlir. Horas onunla televiziya kanallarında vuruşmağa başlayır. Conatan televizordan çıxdıqdan sonra onu televizorun içində saxlayır və elektriki söndürür. Horasın ruhu televizorun içində qalaraq ölür. Beləcə, Conatan öz nişanlısının intiqamını almış olur.

Rollarda
Aktyor/aktrisaRolQeydlər
Piter BerqConatan Parker
Miç PileciHoras Pinker
Maykl MörfiLeytenant Don ParkerConatanın atası
Kamill KuperElisonConatanın nişanlısı
Brent SpaynerTok-Şouda qonaqtitrdə göstərilməyib
Sem SkarberKuper
Riçard BruksRino
Ted ReymiPak-Men
Con TeşTV diktoru
Cessika KreyvenHorasın qurbanı kimi
Conatan KreyvenCoger
Ues Kreyvenqonşulardan biri
Holli Kaplanqonşulardan biri
Brüs VaqnerQətlkar
Emili SemuelSalli
Keyt Antoni-Lubou-BellamiFutbol oyunçusu
Hezer LencenkempViktim
Virciniya MorrisDayana
Conatan ParkerQaçan adam

Saundtrek

Maraqlı faktlar
  • "Şoker" filmi 10 aya çəkilmişdir.
  • Conatan Parker ikinci gördüyü yuxusunda "Mariann" və "Vaqner" küçələrini görür. Mariann bu filmin prodüseridir, Vaqner isə aktyordur.
  • Ues Kreyvenin ilk nikahından olan övladları Conatan və Cessika Kreyven epizodik rollarda çıxış etmişlər.

İstinadlar
  1. "Shocker". boxofficemojo.com. 2019-02-07 tarixində arxivləşdirilib. İstifadə tarixi: 2011-04-13.
  2. "Shocker (DVD)". dvdempire.com. 2012-09-28 tarixində arxivləşdirilib. İstifadə tarixi: 2011-04-13.
  3. "People Under The Stairs, The / Shocker (Double Feature)". dvdempire.com. 2012-09-28 tarixində arxivləşdirilib. İstifadə tarixi: 2011-04-13.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.