Şirin Hanter

Pəhləvi sülaləsinin hakimiyyəti dövründə, 1965-ci ildən 1979-cu ilə qədər Şirin İran XİN-də diplomat kimi fəaliyyət göstərmişdir. 1983-cü ildən 2005-ci ilə kimi Vaşinqtonda yerləşən Strateji və Beynəlxalq Araşdırmalar Mərkəzində çalışmış, İslam Proqramının direktoru, Orta Şərq Proqramının direktor müavini (1983-2002) olmuşdur. Həmçinin o, Corc Mason Universitetində və Vaşinqton Kollecində dərslər vermişdir. O, Carnegie Korperasiyasının akademik araşdırmaçısı olmuşdur.[3]

1993-cü ildən 1997-ci ilə qədər Şirin Brüsseldə yerləşən Avropa Siyasət Araşdırmaları Mərkəzində qonaq araşdırmaçı olmuş və Aralıq Dənizi Proqramını icra etmişdir. Bundan başqa o, Brookings İnistitutunda qonaq müəllim kimi, Harvard Universitetinin Beynəlxalq Araşdırmalar Mərkəzində araşdırmaçı kimi çalışmışdır.[3]

O, fəaliyyəti boyunca 16 kitab və monoqrafiya yazmış, 12 kitabın nəşrinə yardım etmişdir. Bundan başqa, o, 100-dən çox kitabın fəslinin və jurnal məqaləsinin müəllifidir. ABŞ-də və Orta Şərqin müxtəlif mərkəzlərində mühazirələr oxumuşdur.[3]

Hunter postsovet Azərbaycan Respublikasında kimlik məsələsi ilə bağlı ilk məqalələrdən birinin müəllifi kimi tanınır..[4] O, həmçinin Azərbaycanın siyasi elitası və onların pantürkist irredentist çıxışları barədə araşdırmalar aparmış, yeni respublikanın Cənubi Azərbaycan məsələsinə yanaşmasına toxunmuşdur.[4] Onun araşdırması həmçinin Azərbaycanın paytaxtı Bakıdakı hakim quruluşun İran və onun azəri elitasının Azərbaycan Respublikasına qarşı mümkün irredentist əks iddiasından necə narahat olduğunu, etnik irrdentist bumeranq effekti meydana çıxaracağından çəkindiklərini vurğulayır. Şirinə görə, Azərbaycan Respublikasının cənub hissəsində iranpərəst qrupların mövcudluğu bu qorxunun nə vaxtsa real ola biləcəyi fikrini legitimləşdirir.[4]

1945-ci ildə Təbriz şəhərində İran azərbaycanlısı olan ailədə dünyaya gəlmişdir.[4] O, Klinton hakimiyyəti zamanı ABŞ-nin NATO-da səfiri olan Robert E. Hunter ilə evlidir.[5]

• Iran Divided: Historic Roots of Iranian Debates in Identity, Culture and Governance in the 21st Century, Rowman & Littlefield, 2014.
• Iran's Foreign Policy in the Post-Soviet Era, Resisting the New International Order, Praeger Publishing, 2010.
• Reformist Voices of Islam : Mediating Islam and Modernity (editor and contributor), M.E. Sharpe, 2008.
• Islam and Human Rights: Advancing a US-Muslim Dialogue (co-editor), CSIS Press, 2005.
• Modernization, Democracy, and Islam (co-editor and contributor), Praeger, 2005.
• Islam in Russia: The Politics of Identity and Security, M.E. Sharpe, 2004.
• Strategic Developments in Eurasia After September 11 (editor), Frank Cass, 2003.
• Islam: Europe's Second Religion (editor and contributor), Praeger, 2002.
• The Future of Islam-West Relations: Clash of Civilizations or Peaceful Coexistence?, CSIS/Praeger, 1998.
• Central Asia Since Independence, CSIS/Westview Press, 1996.
• The Transcaucasus in Transition: Nation-Building and Conflict, CSIS/Praeger, 1994.
• Iran After Khomeini, Praeger, 1992.
• Iran and the World: Continuity in a Revolutionary Decade, Indiana University Press, 1990.
• The Politics of Islamic Revivalism: Diversity and Unity (editor and contributor), Indiana University Press, 1988.
• U.S. and the Middle East: Emerging Economic and Political Trends (editor), Westview Press, 1985.
• OPEC and the Third World: The Politics of Aid, Croom Helm Ltd. and Indiana University Press, 1984.