İnformasiya Texnologiyaları və Kommunikasiya Qurumu (Türkiyə)

İnformasiya Texnologiyaları və Kommunikasiya Qurumu (İTKQ; türk. Bilgi Teknolojileri ve İletişim Kurumu, qısaca BTK) — Türkiyənin milli telekommunikasiya tənzimləmə və təftiş orqanı. Əvvəllər Telekommunikasiya Qurumu (Telekomünikasyon Kurumu) kimi tanınırdı.

İnformasiya Texnologiyaları və Kommunikasiya Qurumu
Bilgi Teknolojileri ve İletişim Kurumu[1]
Ümumi məlumatlar
Yaradılma tarixi 2000
Ştat sayı
  • 640 nəf.
Rəsmi saytı btk.gov.tr

Radio və televiziya yayımları başqa bir dövlət qurumu olan RTÜK-ə tabedir.

Tarixi

Telekommunikasiya orqanı 29 yanvar 2000-ci il tarixli 4502 saylı qanuna əsasən təsis edilmişdir. Bu qanun, digərləri ilə yanaşı, Nəqliyyat Nazirliyinin öhdəliklərinə toxunmuş və "Türkiyədə ilk sektora xüsusi tənzimləyici kimi müstəqil telekommunikasiya tənzimləyici orqanı olan Telekommunikasiya Qurumunu yaratmaqla hökumətin siyasət və tənzimləmə funksiyalarını ayırmışdır. Nəticədə, Nəqliyyat Nazirliyinin tənzimləyici funksiyaları prinsip etibarı ilə quruma verilmiş və simsiz rabitə haqqında qanuna (2813 saylı qanun, 7 aprel 1983-cü il) əsasən radiotezliklərin idarə edilməsinə cavabdeh olan dövlət orqanı olan Radiorabitə Baş İdarəsi ləğv edilmiş və onun bütün funksiyaları Telekommunikasiya Qurumuna verilmişdir".[2]

5 noyabr 2008-ci ildə Türkiyənin qanunverici orqanı adətən Elektron Kommunikasiya Qanunu (EKQ) kimi tanınan 5809 saylı qanunu qəbul etmişdir. Bu qanunun məqsədi qısaca olaraq "qanunvericilikdəki səliqəsizliyi aradan qaldırmaq, sektorda rəqabət yaratmaq, operatorlar üçün qeyri-müəyyənliyi azaltmaq və elmi-tədqiqat işlərinə resurslar ayırmaq" kimi təsvir edilmişdir.[3]

Təşkili

EKQ-ə əsasən, İTKQ-nin strukturu 4 vitse-prezident, 17 departament, 5 ofis, 1 hüquq konsaltinq ofisi və 5 departamentli Telekommunikasiya Kommunikasiya Rəhbərliyindən ibarətdir.[3][4]

İstinadlar
  1. https://web.archive.org/web/20230815060630/https://uye.ankos.org.tr/uyeler/.
  2. Yamada, Takashi. OECD Reviews of Regulatory Reform in Turkey-Regulatory Reform in the Telecommunications Industry (PDF). Organization for Economic Co-operation and Development -OECD-. 2002. səh. 9. 2022-01-20 tarixində arxivləşdirilib (PDF). İstifadə tarixi: 2023-02-08.
  3. ICTA. "About the Establishment". ICTA. 21 February 2014 tarixində arxivləşdirilib. İstifadə tarixi: 22 March 2014.
  4. ICTA. "Organisation Chart". ICTA. 10 January 2014 tarixində arxivləşdirilib. İstifadə tarixi: 22 March 2014.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.