İrəvan FK

İrəvan Futbol Klubu və ya qısaca İrəvan — Bakı şəhərini təmsil edən Azərbaycan futbol klubu. 2019-cu ildə yaranan klub Azərbaycan Birinci Liqasında çıxış edir.

İrəvan FK
Klubun tam adı İrəvan Futbol Kubu
Ölkə Azərbaycan
Kodu İFK
Rəng(lər) Qırmızı-Ağ
Yaranma tarixi 2019[1][2][3][4]
Stadionu ASK Arena
Tutumu 8.125
Prezidenti Zahid Niyazəliyev
Baş məşqçisi
Liqa Azərbaycan Birinci Liqası 2023/2024

Tarixi

2019-cu ildə yaranan klub[5] ilk illərdə Azərbaycan Region Liqasında Paytaxt və Şimal qrupunda mübarizəyə qoşuldu. Bu klubun yaradılmasında Qərbi Azərbaycan İcması və bir qrup iş adamı yaxından dəstək göstərdi. Bakıda məskunlaşmağına baxmayaraq, klubun əsas auditoriya hədəfi 1980-ci illərin sonunda Ermənistandan köçürülən Ermənistan azərbaycanlılarıdir. Klub həvəskar fəaliyyəti dövründə öz ev oyunlarını Abşeron Olimpiya İdman Kompleksi[6] və Şağan Olimpiya İdman Kompleksində[7] keçirsə də, peşəkar klub kimi öz rəqiblərini hazırda ASK Arenada qəbul edir.

Mövsümlər

Klub 2021/2022-ci il mövsümündən etibarən Azərbaycan Region Liqasında mübarizəyə başlamışdır. Həmin mövsüm Paytaxt Zonası B qrupunda mübarizə aparan klub Şahdağ Qusar FK, Cəbrayıl FK və Bakının Davam FK klubları ilə oyunlarda zəif nəticə göstərərək sonuncu pillədə qərarlaşmışdır.

Azərbaycan Region Liqası 2022/2023 mövsümündə yenidən Paytaxt zonası B qrupunda oynamış, yekunda 3 qələbə və 9 məğlubiyyətlə pley-off mərhələsində qrupu 7 komanda arasında 5-ci bitirmişdir.

Azərbaycan I Liqası 2023/2024 -cü illər mövsümündə 10 komandanın iştirakı ilə keçirilir və “İrəvan” FK bu komandalar arasında mübarizə aparır

İdarə heyəti
  • Prezidenti - Zahid Niyazəliyev
  • İdarə Heyyətinin sədri və 1-ci vitse-prezident - Zülfüqar Kazımov
  • Vitse-prezident - Oqtay Camalov
  • Mətbuat katibi - Mübariz Süleymanlı
  • İdarə Heyyətinin üzvləri - Canbaxış Hüseynov,Həsən Həsənov, Namiq Ramazanov
  • Lisenziyalaşdırma və FSM üzrə Menecer- Elsevər İsayev

İstinadlar
  1. https://www.sportinfo.az/idman_xeberleri/azerbaycan_futbolu/68827.html
  2. https://yenisabah.az/azerbaycanda-irevan-adinda-futbol-klubu-yaradildi
  3. "Arxivlənmiş surət". 2021-04-13 tarixində arxivləşdirilib. İstifadə tarixi: 2023-05-22.
  4. "Arxivlənmiş surət". 2019-08-21 tarixində arxivləşdirilib. İstifadə tarixi: 2023-05-22.
  5. https://www.sportinfo.az/idman_xeberleri/azerbaycan_futbolu/68827.html
  6. "Arxivlənmiş surət". 2019-09-28 tarixində arxivləşdirilib. İstifadə tarixi: 2023-09-17.
  7. https://www.facebook.com/IrevanFK/posts/364602722151413/?locale=hi_IN
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.