Şiyəkəran

Şiyəkəran — Azərbaycan Respublikasının Astara rayonunun Şiyəkəran kənd inzibati ərazi dairəsində kənd.

Şiyəkəran
38°35′ şm. e. 48°52′ ş. u.
Ölkə  Azərbaycan
Rayon Astara rayonu
Tarixi və coğrafiyası
Saat qurşağı
Əhalisi
Əhalisi
  • 4.789 nəf.
Şiyəkəran xəritədə
Şiyəkəran
Şiyəkəran

Kəndin ərazisi 1300 hektar, əhalisinin sayı 5000 nəfərdən çoxdur.[mənbə göstərin]

Şiyəkəran kəndi 8 kəndlə həmsərhəddir. Bunlara Şahağacı, Kokolos, Kolatan, Pensər, Kələdəhnə qəsəbəsi, Maşxan və Təngərüd kəndləri daxildir.

Kənddə 2 tam orta məktəb fəaliyyət göstərir.

Bunlar Şiyəkəran kənd O. Yəhyayev adına 2 saylı tam orta məktəb və Şiyəkəran kənd N. Gəncəvi adına 1 saylı tam orta məktəblərdir.

Əlavə olaraq kənddə mədəniyyət evi, poçt şöbəsi, kitabxana və başqa tikililər vardır.

Əhalinin əsas məşğuliyyəti əkinçilik və maldarlıqdır.

Əsasən kənd çəltikçiliklə məşhurdur. Ətirli Astara düyüsü yüzilliklər ərzində yerli əhalinin ən qiymətli ərzaq məhsulu olub. "Sədri", "Ənbərbu", "Haşimi" və digər çəltik növlərindən hasil olan düyü məhsulları öz ətri, dadı və bərəkəti ilə seçilib.

Rayonda çəltikçilik əsasən Şiyəkəran, Artupa, Suparibağ, Ərçivan, Səncərədi, Pensər, Kakalos və digər kəndlərdə inkişaf etdirilir.

Çəltikçiliyin inkişafı ilə bağlı Kənd Təsərrüfatı Nazirliyinin köməkliyi ilə rayona müvafiq texnika və digər avadanlıqlar gətirilir. Xüsusən çəltik toxumunun səpin üsulu ilə əkilməsi üçün yerlərin hazırlanmasına diqqət artırılıb.

Ekoloji cəhətdən təmiz və keyfiyyətli olduğu üçün yerli düyüyə tələbat böyükdür.

Etimologiyası

Şiyə komponenti dini təriqəti bildirir, kəran isə talışca "kənd", "evlər" deməkdir. Şiyəkəran kəndi "Şiələr məskunlaşan kənd" mənasındadır.[1]

Şiyəkəran kəndinin qədim adlarından biridə "Pütəsər"dir, mənası naxışlı başlar və yaxud qızıl başlar kimi anlaşılmaqdadır.

Tanınmış şəxslər
  • Elnur Rüstəmov — psixoloq.
  • Nanə Ağamalıyeva (1980–) — Azərbaycanlı aparıcı.
  • Mehman Qaraxanoğlu — Azərbaycanlı alim.

Şəhidləri
  • Oqtay Yəhyayev (1971–1992)
  • Ayaz Əsədov (1973–1993)
  • Nəhmət Bağırov (1953–1993)
  • Vüqar Rzaquliyev (1974–1994)
  • Rahim Əliyev (1978–1998)
  • Fədayət Hüseynov (1976–1999)
  • Şəhriyar Əliyev (1997–2023)

İstinadlar
  1. Akademik Budaq Budaqovun Şəxsi Veb Portalı Arxivləşdirilib 2016-04-14 at the Wayback Machine-Azərbaycanın Lənkəran regionu Toponimlərinin İzahlı Lüğəti Kitabı
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.