İnfanta İzabella Mariya Braqanza

İzabella Mariya Braqanza (isp. Isabel Maria da Conceição Joana Gualberta Ana Francisca de Assis Xavier de Paula de Alcântara Antónia Rafaela Micaela Gabriela Joaquina Gonzaga de Bragança e Bourbon) (4 iyul 1801, Lissabon – 22 aprel 1876) — İspaniya və Portuqaliya infantası.

İnfanta İzabella Mariya Braqanza
Şəxsi məlumatlar
Doğum tarixi 4 iyul 1801(1801-07-04)
Doğum yeri
Vəfat tarixi 22 aprel 1876(1876-04-22) (74 yaşında)
Dəfn yeri
  • San-Visente-de-Fora monastrı[d]
Sülalə Braqanza sülaləsi
Anası İnfanta Şarlotta (Portuqaliya kraliçası)
Təltifləri Grand Cross of the Order of the Immaculate Conception of Vila Viçosa
Vikianbarın loqosu Vikianbarda əlaqəli mediafayllar

Atası Portuqaliya kralı VI Con, anası isə İspaniya kralı IV Karlın qızı Şarlottadır. Bu səbəblə eyni zamanda Portuqaliya infantası idi. Napoleon Bonapartın Avropadakı işğalçı siyasəti səbəbilə bütün saray əhalisi 1807-ci ildə Portuqaliyanı tərk edərək Braziliyaya qaçdı.

1826-cı ildə atası vəfat etdi və qardaşı Pedro Portuqaliya kralı elan olundu. Ancaq o əsnada yeni kral Braziliyada, digər qardaşı İnfant Miquel isə Vyanada idi. Böyük bacıları Mariya Tereza və Mariya Fransiska isə İspaniya infantlarıyla evlənib Madridə köçmüşdülər. Bu səbəblə ailənin Portuqaliyadakı ən böyük nümayəndəsi olaraq İzabella Mariya qısa müddətliyinə kralın naibəsi elan olundu.

Ancaq o illərdə Braziliya imperatoru olan qardaşı Pedro üçün Portuqaliya çox kiçik bir krallıq idi. Bu səbəblə bir neçə ay sonra qardaşı Miquellə evlənməsi şərtiylə, qızı Mariyanı Portuqaliya kraliçası elan edərək taxtdan çəkildi. O əsnada qızın 7 yaşı var idi və bu səbəblə yeni kraliçanın bibisi olaraq İzabella Mariyanın naibəliyi uzadıldı.

Qardaşı Miquel isə qardaşı qızıyla evlənmək imtina etmiş, 1828-ci ilin fevralında taxt naibliyinə ələ keçirmişdi. 5 aylıq naibliyin ardından isə qardaşı qızını devirərək hakimiyyəti ələ aldı. Ancaq 6 il sonra II Mariya yenidən hakimiyyətə gətirildi.

Bütün bu iğtişaşlar əsnasında isə İzabella Mariya dövlət işlərindən əl çəkib, dini həyata yönəldi. 1876-cı ildə vəfat etdi. Heç vaxt evlənmədi və övladı olmadı.

Mənbə

İstinadlar
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.