İrakli Kvirikadze

İrakli Mixayloviç Kvirikadze (gürc. ირაკლი მიხეილის ძე კვირიკაძე; 12 iyul 1939[1][2], Batumi[2]) — Sovet və gürcü kinorejissoru, ssenaristi, yazıçısı, müəllimi. Gürcüstan SSR əməkdar artisti (1983).

İrakli Mixayloviç Kvirikadze
gürc. ირაკლი მიხეილის ძე კვირიკაძე
Doğum tarixi 12 iyul 1939(1939-07-12)[1][2] (84 yaş)
Doğum yeri
Milliyyəti gürcü
Vətəndaşlığı SSRİ SSRİ
Gürcüstan
Həyat yoldaşı
Fəaliyyəti kinorejissor, ssenarist, film prodüseri, rejissor, yazıçı, montajçı[d]
Təhsili
IMDb ID0476993
Vikianbarın loqosu Vikianbarda əlaqəli mediafayllar

Həyatı

İrakli Kvirikadze 1939-cu il iyulun 12-də Batumidə anadan olub. 1964-cü ildə Tbilisi Dövlət Universitetinin jurnalistika fakültəsini bitirib. Kvirikadze 1968-ci ildə isə Sergey Gerasimov adına Ümumrusiya Dövlət Kinematoqrafiya İnstitutunda rejissorluq fakültəsindən (Qriqori Çuxrayın emalatxanası) məzun olub. 1971-ci ildə bədii filmə rejissorluq diplomunu müdafiə edib. "Gürcüstan-film" studiyası paralel olaraq "Gürcüstan gəncləri" qəzetinin redaksiyasında işləyib. 1969–1974-cü illərdə — "Telefilm" (Tbilisi) yaradıcılıq birliyinin direktoru kimi çalışıb. İrakli Kvirikadze burada bir neçə sənədli film çəkmişdir. O, 1974-cü ildən — "Gürcüstan-film" kinostudiyasının direktoru təyin olunub.

1970-ci ildə Rezo Qabriadzenin ssenari müəllifi olduğu ən məşhur əsərlərindən birini "Küp" filmini çəkib. İrakli Kvirikadze "Telefilm" (Tbilisi) televiziyasında "Həlledici addım", "Pamir dağlarında", "Zazdravnaya" sənədli filmlərini çəkib.

O, rejissorluqla yanaşı ssenari müəllifi kimi də çalışıb. Kvirikadze "Robinsonada, ya da mənim ingilis babam" (1987), "Abrasion" (1988), "Cəhənnəm və ya başqası" (1988), "Lima" (1994, həmmüəllif), "Aşiq kulinariya üçün min bir resept" (1996) filmlərinin ssenari müəllifi və ya həmmüəllifidir. "P" Nəsili (2011) filminin titirlərində də onun ("iştirakı ilə") adına rast gəlinir.

İrakli Kvirikadze "Səlibçi" filminin montaj rejissorudur (1995).

1991–1995-ci illərdə İrakli Kvirikadze Sergey Gerasimov adına Ümumrusiya Dövlət Kinematoqrafiya İnstitutunda rejissor emalatxanasına rəhbərlik etmişdir. Son illərdə isə o, Los-Ancelesdə yaşayır. O, həmçinin ABŞ, Fransa, Almaniya, Gürcüstan və Rusiyada işləyir. Hazırda o, Ssenaristlər və Rejissorlar üçün Ali Kursların müəllimidir (Moskva), bədii filmlərin rejissorluğu emalatxanasına (Andrey Dobrovolski ilə) və Müasir İncəsənət İnstitutunda (Moskva) belə emalatxanaya rəhbərlik edir.[3]

İrakli Kvirikadze "Eyzenşteyn mükafatı" müsabiqəsinin laureatıdır (1993 — "Uilyam Şekspirin öldürülməsi" ssenarisi).

15 aprel 2020-ci ildə İraki Kvirikadzenin həyat yoldağı Tom Stanko "Facebook"da rejissorun koronavirusla mübarizə apardığını və bundan əlavə, diabet və ürək problemləri olduğunu yazmışdı. Lakin aprelin 20-də Kvirikadze özü COVID-19-a qalib gəldiyini və xəstəxanadan buraxıldığını elan etdi.[4].

İraki Kvirikadze yaradıcılığı ərzində rejissor kimi 14 bədii film çəkmiş, 17 filmə ssenari yazmış, aktyor kimi bir filmdə çəkilmişdir.

Ailəsi
  • Birinci həyat yoldaşı (1974-cü ildən 2010-ci ilə qədər?) — kinorejissor Nana Corcadze (1948-ci il təvəllüdlü) Tbilisi Dövlət Teatr İnstitutunun kinorejissorluq fakültəsinin Kvirikadzenin tələbəsi olub.[5].
    • Evlilikdə Mixail və Buba adlı oğulları dünyaya gəlib.[6]
  • İkinci həyat yoldaşı — Toma Stenko (1980-ci il təvəllüdlü), kinorejissor, Kvirikadzenin Ssenaristlər və Rejissorlar üçün Ali Kurslarında tələbəsi olub.[7][8]
    • Oğlu — İrakli.[8]

Kitabları
  • 2006 — "Sevimli kulinariya mütəxəssisi üçün 1000 və 1 resept" (2006), Moskva: Olma Media Group
  • 2007 — "Peçorin və başqaları", M .: Olma Media Qrupu
  • 2010 — Üzgüçü, M .: RIPOL klassik
  • 2016 — "Vəhşi ördəyi izləyən oğlan", M .: AST

İstinadlar
  1. Iraklij Kvirikadze // filmportal.de. 2005.
  2. Catalog of the German National Library (alm.).
  3. "Мастерские 2013—2015". Официальный сайт ВКСР. 2015-07-12 tarixində arxivləşdirilib. İstifadə tarixi: 2015-04-23.
  4. ""Я был в кошмаре" - как кинорежиссер Ираклий Квирикадзе победил коронавирус". ru:Sputnik Грузия. 2020-04-20. 2020-05-01 tarixində arxivləşdirilib. İstifadə tarixi: 2021-10-28.
  5. "Больше, чем любовь. Нана Джорджадзе и Ираклий Квирикадзе". Культура. 2010. 2019-09-07 tarixində arxivləşdirilib. İstifadə tarixi: 2021-10-28.
  6. Квирикадзе И. М. 1000 и 1 рецепт влюбленного кулинара. М.: ОЛМА Медиа Групп. 2006. 128. ISBN 5-373-00287-9.
  7. "Любовное приключение Никиты Михалкова". ru:7 дней. 2015-08-12. 2017-09-19 tarixində arxivləşdirilib. İstifadə tarixi: 2017-09-20.
  8. Ираклий Квирикадзе. "Кто изобрёл глобус, или Ночная серенада, пропетая безголосым влюблённым". Журнал STORY. 2021-10-28 tarixində arxivləşdirilib. İstifadə tarixi: 2021-10-28.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.