İmfal Beynəlxalq Hava Limanı

İmfal Beynəlxalq Hava Limanı
İmfal Beynəlxalq Hava Limanı
	24°45′36″ şm. e. 93°53′48″ ş. u.
	IATA: IMF – ICAO: VEIM
Məlumat
Hava limanı tipi	Mülki
Ölkə	Hindistan
	Rəsmi saytı
	Vikianbarda əlaqəli mediafayllar

İmfal Beynəlxalq Hava Limanı (BMAT: IMF, BHNA: VEI) - şimal-şərqi Hindistanın ikinci ən böyük hava limanı. İmfal şəhərindən 8 km cənubda yerləşir. İmfal Beynəlxalq Hava Limanı şimal-şərqi Hindistanı Banqalor, Dehli, Kəlkətə, Mandalay kimi ölkənin böyük şəhərləri ilə birləşdirir. İmfal Beynəlxalq Hava Limanı şimal-şərqi Hindistanın ikinci ən böyük hava limanıdır.

Texniki məlumatlar

Hava Limanı dəniz səviyyəsindən 775 metr hündürlükdə yerləşibdir. Qalxma-enmə zolağının uzunluğu 2746 metr olub, asfalt örtüyə malikdir. İmfal Beynəlxalq Hava Limanı çoxlu müasir qurğulara sahibdir. Buna görə də gecə vaxtı da xidmət vermə imkanına malikdir. Hal-hazırda hava limanında 2 gəliş və 2 gediş qapısı mövcuddur. Gəliş hissəsi 60000, gediş hissəsi isə 35000 sərnişinə xidmət edə bilər. Hava limanı C tipi təyyarələrin (Airbus 320 və 321) qəbulu üçün əlverişlidir.

2014-cü il ərzində hava limanında 4991 uçuş həyata keçirilmiş, bu müddət ərzində 846895 sərnişin daşınmışdır.[1]

Hava yolları və istiqamətlər

Hava yolu şirkəti	Uçuş nöqtəsi	Terminal
AirAsia India	Dehli, Quvahati	Ölkədaxili-1
Air India	Aizawl, Dehli, Guwahati, Kolkata	Ölkədaxili-2
Air India Regional	Silçar	Ölkədaxili-2
Golden Myanmar Airlines	Mandalay	Beynəlxalq-1
İndiGo	Agartala, Dehli, Quvahati, Kəlkətə	Ölkədaxili-1
Jet Airways	Quvahati, Kolkata, Silchar	Ölkədaxili-2

İctimai nəqliyyat

İmfal Beynəlxalq Hava Limanı ilə İmfal şəhəri arasında ictimai və pullu avtobuslar və rikşavlar vasitəsilə çox sıx əlaqə yaradılmışdır. Həmçinin taksi və avtomobil kirayəsi də mümkündür. Hava limanınından İmfal şəhərinə İmfal Çuraçandpur avtomagistralı (həmçinin Tiddim yolu olaraq da tanınır) vasitəsilə getmək mümkündür.

Qəzalar

16 avqust 1991-ci ildə Hindistan Hava Yollarına məxsus təyyarə 257 nömrəli uçuşu həyata keçirərkən İmfal Beynəlxalq Hava Limanı eniş vaxtı qəzaya uğramışdır. Sərnişin və təyyarənin bütün uçuş heyəti daxil olmaqla 69 nəfər ölmüşdü.[2]

İstinadlar

"TRAFFIC STATISTICS - DOMESTIC & INTERNATIONAL PASSENGERS". Aai.aero. 2015-01-03 tarixində orijinalından (jsp) arxivləşdirilib. İstifadə tarixi: 2015-11-02.
Indian Parliament. "Accident of Indian Air Lines Aircraft near Imphal" (ingilis). 1991-08-19. 2022-02-06 tarixində arxivləşdirilib. İstifadə tarixi: 2015-11-02.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] "TRAFFIC STATISTICS - DOMESTIC & INTERNATIONAL PASSENGERS". Aai.aero. 2015-01-03 tarixində orijinalından (jsp) arxivləşdirilib. İstifadə tarixi: 2015-11-02.

[2] Indian Parliament. "Accident of Indian Air Lines Aircraft near Imphal" (ingilis). 1991-08-19. 2022-02-06 tarixində arxivləşdirilib. İstifadə tarixi: 2015-11-02.