İxlas məscidi

İxlas məscidi 1997-ci ildə, köhnə "Luç" kinoteatrının sahibliyi Ufa şəhəri, Kirov rayonu müsəlman dini təşkilatına köçürüldüyü zaman yaradılmışdır. Bina yenidən qurulmuş və 6 iyul 2001 tarixində məscid olaraq təntənəli şəkildə açılmışdır. Məscidin başçısı, açılmasında əhəmiyyətli bir rol oynayan imam-xətib Qəlliyamov Məhəmməd Mustafoviçdir. Hal-hazırda məscidin əsas binasını yenidən qurmaq üçün işlər aparılır. Məsciddə iki dənə 40 metrlik minarələr tikirilir. İslami kitabxananın açılışı üçün 6,000 kitab hazırlanır. Bu kitabların hazırlanmasında böyük rol oynayan "İxlas" nəşriyyat evi 2004-cü ildən etibarən fəaliyyət göstərir və indiyə kimi çoxlu dini kitablar çap etmişdir. 2009-cu ildə, İlxas məscidi altında dini, Başqırd ve Tatar mahnıları oxuyan İlahilər yaradıcı qrubu fəaliyyətə başlamışdır.[1][2]

Hal-hazırdı məscid Almalık yaşayış məntəqəsinin 1-ci və 2-ci mikrorayonlarında 4 binalı kompleksdir. Əsas binanın əsas girişinin qarşısında islamı simvolikləşdirən aypara və beşguşəli ulduz abidəsi mövcuddur. "İxlas" Birliyi öz nəşriyyatına və televiziya studiyasına malikdir. Məsciddə, mədrəsə, islamın əsasları kursları, Qurani-Kərim və ərəb əlifbası dərsləri fəaliyyət göstərir. Məsciddə, uşaqlar və yetkinlər təlim görür. 19 avqust 2012 tarixindən etibarən məscidin veb-saytında xidmətlərin yayımlanmasına dair onlayn yayım təşkil edilmişdir. İxlas yalnız mənəvi deyil, eyni zamanda mədəni mərkəzdir. Məsciddə müntəzəm olaraq Rusiya və xarici dini xadimlər və islam alimləri, müxtəlif elmi və praktik konfranslar, mədəniyyət, incəsənət və elm nümayəndələri tərəfindən təqdimatlar təqdim olunur. İxlas məscidi, Səudiyyə Ərəbistanına illik həcc səyahətləri təşkil edir.[1][2]

• Lalə-Tulpan
• Həmzə-hacı məscidi
• Uçalı məscidi

• ihlasufa.ru — İxlas məscidinin rəsmi saytı