İnçə (Şəki)

İnçə — Azərbaycan Respublikasının Şəki rayonunun İnçə kənd inzibati ərazi dairəsində kənd.[1]

İnçə
41°15′18″ şm. e. 47°06′29″ ş. u.
Ölkə  Azərbaycan
Rayon Şəki rayonu
Tarixi və coğrafiyası
Saat qurşağı
Əhalisi
Əhalisi 1.355 nəfər
İnçə xəritədə
İnçə
İnçə

Əhalisi

Kənd Şəki-Qax-Zaqatala-Balakən yolu üzərində yerləşir.Kəndin əhalisi 1355 nəfər təşkil edir ki, onun da 692 nəfəri kişi, 663 nəfəri isə qadındır. Kəndin yuxarı hissəsində əhali daha sıx yerləşib. Kəndin əhalisi ikimillətlidir. Burda Rutul ləzgiləri məskunlaşmışdır (XX-XIX əsr). Rutul ləzgiləri bura 18-19-cu əsrlərdə Dağıstanın Rutul rayonu ərazisindəki Borç kəndindən Azərbaycanın şimal ərazilərinə köçmüşdür(Şəki- Şin, Şorsu, Daşüz, Göybulaq və s.). Əhalisi çox mehriban, qonaqpərvərdir. Kənd daxilində 2 şəhid bulağı var. Şəhid Əlibəyov Mahmud (ləzgi), Şəhid Piriyev İsmayıl. Əhalisi əsasən bağçılıq, əkinçilik, maldarlıq ilə məşğul olur.

Kənd haqqında

Kəndin 3 tərəfi dağlarla əhatə olunmuşdur. Kəndin şimal-şərqində yerləşən dağın üstündə qədim alban qəbiristanlığı yerləşir. Ərazisi 1,58 km²-dir. Kəndin şərq hissəsində uzunluğu 941 m olan çay axır. Çayın mənbəyi dağ sularından gəlir, mənsəbi yoxdur. Kəndin ayağından başına kimi olan əsas yolun uzunluğu 1,9 km-dir.

İstirahət yerləri

Kəndin girişində Karvansaray restoranı var. Futbol meydançasının yanındakı ərazidə İskəndərin qoruğu yerləşir. Həmin qoruğun yolu bütün dağları gəzmək mümkündür. Həmin ərazidə meyvə bağı yerləşir. Ətrafındakı dağları gəzmək üçün yüksəyə qalxan cığırlar vardır. Kəndin başında yerləşən cığır vasitəsilə əvvəllər Oxud kəndinə getmək olurdu. Həmin yol Oxud kəndi ərazisindəki Yelbaba ziyarətinə gedib çıxır.

İstinadlar
  1. Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı" (PDF) (az.). stat.gov.az. 2019. 2020-04-16 tarixində arxivləşdirilib (PDF). İstifadə tarixi: 2022-09-29.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.